الموضوع: كيا بيكانتو ولا هيونداى i10

واللة انا من اول ما بدات اقرا الموضوع و انا عايز اقول انما السعر وصل ل 70 الف يبقى الانوس هى احسن حاجة عربية موجودة بقالها 12 سنة و لسا بتتباع منها زيرو يبقى دة دليل على جودة العربية و مشكلة السواقة بتححل بسرعة اول ما هتركبيها كذا مرة هتتعودى على ابعادها زى ما حصل معايا بالظبط و قطع الغيار عند البقال زى ما بيقولوا و برضو الى انتى مرتاحة فية اكتر

المشاركة الأصلية كتبت بواسطة uubaby2000

ايه رايكم فى اللانوس المانيوال ؟؟؟؟ ولا استنى البيكانتو الاوتوماتك ولا اجيب اى تن اوتوماتك ؟؟؟؟؟؟؟؟؟؟؟؟؟؟؟

اللانوس هتريحك من ناحية قطع الغيار خالص

لكن استهلاك بنزين عالى و اعلى من عربيات 1600 زى الهيونداى ماتريكس

ثباتها قريب من ال i10

موتور العربية بيخشن بسرعة عكس مواتير هيونداى انا عندى ماتريكس ماشيه اكتر من 92,000 كم و موتورها زى الزيرو و كذلك ال i10 بعد 18,000 كم

اللانوس كانت معايا لمدة سنه موتورها اتبهدل و بقى خشن و بعتها عند 48,000 كم لانها كانت هتجيب كبالن و علبة الدركسيون بتدربك فقلت اخلص منها

دى تجربتى و يجوز عدم تعميمها على اللانوس

بس هى اوسع شويه من البيكانتو و ال i10 و شنطتها كبيرة بالنسبة لهم

عفشتها انعم فى المطبات و الحفر

سحبها حلو على السرعات العاليه لكن على السرعات القليله ال i10 افضل

من جوه كويسه كجوده

موتور ال i10 اهدى بكتيير و اهتزازاته و صوته اقل

باور اللانوس مقارنة بال i10 يعتبر مش باور اصلا و تقيل جدا جدا عن ال i10

فرامل ال i10 اقوى بكتيييير من اللانوس

شوفى احتياجاتك و العربية اللى عجباكى و ما دام مأمنه عليها خلاص