الموضوع: بيجو 301..نص الشكوى

عاش يارجالة

اصل المادة بتاعته محافظة للبيئة علشان كده بيخلص بسرعة وده اي كلام في اي كلام

احقاقا للحق الكلام ده الى حد ما صح ، ﻻنى قريته قبل كدة وكانوا بيقولوا ان في مادة اتمنع استعمالها في التيل مقابل ان العمر يبقى اقصر واعتقد عربيات زي بي ام وتويوتا بيستخدموا برضه تيل صديق للبيئة خالى من الاسبستوس بالاضافة الى انه بيهبب الجنوط بمعدل اكتر وده برضه تلاحظه في العربيات البي ام ، بس مش لدرجة 10-12 الف كيلو ، ﻻزم يشوفوا اي حل للموضوع ده

راجع الموضوع ده كدة كان بيتكلم عن نفس المشكلة بالظبط وفي عربيات تويوتا
http://www.nilemotors.net/Nile/385601-a.html

المشاركة الأصلية كتبت بواسطة amrelsaqqa

احقاقا للحق الكلام ده الى حد ما صح ، ﻻنى قريته قبل كدة وكانوا بيقولوا ان في مادة اتمنع استعمالها في التيل مقابل ان العمر يبقى اقصر واعتقد عربيات زي بي ام وتويوتا بيستخدموا برضه تيل صديق للبيئة خالى من الاسبستوس بالاضافة الى انه بيهبب الجنوط بمعدل اكتر وده برضه تلاحظه في العربيات البي ام ، بس مش لدرجة 10-12 الف كيلو ، ﻻزم يشوفوا اي حل للموضوع ده

راجع الموضوع ده كدة كان بيتكلم عن نفس المشكلة بالظبط وفي عربيات تويوتا
http://www.nilemotors.net/Nile/385601-a.html

كلام سليم و لسه شايفه هنا اثناء عملية البحث عن سبب التأكل السريع للتيل مع بعض الاعضاء:

عيوب الفرامل

و أقتبس من الموضوع السابق:

والعيب الشائع ايضا في الفرامل هو صرخة التيل عند احتكاكه بالطنابير وهذا يمكن أن يكون من نوع التيل نفسه فتيل الفرامل المصنوع من مواد عضوية طرية تعطي ضوضاء خفيفة ولكن يتاكل بسرعة، وتيل الفرامل الذي يحتوي علي مواد عضوية أقل من المواد المعدنية يعطي ضوضاء عالية ولكن عمره أطول ويساعد في تلف الطنابير بسرعة . الحكة الشديدة التي تحدث عند الضغط علي الفرامل تنتج من تآكل تيل الفرامل بالكامل حتي المعدن والذي يتسبب في تلف الطنابير . بقايا تيل الفرامل أو البودرة السوداء تعمل علي زيادة صرخة تيل الفرامل خاصة عندما تكون بين التيل والطنابير لذلك يجب نظافته باستمرار بالهواء المضغوط وتطبيع تيل الفرامل الجديد مع الطنابير المستعملة

المشاركة الأصلية كتبت بواسطة abohend

بيئة ايه و بتاع ايه
لو كل العربيات في مصر ملتزمة بالقانون ده تبعاً لتعليمات وزارة البيئة و كل الشعب بيغير تيل على 10000 ...يبقى ماشي

ده أنا لما قلت الكلام ده لمراتي قعدت تضحك و قالتلي (ليه بسلامتها العربية الخضرة)

دي عربية في الفئة الإقتصادية
موجهة لدول العالم الثالث

بيئة ايه ....هتشتغلونا

هو أنا أحافظ على البيئة ب600 جنيه كل 10000 و اللادا يهببها ببلاش
مش عايزين النوع الصديق للبيئة و عايزين نوع سام بيقعد 30000
حاجة تجن

و المندوب كلمني إمبارح و قعد يلف يدور و يقول قطعة إستهلاكية و على حسب الإستخدام
هبيت فيه و قولتله هو إحنا أول مرة نركب عربيات
ده حتى اللانوس مش بيغير على 10000
الواضح إنهم بيماطلوا
و أنا شايف كلام هيما عين العقل
أي واحد يروح صيانة و يطلبوا تغيير تيل يصر إن التغيير يبقى بنوع مختلف عن اللي راكب و معمر و إحنا متنازلين عن مشاركتنا في المحافظة على البيئة
تحياتي

فى انواع تانية من التيل كنت قرأت عنها - ممكن تبحث عنها فى جوجل - بيدخل فى صناعتها السيراميك, ودى عمرها الإفتراضى طويل بالإضافة إنها ملهاش أثار جانبية كبيرة زى مادة الأسبستوس, ودى ممكن تكون الحل الأفضل, بس مش عارف سعرها إيه وبتستخدم فى أى موديلات.

نقطه إيضاحية: الكتابة عن موضوع تيل الفرامل المكون من مواد عضوية مش دفاع عن التوكيل و تبرير لتغيير التيل و البوجيهات كل 10000 كيلو, إحنا بنحاول نبحث عن الأسباب لغاية التوكيل مايصدر بيان رسمى بالسبب, وبكده نكون إحنا مستعدين ببدائل أخرى نقدمها للتوكيل. فى نفس الوقت إحنا مستمرين و مصرين على مطالبنا فى تحسين خدمة ما بعد البيع, وتخفيض أسعار قطع الغيار و المصنعية, وتوفير إضافات اساسية للعربية (إنذار صوتى - ووحدة رفع الزجاج وغيرها), وإن التوكيل يتحمل تكلفة تغيير أى قطع قبل ميعادها وفقاً لجدول الصيانة تبع الضمان.

طيب سؤال يا جماعة لملاك العربية انا حاجز من اول شهر 3 هل في اي مشكلة تانية ظهرت غير موضوع ان التيل بيتاكل بسرعة و تغير البوجيهات كل 10000 و صوت الماتور العالي و استغلال التوكيل يعني هل العربية طلعت مقلب ؟ يعني الناس عرفت الكلام دة فوق 10000 يعني مثلا لما العربية تبقي عاملة 50000 هاتبقي اية ؟ ولة هايتصرف عليها كام ؟ كمان المشاكل دي في العربية ولة المشكلة مع التوكيل انة بيتعامل معاها علي انها سلعة يكسب منها و تجبلو فلوس و خلاص ياريت تفيدوني يا جماعة لان لو الموضوع كدة الغي الحجز و اشوف مثلا بولو سيدان لان انا مشواري كل يوم اكتر من 100 كيلو و بالطريقة دي العربية مش هاتستحمل و كمان هايتصرف عليها كتير