الموضوع: حصر للملاك اللي اتعرضوا لمشكلة نقص الزيت - فلوينس فيس ليفت

المشاركة الأصلية كتبت بواسطة yasser100

رامى باشا تحيه لكلامك . اللى غاوى عربيه او ماركه معينه هايشتريها حتى لو فيها ايه . كنت باناقش صديق ليه غاوى الفولكس و عايز يشترى الجيتا و اتكلمت معاه عن فتيس ال dsg و مشاكله و تغييره كل فتره . قال لى هاشتريها و لو هاغير لها فتيس كل شهر و فعلا اشتراها . اللى انا شايفه انه عادى جدا لو رحت تغير الزيت على 10000 كم و هو نقص عند النص . ده يعنى لوحصل و انا باقول انه العيب اللى ظهر عند بعض الزملاء الحمد لله انه عيب صناعه فى دفعه او حاجه مش عيب تكنولوجى

لو فى مشكلة حقيقية يا ياسر محدش هيخبى لكن المشكلة اننا بنصنع مشكلة من ولا شئ .... فى مشكلة ؟ آه حصلت ... طب كام مرة "حقيقية" ؟ قليل جدا جدا

اللى عاوز اوصله ان مش كل حد ينقص عنده كورة بعد 6000 كيلو يبقى موتوره بيسرب زيت اللى حصل معاهم المشكلة ( اللى مظهرش منهم هنا الا دكتور مصطفى فقط حتى اﻵن) بيبقى تسريب شديد اعلى من المعدل الطبيعى للبخر والاحتكاك لو فى حد ظخرت عنده بجد وهيغير موتور يا ريت يقولنا هنا

المشاركة الأصلية كتبت بواسطة mostafa magdy

علي 4000 كيلو ظهرتلي رساله top up oil level ..
تم تزويد زيت " و أوهموني " إنه مفيش مشكله ظاهره قدامهم ..
علي 5500 حصل نقص حاد تاني ..
روحت زودوا الزيت
علي 7000 حصل مشكله تالته .. و قلت ش هقبل بتزويد الزيت !!!
تم تغيير الموتور .. و حاليا عامل 1200 بعد التغيير و بلا مشاكل ..

تعليقي علي إن التوكيل مكانش عارف إيه المشكله ؟??!!!!! و بالصدفه البحته برفع العربيه .. الاقي أثار ترشيح زيت قديمه .. !!!
الحل الوحيد إنهم فعلا كانوا مش عارفين المشكله .. إن المهندس اللي كشف كان اعمي البصر و البصيره

السلام عليكم ورحمه الله
معاك م/ احمد شاهين من اسكندريه و كان عندى نفس المشكله بس اول مره تظهر على 4000 كم و زادت شرطه كمان نقصان على 8500 وانا رايح التوكيل ان شاء الله يوم الاحد بس استاذنك تكلمنى نتواصل مع بعض 01002765553

السلام عليكم استاذ هانى
اولا اشكرك على المجهود الرائع دا و الحصر الجميل
ثانيا انا راكب موديل 2014 والحمد لله العربيه جميله جدا جدا ولكن تقرريبا لظهور تكنولوجيا جديده لسه التوكيل مش قادر يتفهم المشاكل

اولا مشكله الزيت: انا سمعت عن المشكله بعد صيانه ال 5000 للاسف و بدات اتابع لقيت العربيه ناقصه شرطه واحده فقط بس مقيستش مانوال, دلوقتى العربيه عامله 8800 و لسه ناقصه شرطه تانيه و حشيك مانوال ان شاء الله النهادره بليل لما اركن العربيه كم ساعه كده وحبلغكم
بس عاوز اعرف دى كده عندى مشكله ولا لا؟

ثانيا: عندى مشكله رجرجه كده كانك معشق التانى فى العربيه المانوال و سبت بنزين و ووصلت لسرعه 25 مثلا تلاقى العربيه بترجرج على خفيف فى النزول فى السرعه
انا بحس بالمشكله دى

ثالثا: لما بقف فى اشاره الار بى ام بيعلى لحد 1100 و بحس بزنه جامده فى الموتور و بينزل تانى ل 750 و يفضل طالع نازل كل 20 ثانيه تقريبا

رابعا: انا كلمت التوكيل على مشكله الرجه و الر بى ام فى صيانه ال 5000 وقالى عادى هوة ال cvt كده , بس بعد ما دورت فى الكرورلا و القشقاى ملقتش ان دا عادى الناس بتقول احنا راكبين عربيه كهرباء من نعومتها

خامسا : انا حجزت ميعاد يوم الاحد ان شاء الله ورايح التوكيل ومش عارف بقى حعانى ولا حعمل ايه

سادسا : رد رقم تلفونى واتمنى التواصل مع حضرتك و اتشرف بمعرفه حضرتك الجميله
موبيل/ 01002765553

