الموضوع: كيا بيكانتو ولا هيونداى i10

المشاركة الأصلية كتبت بواسطة donzi

مكنتش اعرف المعلومة دي اصل انا شارية من 2008

شكرا على المعلومة بس اعتقد نسبة التحمل بتكون بسيطة



مش باين شكلك لسة محتارة و همالة تسالي اهو
عموما مبروك مقدما ايا كان اختيارك




التامين بيبقى بنسبة من تمن العربية و كل شركة فيها نسبة غالبا في السوق دلوقتي النسبة مابين 4% و 4.75%

يعني لو العلربية ب 70000 * 4.75% = 3325 جنيه و دي اعلى نسبة يعني ممكن يكون في اقل من كدة

اصل بصراحة شكل البيكانتو حلو اوى من برة بحس انها عربية شيك اوى واستايل اما الاى تن من جوة اتبسطت فيها اوى والفتيس الاوتوماتك بتاعها ماشاء الله جميل وحسيت انها عربية كبيرة مش صغيرة من جوة
بس بصراحة لما شفت صور الحادثة بتاعتك اتعقدت من العربية دى ... معلش ربنا يديكى احسن منها واشوفك راكبة هوندا بلاش الهيونداى اهو بدعيلك باللى نفسى فيه .. انتى مش هتشترى بيكانتو قولتى ؟؟؟

المشاركة الأصلية كتبت بواسطة Donzi

اسمحلي اختلف معاك و عن تجربة - مريرة - مع ال i10

قطع الغيار مش كلها متوفرة في التوكيل ولا حاجة انا مرة كنت محتاجة شبكة امامية و مراية جنب و العربية قعدت عندهم 3 اسابيع زيادة عشان مستنين الشبكة تيجي من كوريا و برضو مجتش و في الاخر زهقت و استلمت العربية بالشبكة البايظة و المرايا جت بعدها بشهر

الراجل اللي اشترا العربية مني بعد الحادثة - من 3 شهور تقريبا - والله العظيم داااااااااااااايخ على قطع الغيار و كان احسنله يفككها و يبيعها ، الصدر بعد ما كن تمنه في التوكيل 1600 ج غبور غلاه عشان يكسب فيه و خلاه ب 2600 ج !!!! استعباط بالبقسماط يعني و الراجل بعت جابه من كوريا مع شحنة قطع غيار تانية ( حد عملهاله خدمة يعني )

و دلوقتي واقف على القنطرة و برضو مش لاقيها عند التوكيل و هايجبها من برة او هايجيب واحدة من عربية تانية عاملة حدثة برضو


.

اه انت بتتكلمى فى حاجات جامده اوى كده ربنا يكفينا شرها

بس على فكره نفس الموضوع فى كيا واحد فى المنتدى التوكيل فضل يدوخه على باب شنطة مش موجود و هيستورده و استنى اكتر من شهرين على ما اتذكر

المشكلة مش فى توكيل بعينه البلد كل وكلائها بيستعبطوا و غبور بيستعبط بزياده بالذات فى ال i10 كده

المشاركة الأصلية كتبت بواسطة Donzi

هاجيبها ان شاء الله بس انتي عارفة اللي حصل في موضوع الشغل خلاني اجل الموضوع شوية و ممكن اجيب حاجة مستعملة امشي بيها نفسي كام شهر على ما الدنيا تتظبط معايا و هاجيبها برضو ان شاء الله

و لو ربنا سهل و اشتغلت اليومين الحاين دول او بعد رمضان ان شاء الله اجيبها علطول

ربنا يوفقك يارب ونجيب بيكانتو انا وانتى وورداية فى يوم واحد ان شاء الله ويعملولنا خصم محترم على عربيتى

لا لو بيكانتو يبقي اكيد شيفورليه لانوس من كوووول حاجه فعلن نرجع ليها واحنا زي الفل في افيو علي فكره ب72 او ب74 تقريبا بس الانوس برقبه البيكانتو صحيح وساعتها كول الي قلته عنها يتلغي بس كده كده الجري بلفقه دي مش يحدي 130