الموضوع: حصر للملاك اللي اتعرضوا لمشكلة نقص الزيت - فلوينس فيس ليفت

المشاركة الأصلية كتبت بواسطة mrashadnt

أنا حصلت عندي مشكلة الزيت لما العربية كملت 3000 كيلو لقيت كورة نقصت من المقاس الديجيتال فتخيلت ان ده ممكن يكون طبيعي لكن كنت متابع الموضوع باهتمام وخصوصا من بعد مشكلة الدكتور مصطفى مجدي ... وبعدين العربية لما كملت 3800 كيلو تقريبا لقيت كورة كمان نقصت من المقاس الديجيتال والمقاس المانيوال كان الزيت فيه في المنطقة بين العلامتين l - h فكلمت التوكيل حجزت ميعاد صيانة - استلموا العربية ( كانت عاملة 4000 كيلو ) وقعدوها في الصيانة في حدود 4 ساعات بحجة ان في قياسات معينة الشركة الأم بفرنسا طالباها وبعدين زودوا العربية 0.2 لتر زيت ( على حسب كلامهم ) وقالوا لي هتابع معانا بعد 1000 كيلو وادوني تقرير بكده - العربية دلوقتي عاملة 4500 كيلو وبتابع الزيت كل يوم والحمد لله الموضوع ماشي كويس لحد دلوقتي - وهروح بقى في صيانة الـ 5000 كم يشوفوا الموضوع تاني ... وربنا يستر

ما فيش قلق نهائى , ما عليش ركز فى كلامى او اى حد بينقص عنده الزيت حاجات بسيطه على مراحل ما يقلقش خالص

اولا : الزيت كله عندك فى الموتور ما فيش اى مللى نقص او خرج بره العربيه
ثانيا : علشان تقيس الزيت صح فى الموديل ده بعد ما تركن العربيه 48 ساعه او 72 ساعه على الاقل هاتلاقى العداد الديجيتال عندك كله كامل و المانيوال على الهاى زي ما استلمت العربيه و لو انت خلال المده دى و انت راكن العربيه و بتشيك على المانيوال كل يوم هاتلاقيه كل يوم بيزيد لغاية اخر يوم فى الركنه هاتلاقيه وصل للهاى .
كلامى ده عن تجربه شخصيه ل 3 مرات اجربها و للاسف التوكيل مش عارف حاجه خالص عن تكنولوجيا الموتور و زيت الفابريكه .

اللى حصل معايا كلاتى : كنت مستلم العربيه عامله 15 كم و مانيوال الزيت فوق الهاى بحاجه بسيطه و الديجيتال 6 كور , بعد ال 1000 كم نقص الديجيتال كوره و بقا 5 و كشفت على المانيوال تانى يوم الصبح لقيته ناقص حاجه بسيطه عن الهاى , تركت العربيه بالصدفه لظروف لمدة اسبوعين و باكشف لقيت الديجيتال 6 كور تانى و المانيوال فوق الهاى بحاجه بسيطه زى ما استلمتها , قلت ده الديجيتال بيهيس .
بعد حولى 400 كم لقيت كوره نقصت فى الديجيتال و المانيوال تحت الهاى بنسبه ملحوظه و ركنت العربيه حوالى 3 او 4 ايام و باكشف على الزيت ديجيتال لقيته 6 كور و المانيوال فوق الهاى تانى .

تجربه تانيه لصديق تعرفت عليه بالصدفه من خلال عملى : كان برضه يلاقى الزيت ينقص مانيوال و ديجيتال و معاه جركن زيت و يزود كل ما ينقص على اساس انه الزيت خرج و اتسرب و هكذا كل ما ينقص يزود و يقول لى اصل الموتور ده نازل بياكل زيت و فى يوم لقا العربيه مكتومه و رغاوى فى الزيت و صوت و هو ماشى زى بقلله حاجه فى ميه , راح منزل الزيت فى بنزينه المفاجأه كانت كمية الزيت اللى نازله 6.5 لتر و لولا فقط ستر ربنا كان الموتور طار و غير الزيت و مافيش مشكله تانى .

اللى بيروحوا التوكيل علشان نقصان الزيت الكميات البسيطه دى و يقوم التوكيل يزود لهم علشان همه مش فاهمين و ما فيش حد لاحظ حتة ركن العربيه دى لمده و قياس الزيت بعدها و لا التوكيل نفسه و انا نفسى اكتشفتها بالصدفه , سألت واحد صحبى ركيب عربيات و عنده شركة عربيات سياحيه ضحك و قال لى المواتير الجديده دى ما ينفعش تاخد قراية الزيت منها صح الا بعد يومين او تلاته علشان بتحتفظ بنسبه منه بعد ما بتقفل العربيه لمده طويله على اجزاء داخليه حساسه فى الموتور و خصوصا مع زيت الفبريكه و كل ما تمشى مسافه اطول النسبه اللى بتفضل على الموتور و تتأخر فى النزول للحوض بتزيد و لغاية حد معين و بتقف علشان تعوض الاختلاف فى الخواص اللى بتتغير و فى نفس الوقت التغير فى الموتور و مقاساته الداخليه خلال فترة التليين و الدليل اللى حصل معاك و اللى حصل مع صاحبك .

انا باقول الكلام ده علشان ما يكونش فيه قلق من الكميات القليله اللى بتنقص على القياسات كل فتره . الزيت موجوووود داخل الموتور و جربوها بنفسكم .