الموضوع: حصر للملاك اللي اتعرضوا لمشكلة نقص الزيت - فلوينس فيس ليفت

المشاركة الأصلية كتبت بواسطة hany saad

الأخ الفاضل
إحنا كلنا هنا بنساعد بعض و ده هو الهدف من المنتدى الجميل....
لو فيه مشكلة حصلت عند أى حد ثق تماماً أن كلنا هنقف معاه و نحاول نساعده بقدر المستطاع
باين أن معدل النقص عند حضرتك بطىء جداً و لكن::::: لو المؤشر الديجيتال لغاية ال 10 ألاف كم نقص كورة كمان يبقى على طول تطلب تغيير موتور جديد.....أما لو المؤشر فضل ثابت لحد ال 10 ألاف كم يبقى أن شاء الله خير و فى كلا الحالتين حقك هيرجعلك و مشكلتلك هتتحل و هتنبسط من العربية بدون مشاكل أخرى أن شاء الله

بالنسبة لإنكار التوكيل المشكلة فأنا أوافقك الرأى تماماً و ده اللى حصل معى شخصياً لما سألتهم... أنهم حاولوا يداروا و ينكروا و أستشعروا الحرج و أنا قولت الكلام ده فى ردى على المحترم بشمهندس صفوت....و لكن فى نفس الوقت أكيد هما مش عايزين يعملوا سمعه وحشة على العربية و عايزين المشكلة تبقى فى أضيق الحدود

مرة أخرى بتأسف لمشكلتك و الموقف السىء اللى حصلك مع العربية و أتمنى الموضوع يتحل بالطريقة التى ترضيك و تكون مبسوط منها

تحياتى لشخصك الكريم

شكرا يا باشمهندس هاني على شعورك الطيب ... والله أكتر حاجة الواحد كسبها من العربية هي التعرف بحضراتكم اخوة محترمون.

الحمد لله المشكلة تحت السيطرة حتى هذه اللحظة وربنا يستر في اللي جاي

المشاركة الأصلية كتبت بواسطة batman372

يا ريت تحكى لنا بالتفصيل تجربتك مع التوكيل .. يعنى النقص عندك كام و معدلاته ايه مقارنه بالكم ؟؟؟؟ و عملت ايه ؟؟؟؟ .... الخ

نقص الزيت فى كل العربيات طبيعى ... لكنه فى حدود مسموح بها ...
انا كان عندى فوق ال max و حاليا بعد ٥٥٠٠ كم تحت ال max ... يعنى نقص ... لكنه طبيعى ...


لان مع احترامى كلامك انه موجود عند ملاك كتير و جدا ... دا كلام عادى ... لكن الفكره انه نقص لان الموتور به عيب مثل حاله ا. مصطفى و يستدعى تغيير الموتور ؟؟؟. و لا نقص عادى ؟؟؟؟

تحياتى ...

باشمهندس / صفوت - تحياتي لحضرتك

الزيت كان وصل للمسافة بين الـ l والـ h في المنتصف وناقص كورتين على الديجيتال وهما زودوه حوالي 0.2 لتر وربنا يسهل في اللي جاي

يا جماعة محتاج مساعدكتم انا لسة جايب العربية الفلوانس من يومين و لمل قريت الموضوع بتاع الزيت دة حبيت اشوف عندي, انا سوالي هو فين العداد الديجيتال بتاع الزيت ده و شكلو عامل ازاي؟ عشان انا مش فاهم ايه نقص كوره ديه
و شكرا مقدما

المشاركة الأصلية كتبت بواسطة yasser100

ما عليش تعديل بسيط يا بشمهندس هانى قبل حتى ما يدور العربيه و ده الافضل , يحط الكارت فى ال slot بتاعه و من غير ما يدوس على زرار التشغيل و اول ما تطلع له الرساله يدوس على زرار دراع المساحه هايطلع له مستوى الزيت بالكور

و إن شاء الله مش هايطلع حاجه عنده لانه كان واضح انه عيب صناعه فى دفعه و دلوقتى التوكيل اخد باله منها و اتبعتت بها رسايل للشركه الام فى فرنسا

متشكر جدا لحضراتكم و جزاكم الله خيرا علي مساعدتكم

المشاركة الأصلية كتبت بواسطة hany saad

أولاً ألف مبروك العربية الجديدة و أن شاء الله مش هتلاقى عند حضرتك أى مشاكل و تستمع بيها
بالنسبة للمقياس الديجيتال:

لما حضرتك هتدور العربية....هتلاقى فى الشاشة طالع رسالة checking car functions
وقت ما الرسالة دى ظاهرة (بتستمر حوالى 30 ثانية)....حضرتك بتدوس على الزرار اللى فى دراع المساحة اللى بتقلب منه الشاشات (سواء اللى فوق او اللى تحت) دوسة بسيطة
هتلاقى رسملك مجموعة من الكور الغامقة بتبين مستوى الزيت فى الموتور
أقصى عدد من الكور هو 6 و ده معناه أن خزان الزيت مليان للأخر

مش مشكلة أن تلاقى الكور مليانة للأخر.....ممكن تلاقيهم 4 أو 3 كور دليل أن مستوى الزيت فى المنتصف و هو أفضل شىء
أهم حاجة أن مستوى الزيت مينقصش عن ما أنت شوفته دلوقتى

بمعنى: لو حضرتك لقيت عندك 4 كور ظاهرين.....تأكد أنك لما تروح تعمل أول صيانة مجانية فى ال 5000 كم برده مستور الزيت زى ما هو.....لو عديت ال 5000 كم أن شاء الله بدون مشاكل يبقى عربيتك زى الفل
طبعاً تابع كمان مستوى الزيت على عصاية الزيت عادى كل فترة علشان يبقى القراية مؤكدة

النسبة مش كبيرة متقلقش و حتى لو لأسواء الظروف كان فيه أى مشكلة التوكيل بيغير موتور كامل جديد و بتنتهى المشكلة للأبد

ألف مبروك العربية الجديدة و أن شاء الله تتهنى بيها أنت و أسرتك و تعملنا تقارير بعد 1000000 كم

تحياتى

متشكر جدا يا بشمهندس