سؤال فى ال 508

**koshakindnes** · 06-11-2013 05:41 PM

المشاركة الأصلية كتبت بواسطة leitosr

ياريت يا أستاذ عمرو تبقي تعملنا موضوع وتقرير عن العربية وتقولنا عاملة أيه معاك عشان نكمل بيهم مواضيع ال 508 اللي عندنا في المنتدي.

ياريت والله يتعمل كذا موضوع فى ال 508 حتى لو الكلام مقرر وبيتعاد بس التكرار بياكد ان العربيه كويسه ويطمن الناس اكتر لما يبقى كذا واحد قال نفس الكلام والعربيه الصراحه ممتازة وربنا يستر وسعرها ميزدش تانى علشان هتجنن واجبها

**koshakindnes** · 06-11-2013 05:42 PM

وشكرا لرد حضراتكوا بخصوص موضوع ال rpm انا كنت خايف بس ان يكون فى السحب نفسها مش طويل علشان بتقلب بدرى يعتبر كدا بس شكرا للشرح

**sherifffff** · 06-11-2013 09:57 PM

السلام عليكم
رداً علي ما أثير عن ال ٥٠٨

المشاكل دي كلها واجهتني

بالنسبة للتكييف أنا كنت ملاحظ مشكلة الروائح الخارجية اول شهريين
ورحت الوكالة مخصوص والفني لقيته مش عارف المشكلة فين
بس بصراحة أختفت مع صيانة العشرة آلاف
وخلي بالك فية وضعية بتجيب الهوا من برة وجوة بمعدل ١ الي ٢ علي الترتيب
ودة بيبقي فية حرف a داخل علامة إعادة الدوران
وعندي ملاحظة كمان ان اندفاع الهواء أكبر من الهواية اليسرى اللي جنب الباب
واللي في الكونسول ضعيفة شوية ودي حلها اني بقفلها شوية فبيقىم الهوا يروح للتانية

بالنسبة لإنذار السرعة كان بيزعجني في الاول ورحت الوكالة في الرياض وقابلت مهندس أجنبي وقالي
ممكن نخلية عند سرعة ١٣٠ مش أكتر بس منقدرش نلغيية ولازم يتم مع الصيانة الدورية
انا بجد معدتش بسمعة الا لو حد ركب معايا وفكرني بية

بالنسبة لإنذار أحزمة الامان فدة دائم للسائق وبالوزن للراكب الأمامي ومفيش للركاب الخلفيين
ولو بنتي عدلت وضعها وهية راكبة جنبي بيرجع يزمر تاني

اللي عجبني في الصيانة الدورية ان السيارة بتتوصل بكابل عن طريق النت مع فرنسا
في الاول كنت فاكرهم بيكذبوا بس انا شفت ده بنفسي
ولما رحت في يوم الصيانة الساعة ٨:٣٠ أعتذرولي وقالولي خلاص البرنامج بدأ وبيقعد ٦ ساعات
علي النت لإننا بنعمل برمجة كاملة مش إكتشاف أعطال بس وادوني ميعاد تاني
وبالفعل بعد الصيانة لقيت بعض الاختلافات في واجهة الشاشة الرئيسية والشاشة ما بين العدادات
ومشكلة التكييف اتحلت وصوت المحرك بقى أقل والسيارة واقفة

لسة عندي شوية ملاحظات زي صوت تزييق مع فتح الشنطة والابواب الخلفية زي متكون عايزة تتشحم
ال usp مرة يقرأ الفلاشة ومرتيين لأ
غطاء التانك مش بيقفل بسهولة من أول مرة
ضغط الهواء بيقل شوية كل شهر تقريباً

فيما عدا ذلك كلة تمام الحمد لله

**Ahmed Amin** · 07-11-2013 06:36 AM

المشاركة الأصلية كتبت بواسطة koshakindnes

ياريت والله يتعمل كذا موضوع فى ال 508 حتى لو الكلام مقرر وبيتعاد بس التكرار بياكد ان العربيه كويسه ويطمن الناس اكتر لما يبقى كذا واحد قال نفس الكلام والعربيه الصراحه ممتازة وربنا يستر وسعرها ميزدش تانى علشان هتجنن واجبها

**eleanor** · 08-11-2013 04:29 AM

انا عربيتى مافيهاش انذار السرعه ده اللى بيشتغل على سرعه 120
ممكن بيتفصل من الموديلات الى بتنزل مصر
اما بالنسبه للتكيف فى حالتين لاعاده تدوير الهواء من الداخل
1- فيها حرف a ودى المفروض بتشغل الايونيز aioniser ودى فلتر الميكروبات والفعل بيدخل نسبه هواء من الخارج لتنقيه الهواء دايما
2- اعاده تدوير عاديه زى اللى موجوده فى اى عربيه ودى ممكن تشغلها جوا البلد ومش هادخل ريحه عوادم ولا حاجه
وبالنسبه لموضوع الار بى ام الميزه فيه انك بتقدر توصل لريد زون عادى غير العربيات التانيه مش بتقدر توصله
وفى المجمل العربيه جميله واى استفسار تحت امركم

**eleanor** · 08-11-2013 04:33 AM

معلش بقى انا عندى استفسار طالما حضرتك من مللاك العربيه خارج مصر

معلش عندى بعض الاستفسارات بخصوص عربيتى البيجو 508
العربيه المفروض لما اجيب مارشيدير المرايات تتظبط اوتوماتيك على الظبط اللى مسجله فى الاول
والحاجه التانيه هو مش المفروض العربيه تقفل لوحدها لما ابعد عنها والمفتاح معايا
هل عربيتكم فيها الحصائص دى ولا ايه