بيجو 301..نص الشكوى

**ismail mohie** · 05-05-2014 03:15 PM

المشاركة الأصلية كتبت بواسطة abohend

البيجو مش أعلى من رينو
أنا مقلتش كده
البيجو 301 أعلى من اللوجان و السانديرو
لكن توكيل رينو لجميع الموديلات أكثر إحترافية من توكيل بيجو لكل الموديلات
و ده مش شئ غريب

و قوة الوكيل بتفرق مع أي سيارة خصوصا في الفئة الإقتصادية اللي متستحملش تكاليف إضافية كل يوم و التاني
أنا عارف إن الموضوع جديد على بيجو
و لازم يغير جلده عشان يتواءم مع العملاء الجدد
نظام إضحك على الزبون و بعلوا التورماي مينفعش مع ناس طفحانة الكوتة و بتحسب كل قرش قبل متدفعه
دي حقيقة لازم التوكيل ياخد باله منها
أنا مش هدفع 600 جنيه على الفاضي و أقول مش مشكلة أنا بشتري راحتي و وقتي
أنا لازم أبقى عارف هدفعهم ليه و إزاي و إمتى و فين

معاك حق فى كل كلمه- انا بس مركز على بيجو ٣٠١ و سانديرو او لوجان وهما اقل من ٣٠١ بشويه لكن توكيلهم اكثر احترافيه واحترام - وفرق السعر مش هين- انا بفكر بجديه اسحب المقدم بس اشوف اللوجان الجديده والسانديرو علي الطبيعه الاول خصوصا ان توكيل بيجو مهمل ومش مهتم بالعملاء

**ismail mohie** · 06-05-2014 04:53 PM

انا عجبانى البيجو بشكل كبير وخايف من توكيلها شويه لكن شكوى الاعضاء والاستجابه لها شئ مشجع جدا غير انى مش قادر اقتنع بالسانديرو والميجان زى البيجو لا من حيث الامكانيات ولا التصميم ورغم فرق السعر مش عايز اغير رغم انه شئ محيرجدا وخد منى وقت واتمنى يكون ربنا وفقنى للصواب والتوكيل بتاع بيجو يكون على قدر جمال وروعه العربيه وكمان انتشارها الكبير مشجعنى - ده غير ان التوكيل كلمنى وقالى الاستلام بعد اسبوع وده شئ فرحنى - يالله على بركه الله

**abohend** · 06-05-2014 06:48 PM

المشاركة الأصلية كتبت بواسطة ismail mohie

انا عجبانى البيجو بشكل كبير وخايف من توكيلها شويه لكن شكوى الاعضاء والاستجابه لها شئ مشجع جدا غير انى مش قادر اقتنع بالسانديرو والميجان زى البيجو لا من حيث الامكانيات ولا التصميم ورغم فرق السعر مش عايز اغير رغم انه شئ محيرجدا وخد منى وقت واتمنى يكون ربنا وفقنى للصواب والتوكيل بتاع بيجو يكون على قدر جمال وروعه العربيه وكمان انتشارها الكبير مشجعنى - ده غير ان التوكيل كلمنى وقالى الاستلام بعد اسبوع وده شئ فرحنى - يالله على بركه الله

ألف مبروك و تستلم على خير
متنساش ساعة اﻹستلام تلفت نظرهم لغطاء الكنترول يونيت
و تقولهم إني منتظر إستلامه في صيانة ال2500
إن شاء الله إنتشار العربية يساعد في إنتشار قطع غيارها و سهولة صيانتها
عشان نبعد عن أسوأ ما في السيارة (وكيلها)
و بجد ال301 صفقة رابحة مش هتندم عليها إن شاء الله

**ismail mohie** · 07-05-2014 12:56 PM

المشاركة الأصلية كتبت بواسطة abohend

ألف مبروك و تستلم على خير
متنساش ساعة اﻹستلام تلفت نظرهم لغطاء الكنترول يونيت
و تقولهم إني منتظر إستلامه في صيانة ال2500
إن شاء الله إنتشار العربية يساعد في إنتشار قطع غيارها و سهولة صيانتها
عشان نبعد عن أسوأ ما في السيارة (وكيلها)
و بجد ال301 صفقة رابحة مش هتندم عليها إن شاء الله

الله يبارك فيك يا رب.. شكرا على النصيحه لكن هو ليه مش بيكون غطا الكنترول يونت موجود من البدايه؟! والحمد لله انتشارها كويس وربنا يعمل اللي فيه الخير ان شاء الله.. شكرا مره تانيه لحضرتك وربنا يحفظك ويحفظ اهلك وخصوصا هند واحبتك وعربيتك :)

**abohend** · 07-05-2014 03:22 PM

المشاركة الأصلية كتبت بواسطة ismail mohie

الله يبارك فيك يا رب.. شكرا على النصيحه لكن هو ليه مش بيكون غطا الكنترول يونت موجود من البدايه؟! والحمد لله انتشارها كويس وربنا يعمل اللي فيه الخير ان شاء الله.. شكرا مره تانيه لحضرتك وربنا يحفظك ويحفظ اهلك وخصوصا هند واحبتك وعربيتك :)

هو كان موجود لحد موديل 2014
لكن التطور الطبيعي عند التوكيل إن العربية في الموديل الجديد تنقص مش تزيد
الغطاء غير موجود في موديل 2015 و حتى اﻵن لم نحصل على تأكيد بتركيبه على نفقة التوكيل
و الرد المستفز (العربية جاية كده من بره)

**Naa22** · 15-06-2014 02:40 AM

no news?

**Mohamednabilk** · 11-12-2014 01:28 PM

مش عارف الكلام ده إتعرف و لا لسه بس أنا في صيانة 2500 ركبولي غطاء الكنترول في غمرة من غير ما أطلب حتى و أنا بسأل عليه بلغوني إنهم ركبوه فعلاً مجاناً.

**khaled_yehya** · 11-12-2014 08:01 PM

انا جبت العربية 25/8/2014 بدون غطا وبعدها بشهر ونص روحت توكيل مرغم علشان اعمل تحديث السوفت(واللى لسه لحد النهادرة مش عارف اعمله مرة النت قاطع - الجهاز عاطل) وطلب منه الغطا وركبوا الغطا على طول وبدن فلوس

**ابو هنا** · 12-12-2014 12:24 AM

انا واللهي مشفتش من الناس غير كل خير

**Ahmedrady78** · 18-01-2015 02:11 AM

السلام عليكم انا معايا بيجو ٣٠١ عندي فيها مشكلة انها فاجئة و انا ماشي علي سرعة ثابتة بطيئة الاقيها بتجري مرة واحدة كانها اخذت turbo
رحت توكيل غمرة كذا مرة قلولي ده بنزين مش نظيف
تغير الفلتر محلش المشكلة
المشكلة عندي من ١٠٠٠٠ كم و رايح الاسبوع الجاي عشان الصيانة
حد عنده نفس المشكلة و حلها ازاي ؟؟