المشاركة الأصلية كتبت بواسطة jep2050

اولا مشكله الزيت: انا سمعت عن المشكله بعد صيانه ال 5000 للاسف و بدات اتابع لقيت العربيه ناقصه شرطه واحده فقط بس مقيستش مانوال, دلوقتى العربيه عامله 8800 و لسه ناقصه شرطه تانيه و حشيك مانوال ان شاء الله النهادره بليل لما اركن العربيه كم ساعه كده وحبلغكم
بس عاوز اعرف دى كده عندى مشكله ولا لا؟

بخصوص مشكلة الزيت حضرتك من وجهة نظرى بنسبة 99% معندكش مشكلة نهائى ان شاء الله

زى ما قلنا المشكلة اما يكون النقص سريع و حاد

طب هقولك حاجة كمان .... زميلنا احمد الفقى عامل 19500 كيلو بالعربية والزيت نقص كورتين قاسه مانوال لقاه تحت ال h ب 2 ميلليمتر على حد كلامه .... لو اى عربية فالعالم وبعد 9500 كيلو لقيت الزيت ناقص 2 ميللى هل تعتبر ان العربية "بتسرب" زيت ؟؟؟ فى عربية بعد 9000 كيلو متنزلش ولا ميللى ؟؟

يا وحوش .... سيبكو من الديجيتال و خليكم عالمانوال ولو فيه اى مشكلة عالتوكيل عدل ومتسيبش حقك

لكن للإطمئنان بردو حضرتك فى صيانة ال 10 خليهم يثبتوا انه ناقص كورتين لمجرد الاطمئنان والاثبات مش اكتر

المشاركة الأصلية كتبت بواسطة hany saad

أولاً ألف مبروك العربية الجديدة و أن شاء الله مش هتلاقى عند حضرتك أى مشاكل و تستمع بيها
بالنسبة للمقياس الديجيتال:

لما حضرتك هتدور العربية....هتلاقى فى الشاشة طالع رسالة checking car functions
وقت ما الرسالة دى ظاهرة (بتستمر حوالى 30 ثانية)....حضرتك بتدوس على الزرار اللى فى دراع المساحة اللى بتقلب منه الشاشات (سواء اللى فوق او اللى تحت) دوسة بسيطة
هتلاقى رسملك مجموعة من الكور الغامقة بتبين مستوى الزيت فى الموتور
أقصى عدد من الكور هو 6 و ده معناه أن خزان الزيت مليان للأخر

مش مشكلة أن تلاقى الكور مليانة للأخر.....ممكن تلاقيهم 4 أو 3 كور دليل أن مستوى الزيت فى المنتصف و هو أفضل شىء
أهم حاجة أن مستوى الزيت مينقصش عن ما أنت شوفته دلوقتى

بمعنى: لو حضرتك لقيت عندك 4 كور ظاهرين.....تأكد أنك لما تروح تعمل أول صيانة مجانية فى ال 5000 كم برده مستور الزيت زى ما هو.....لو عديت ال 5000 كم أن شاء الله بدون مشاكل يبقى عربيتك زى الفل
طبعاً تابع كمان مستوى الزيت على عصاية الزيت عادى كل فترة علشان يبقى القراية مؤكدة

النسبة مش كبيرة متقلقش و حتى لو لأسواء الظروف كان فيه أى مشكلة التوكيل بيغير موتور كامل جديد و بتنتهى المشكلة للأبد

ألف مبروك العربية الجديدة و أن شاء الله تتهنى بيها أنت و أسرتك و تعملنا تقارير بعد 1000000 كم

تحياتى

المشاركة الأصلية كتبت بواسطة ramymechanics

بخصوص مشكلة الزيت حضرتك من وجهة نظرى بنسبة 99% معندكش مشكلة نهائى ان شاء الله

زى ما قلنا المشكلة اما يكون النقص سريع و حاد

طب هقولك حاجة كمان .... زميلنا احمد الفقى عامل 19500 كيلو بالعربية والزيت نقص كورتين قاسه مانوال لقاه تحت ال h ب 2 ميلليمتر على حد كلامه .... لو اى عربية فالعالم وبعد 9500 كيلو لقيت الزيت ناقص 2 ميللى هل تعتبر ان العربية "بتسرب" زيت ؟؟؟ فى عربية بعد 9000 كيلو متنزلش ولا ميللى ؟؟

يا وحوش .... سيبكو من الديجيتال و خليكم عالمانوال ولو فيه اى مشكلة عالتوكيل عدل ومتسيبش حقك

لكن للإطمئنان بردو حضرتك فى صيانة ال 10 خليهم يثبتوا انه ناقص كورتين لمجرد الاطمئنان والاثبات مش اكتر

كلامك مظبوط 100% واانا كمان ساعه حنزل اقيس الزيت مانيوال واقول وصلت لايه
الظاهر انهم زاولونا بموضوع الديجيتال دا
وربنا يسترها مع الجميع