الموضوع: حد يعرف ازاى اعرف البطيخة حمرة ولا قرعة؟؟من غير فتى كتير

خلي البياع يشقها قدامك ودوقها لو لقيتها حمرا ومرملة خدها لقيتها قرعة او حمرا ومش مسكرة ارميهاله في وشه وقوله شقلي غيرها
وهو كده كده لما يلاقيك بتقوله شقهالي هينقيلك احسن واحدة لكن لو انت بيه بتاخد وتمشي هينقيلك اوحش واحدة علشان يخلص منها

المشاركة الأصلية كتبت بواسطة الفجر

ياراجل لو بعد ما شق البطيخة وانا قلتلة مش عجبانى ساعتها هيجرى ورايا بسكينة وهيدخل سكينة فى كرشى وهيشق بطنى زى البطيخة وساعتها بطنى اللى هتطلع حمرة من الدم

لا هي لو طلعت قرعة أو مش حلوة من نفسه هيحطها على جنب وهيفتحلك غيرها لكن المشكلة لو حصل خلاف انت شايفها مش حلوة وهو شايفها معقولة هي دي المشكلة لكن ممكن تساومه على تمنها يعني لو الكيلو ب4 جنيه مثل قوله هاخدها ب2 جنيه علشان مش عاجباني
ونصيحة حاول تتعامل مع فكهاني واحد باستمرار بحيث يعرفك وينقيلك الحاجة كويسة علشان تبقى زبونه الدائم مش زبون طياري وعمره ما هيخسر زبون مستديم علشان خاطر بطخية

البطيخة تعرف من عنقها لو غليظ ومكانه كبير وواضح به خلايا حيا يبقى قرعة لو العنق رفيع ومكانه دامر يبقى حمرا***

طيب شيلها على راسك وبايدك اضغط عليه لو سمعت سوف فش فش فش يبقى حمرا لو مسمعتش يبقى قرعة*

يالا انزل اشتري بطيخة وطمنى**