مركز خدمة عملاء هيونداي ترحب باى شكوى من مالكي هيونداي

**Hyundai-CRM** · 10-09-2009 02:52 PM

أرجو الأتصال علي رقم موبيلي للتنسيق لحضوركم مراكز الخدمة

رمضان كريم
تحياتي

**dr_walid** · 14-09-2009 02:10 PM

السلام عليكم
كل عام وانتم بخير
كان ليا استفسار يا بشمهندس

انا حاخز سيارة نيو اكسنت بس مش عارف استلمها امتة قالولى قبل العيد
وبعد كدة قالولى بعد العيد
فاذا ممكن حضرتك تشفلى الموضوع دة اصلى محتاج السيارة اوى
انا حاجز من التوكيل ابو رواش

**goofyarch** · 15-09-2009 08:24 PM

يا جماعة أنا لازم اشكر الاستاذ عاطف و كل فريق العمل في قليوب على المساعدة و الشغل الممتاز
أنا كان عند مشكلة في التكيف ( إلنترا) ٢٠٠٩ ، الكومبرسر فجأة باز ،رحت أبو غالي رفضو يغيرو و شحنولي فريون و خلوني إدفع ١٥٠ جنيه
لما رحت قليوب قابلني المهندس محمد رمضان و قام بالواجب تمام و غير الكومبرسر
دة كان شكر واجب

**yehiaomer** · 18-09-2009 09:57 AM

ارجو حل مشكلة الزحام ولازم تكون فية خدمة كاملة سمكرة ووو
فى الاسكندريةويجب وجود مكان اخر اوسع على الصحراوى مثلا لان الصيانة مشكلة فعلا

**SAMEHNOSHI** · 18-09-2009 04:15 PM

صباح الخير يا استاذ عاطف
اشتريت فرنا 1600 هاف اوبشن من توكيل غبور فرع صلاح سالم, و قبل ما اشتريها اكتشفت انها مفيهاش انزار و سنتر مع ان فى كونتكت كار كاتبين ان الهاف اوبشن فيها, المهم غيرت رايى و قلت مش حشتريها لكن مندوب المبيعات اكدلى ان دى مش مشكلة وانى ممكن اركبة فى اى من مراكز خدمة غبور المعتمدة علشان الضمان وانة مش حيتكلف اكتر من 500 جنية.
كنت عايز اعرف اركبة فين بحيث مطلعش برة الضمان و هل عشم نوار اللى فى شارع دمشق ممكن اركب فية و مطلعشى برة الضمان؟ وهل ممكن اركبة من دلوقتى ولا لازم استنى لحد صيانة الالف؟

**SAMEHNOSHI** · 23-09-2009 04:55 PM

المشاركة الأصلية كتبت بواسطة samehnoshi

صباح الخير يا استاذ عاطف
اشتريت فرنا 1600 هاف اوبشن من توكيل غبور فرع صلاح سالم, و قبل ما اشتريها اكتشفت انها مفيهاش انزار و سنتر مع ان فى كونتكت كار كاتبين ان الهاف اوبشن فيها, المهم غيرت رايى و قلت مش حشتريها لكن مندوب المبيعات اكدلى ان دى مش مشكلة وانى ممكن اركبة فى اى من مراكز خدمة غبور المعتمدة علشان الضمان وانة مش حيتكلف اكتر من 500 جنية.
كنت عايز اعرف اركبة فين بحيث مطلعش برة الضمان و هل عشم نوار اللى فى شارع دمشق ممكن اركب فية و مطلعشى برة الضمان؟ وهل ممكن اركبة من دلوقتى ولا لازم استنى لحد صيانة الالف؟

