الموضوع: حد يعرف ازاى اعرف البطيخة حمرة ولا قرعة؟؟من غير فتى كتير

أسهل طريقة انا مجربه وبتجيب نتايج حلوة
أول حاجة : انك تستكبر
يعني كل ما البطيخة تكون كبيرة تكون أحلى
صعب جدا تلاقى بطيخة أكبر من7 كيلو ومش حلوة
لانها بتكون خلاص استوت ورملت

تاني حاجه تاخد بالك منها: انها تكون مش مخزونه بقالها فتره ودي سهل تعرفها من قشرتها
البطيخ زي التفاح بالظبط لو لقيت قشرته دبلانه اعرف انه مخزون بقاله فتره ولو لاقيتها حلوه وفيها لمعه اعرف انها مش مخزونه

أنا بختار البطيخة زي كتير من المشاركين في الموضوع أنها تكون غامقة ولامعة
والحمد لله بتطلع غالباً حلوة
وساعات بتكون مش حمرة أوي وبتكون مسكرة جداً
وممكن كمان تكون حمرة جداً ومرملة وللأسف مش مسكرة
يبقى في النهاية مش باللون
وتجنباً لأي مشاكل مع التجار بلاش موضوع أفتحها لي دي
وكمان نصيحة لكل الناس اللي بتفتح البطيخة ( بلاش أحسن تفادياً للأمراض ) للأسباب الآتية :-
1) السكينة اللي بيستخدمها التاجر بتكون معرضة للذباب والأتربة .
2) قشرة البطيخة نفسها معرضة للأوساخ وأيدي التجار اللي ممكن تكون ملوثة أو متسخة .
3) لابد من غسل البطيخة جيداً عند الوصول إلى المنزل قبل فتحها لعدم إنتقال أي مكروبات من القشرة إلى الداخل عن طريق السكينة .
وممكن نستفيد بالبطيخة حتى لو مش طعمها حلو :
* ممكن نعصرها ببعض العسل الأبيض وتشرب كعصير بعد تصفيتها من الألياف .
* ممكن تستخدم قشرها كماسك لبشرة اليد والوجه لأن في القشور خصائص منعمة للبشرة .
* ممكن أن نغلي عصير البطيخ ببعض الجنزبيل والعسل لأن هذا الخليط ملطف للسعال
* ممكن أن نغلي عصيره ببعض أوارق البابونج والعسل أيضاً وشربه قبل النوم وهذا الخليط يزيل التوتر والقلق .
وبالهنا والشفا للبطيخة الجادعة وللبطيخة النادلة

المشاركة الأصلية كتبت بواسطة الفجر

الله اكبر

ججمعت كل نصائحكم ورحت اشتريت بطيخة امس وطلعت حمرة مرملة


اخيرا نجحت

الف الف شكر لكم جميعا على مجهوداتكم

والى الامام والكفاح الثورى البطيخى مستمر

ههههههههههه
الف مبروك
صحة وعافية
الحمد لله اديك بقيت خبير فى البطيخ
ممكن تفتح لك شادر بطيخ واحنا نشترى
وبكده نضمن انى البطيخ كله احمر وحلو

هههههههههه انا باضحك معاك طبعا
احسن حاجة تبادل الخبرات الطيبة بين الاخوة الاعضاء الكرام