الموضوع: بيجو 301..نص الشكوى

يا جماعه الواحد يسحب فلوسه ويجيب لوجان او سانديرو نيو شيب بعد ما عدي شهرين وشويه ولا ايه؟ طبعا بقول البيجو افضل وعجبانى اكتر وفارقه لكن توكيلها كده مقلق جدا

المشاركة الأصلية كتبت بواسطة abohend

اللوجان عربية كويسة و توكيلها محترم
لكن أنت بتقارن فئة بفئة تانية خااالص
الركوبة هتفرق جامد و هتحس بفرق التقفيل و الإمكانيات لصالح البيجو طبعاً
مش معنى إني بقولك توكيل رينو كويس إنه رخيص
بالعكس توكيل رينو من أغلى التوكيلات لكن شغله محترم و إحترافي عن بيجو
أستخير ربنا و ربنا يوفقك للخير

يعنى عربيه زى بيجو فئه افضل.. والعربيه الاقل يكون توكيلهم اكثر احترافيه؟!!!
عموما الله ينور عليكم يا رجاله ويبارك فيكم وليكم فى موضوع الشكوى ومفروض توكيل محترم يحسن من نفسه بنفسه بدون ضغط علشان سمعته مش خوف من تسييح ورأى كل عميل بيفرق جامد لان بيقول اللي بيشوفه لكل اهله واصحابه ومعارفه ولو حد حتى وقفه فى الشارع وسأل على العربيه.. يعنى كل عميل كفرد مهم ما بالكم بالجماعه وفى منتدى متشاف كويس ومؤثر حتى فى اختيار السيارات والمفاضله بينهم.. شكرا على مجهودكم الرائع وردك الكريم يابو هند.

المشاركة الأصلية كتبت بواسطة abohend

البيجو مش أعلى من رينو
أنا مقلتش كده
البيجو 301 أعلى من اللوجان و السانديرو
لكن توكيل رينو لجميع الموديلات أكثر إحترافية من توكيل بيجو لكل الموديلات
و ده مش شئ غريب

و قوة الوكيل بتفرق مع أي سيارة خصوصا في الفئة الإقتصادية اللي متستحملش تكاليف إضافية كل يوم و التاني
أنا عارف إن الموضوع جديد على بيجو
و لازم يغير جلده عشان يتواءم مع العملاء الجدد
نظام إضحك على الزبون و بعلوا التورماي مينفعش مع ناس طفحانة الكوتة و بتحسب كل قرش قبل متدفعه
دي حقيقة لازم التوكيل ياخد باله منها
أنا مش هدفع 600 جنيه على الفاضي و أقول مش مشكلة أنا بشتري راحتي و وقتي
أنا لازم أبقى عارف هدفعهم ليه و إزاي و إمتى و فين

معاك حق فى كل كلمه- انا بس مركز على بيجو ٣٠١ و سانديرو او لوجان وهما اقل من ٣٠١ بشويه لكن توكيلهم اكثر احترافيه واحترام - وفرق السعر مش هين- انا بفكر بجديه اسحب المقدم بس اشوف اللوجان الجديده والسانديرو علي الطبيعه الاول خصوصا ان توكيل بيجو مهمل ومش مهتم بالعملاء