يا جماعة انا فى قطر دلوقتى, كلمت المهندس عاطف علشان اسالة عن موضوع الانذار و السنتر دة, بصراحة الراجل محترم فوق الوصف يا جماعة, للاسف انا اتصلت بية العصر و كان نايم و صحيتة من غير مقصد, و لما اعتذرتلة و قلتلة اكلمة وقت تانى رفض ينهى المكالمة الا لما يرد على كل اسئلتى بخصوص الانذار و السنتر, بصراحة الراجل ذوق ذوق ذوق فوق الوصف و انا بجد اسف يا بشمهندس انى صحيت حضرتك من النوم و بعتذر لحضرتك بشدة, انا كنت فاكر ان اجازة العيد 3 ايام بس و مكنتش اعرف ان حضرتك لسة فى اجازة...بعتذر لحضرتك مرة تانية بشدة على الموقف البايخ دة.
بخصوص سؤالى و رد البشمهندس عاطف عليا للافادة الجماعية:
نعم يمكن تركيب الانذار و السنتر فى توكيل قليوب و عن التكلفة حاليا هو مش متاكد كام بالضبط لكن فى حدود 500 جنية,
و للناس اللى مشوار قليوب صعب عليهم (زى حلاتى لانى برة مصر و المدام هيا اللى بتسوق دلوقتى و صعب تروح لحد قليوب لوحدها) يمكن تركيبهم فى عشم نوار اللى فى شارع دمشق و دفيرة كهربة العربية ان شاء الله مش حتطلع برة الضمان.
صح كلامى كدة يا بشمهندس عاطف بخصوص عشم نوار؟
يا ريت لو انا غلطان فى حاجة تصلحها للافادة الجماعية.

**Puresoul** · 24-09-2009 11:20 AM

السلام عليكم
كل سنه وانتم طيبن و بصحه و سلامه..
سؤال بسيط عن سعر بودي مرايه هوينداي جيتز 2008 لون سماوي
والسؤال عن سعر البودي كامل بتاع المرايه للنوع الي يمكن تعديل المرايه كهربائيا و في الاماكن المتوفره فيها الي بتكون اصليه و بتركيب محترم ..
و شكرا..

**أبــوحبيبه ونور** · 24-09-2009 03:35 PM

المشاركة الأصلية كتبت بواسطة puresoul

السلام عليكم
كل سنه وانتم طيبن و بصحه و سلامه..
سؤال بسيط عن سعر بودي مرايه هوينداي جيتز 2008 لون سماوي
والسؤال عن سعر البودي كامل بتاع المرايه للنوع الي يمكن تعديل المرايه كهربائيا و في الاماكن المتوفره فيها الي بتكون اصليه و بتركيب محترم ..
و شكرا..

نصيحة عن تجربة فى تعديل لبعض اجزاء العربية عشان تبقا كهربا خلى العربية بحلتها وصلح اللى موجود احسن ما تروح لواحد يبوظ الدنيا وترجع تندم تقول يا ريتنى سبتها زى ما كانت

**Hussin** · 24-09-2009 07:50 PM

عندي مشكلة في فرامل العربية لما آجي أطلع الصبح وأدوس فرامل اسمع صوت مزعج كأن الحديد بيأكل في بعضه وبعد كده لما أمشي شوية الصوت بيروح مش عارف ده من تيل الفرامل ولا ايه الموضوع بالضبط برجاء الإفادة

**Puresoul** · 25-09-2009 01:18 AM

المشاركة الأصلية كتبت بواسطة أبــوحبيبه ونور

نصيحة عن تجربة فى تعديل لبعض اجزاء العربية عشان تبقا كهربا خلى العربية بحلتها وصلح اللى موجود احسن ما تروح لواحد يبوظ الدنيا وترجع تندم تقول يا ريتنى سبتها زى ما كانت

حضرتك العربيه هي كده مستورده من بلدها بمرايه كهرباء..دلوقتي البودي بتاعها اتكسر عاوز اغيره بواحد جديد انا مش عاوز ازبط أو العب فيها انا عاوز اغير حاجه بايظه بحاجه جديده..اتمنى تكون وصلت الفكره..