الموضوع: كيا بيكانتو ولا هيونداى i10

المشاركة الأصلية كتبت بواسطة donzi

بصي يا ستي

انا كان معايا ال i10 و عملت بيها حدثة و العربية راحت و الحمد لله ، عيبها الرئيسي قطع الغيار غالية جدا جدا جدا ...... لحد الصبح و كمان مش متوفرة و مفيش ليها استيراد و طبعا التوكيل - غبور - سمعته سابقاه ( سيء يعني )

انما هي في الاستخدام كانت ممتازة ناعمة و موفرة للبنزين جدا و تكييفها حلو اوي و قعدتها مريحة جدا

و حاليا ناوية اشتري بيكانتو و دة بعد بحث طويل عريض ، ليه بقى ؟؟

عربية منتشرة اكتر و قطع غيارها متوفرة جدا و توكيلها جيد جدا و اعادة بيعا بالتالي كويسة
سالت ناس كتييير اوي من ملاك البيكانتو و محدش قال عليها حاجة وحشة الا ان عفشتها خشنة شوية ودة اصلا كويس في عربية صغيرة زي دي مش وحش

موضوع الخليجي و التوكيل فانصحك بالتوكيل لان الكاسيت مش حوار يعني انتي ممكن تجيبي كاسيت اصلي و اجمد كمان من اللي هي بتنزل بيه لكن في المقابل التوكيل و صيانته و ضمانه اهم من الكاسيت بكتير

التامين مهم جدا و ياريت تعمليه مع شركة كبيرة و معروفة زي مصر للتامين مثلا و يكون بدون نسبة تحمل خالص و في الحالة دي لو حصل في العربية اي حاجة بتتصلح سواء في التوكيل او في اي ورشة تابعة لشركة التامين _ و دي هما اللي بيدلوكي عليها في الشركة - و في كلا الحالتين مش بتدفعي حاجة

مبروك مقدما و ربنا يهديكي للخير و الصواب

.

دونزى انا خلاص ر بنا هدانى وقررت بيكانتو بس معرفش التامين بيتكلف كام حد عنده فكرة ؟

ايه رأيكم فى شركة قناة السويس للتامين يعنى لو العربية ب 68 الف التامين يكون بكام؟؟؟؟؟

المشاركة الأصلية كتبت بواسطة Donzi

بصي يا ستي

انا كان معايا ال i10 و عملت بيها حدثة و العربية راحت و الحمد لله ، عيبها الرئيسي قطع الغيار غالية جدا جدا جدا ...... لحد الصبح و كمان مش متوفرة و مفيش ليها استيراد و طبعا التوكيل - غبور - سمعته سابقاه ( سيء يعني )

انما هي في الاستخدام كانت ممتازة ناعمة و موفرة للبنزين جدا و تكييفها حلو اوي و قعدتها مريحة جدا

و حاليا ناوية اشتري بيكانتو و دة بعد بحث طويل عريض ، ليه بقى ؟؟

عربية منتشرة اكتر و قطع غيارها متوفرة جدا و توكيلها جيد جدا و اعادة بيعا بالتالي كويسة
سالت ناس كتييير اوي من ملاك البيكانتو و محدش قال عليها حاجة وحشة الا ان عفشتها خشنة شوية ودة اصلا كويس في عربية صغيرة زي دي مش وحش

موضوع الخليجي و التوكيل فانصحك بالتوكيل لان الكاسيت مش حوار يعني انتي ممكن تجيبي كاسيت اصلي و اجمد كمان من اللي هي بتنزل بيه لكن في المقابل التوكيل و صيانته و ضمانه اهم من الكاسيت بكتير

التامين مهم جدا و ياريت تعمليه مع شركة كبيرة و معروفة زي مصر للتامين مثلا و يكون بدون نسبة تحمل خالص و في الحالة دي لو حصل في العربية اي حاجة بتتصلح سواء في التوكيل او في اي ورشة تابعة لشركة التامين _ و دي هما اللي بيدلوكي عليها في الشركة - و في كلا الحالتين مش بتدفعي حاجة

مبروك مقدما و ربنا يهديكي للخير و الصواب

.

فعلا عيب ال i10 ان قطع غيارها غاليه بس البيكانتو كمان بعض قطع غيارها غاليه و من ناحية الاستيراد بردوا حاجه البيكانتو (الشكل الجديد) نادره جدا زيها زى ال i10 لانها مختلفة فى الشكل عن الجيل السابق من ناحية الفوانيس و الاكصدامات

لكن الميزة فى هيونداى ان قطع الغيار متوفره فى غبور و انا اتعرضت لسرقة و كسر الزجاج و لقيته فى التوكيل موجود تانى يوم من غير حتى ما اسأل قبلها

بالتالى اللى مأمن مش هتفرق معاه اذا كانت قطع الغيار غاليه او رخيصه

و مبروك مقدما

المشاركة الأصلية كتبت بواسطة hema1975

فعلا عيب ال i10 ان قطع غيارها غاليه بس البيكانتو كمان بعض قطع غيارها غاليه و من ناحية الاستيراد بردوا حاجه البيكانتو (الشكل الجديد) نادره جدا زيها زى ال i10 لانها مختلفة فى الشكل عن الجيل السابق من ناحية الفوانيس و الاكصدامات

لكن الميزة فى هيونداى ان قطع الغيار متوفره فى غبور و انا اتعرضت لسرقة و كسر الزجاج و لقيته فى التوكيل موجود تانى يوم من غير حتى ما اسأل قبلها

بالتالى اللى مأمن مش هتفرق معاه اذا كانت قطع الغيار غاليه او رخيصه

و مبروك مقدما

يعنى من رايك الاى تن احسن.؟؟

المشاركة الأصلية كتبت بواسطة uubaby2000

يعنى من رايك الاى تن احسن.؟؟

بصى انا سوقت بيكانتو بس كانت بدون باور و موديل 2004 او 2005 فمقدرش اقارنها بال i10 لانى هظلمها

بس الحمد لله انا معدى ال 18,000 كم بالعربية معملتش غير صيانه واحده فى التوكيل و قررت اعمل صيانتها بنفسى و مش مشكلة الضمان لان العربية ما شاء الله مفيش فيها مشاكل و انا عندى خبرة كويسه و اشتغلت فى الصيانة

انا على تجربتى بقول انها ممتازه و عربية محترمة جدا و بتستحمل اى حاجه سفر جرى و حرق و حفر و مطبات

و رغم كل دا ااكدلك ان البيكانتو زيها تماما تستحمل اى شىء

شوفى العربية اللى هترتاحى فيها لما تركبيها يعنى انزلى اتفرجى و احكمى بنفسك

لان الاتنين ممتازين و لكن ممكن يعجبك وسع ال i10 و كمالياتها اللى اكتر من البيكانتو او يمكن يعجبك تابلوه البيكانتو و اللون البيج و العدادات البرتقالى.......... فأحكمى انت و فى كلا الخيارين هتركبى عربية محترمة جدا

بالتوفيق