الموضوع: حصر للملاك اللي اتعرضوا لمشكلة نقص الزيت - فلوينس فيس ليفت

المشاركة الأصلية كتبت بواسطة mrashadnt

موضوع نقص الزيت موجود و فعلا ملحوظ وموجود عند ملاك كتير جدا أنا واحد منهم وبصراحة يؤخذ على التوكيل محاولة انكار المشكلة وعدم الاستعلام من كل الملاك حول وجود المشكلة لديهم من عدمه

يا ريت لو حضرتك ما شاركتش في الاستطلاع اللي فوق تشارك فيه ضروري

المشاركة الأصلية كتبت بواسطة mrashadnt

شكرا يا باشمهندس هاني على اهتمامك بالموضوع - وبصراحة ده اللي احنا متعودين من حضرتك دايما عليه

أنا حصلت عندي فعلا المشكلة لما العربية عملت 3000 كم مقاس الزيت الديجيتال نقص كورة واحدة وأنا كنت بتابع بانتظام من بعد مشكلة الدكتور مصطفى مجدي - وبعد لما العربية وصلت 4000 كم نقصت كمان كورة والمقاس المانيوال كان الزيت في المنتصف بين الـ l والـ h فكلمت التوكيل وحجزت ميعاد صيانة ورحت ( انتقادي للتوكيل اني لما سألتهم على المشكلة أنكروا انها حصلت عند حد تاني ) وبعدين زودوا الزيت 0.2 لتر وقالوا لي تمام وهتابع معانا بعد 1000 كم.
العربية عاملة دلوقتي 6200 كم والأمور الحمد لله والمقاس الديجيتال نقص كورة لكنه مظبوط على المانيوال وربنا يستر بقى في اللي جاي.

النقطة التانية ان التوكيل يتصل بالملاك ممكن يكون حضرتك معاك حق فيها.

تحياتي لحضرتك يا باشمهندس

الأخ الفاضل
إحنا كلنا هنا بنساعد بعض و ده هو الهدف من المنتدى الجميل....
لو فيه مشكلة حصلت عند أى حد ثق تماماً أن كلنا هنقف معاه و نحاول نساعده بقدر المستطاع
باين أن معدل النقص عند حضرتك بطىء جداً و لكن::::: لو المؤشر الديجيتال لغاية ال 10 ألاف كم نقص كورة كمان يبقى على طول تطلب تغيير موتور جديد.....أما لو المؤشر فضل ثابت لحد ال 10 ألاف كم يبقى أن شاء الله خير و فى كلا الحالتين حقك هيرجعلك و مشكلتلك هتتحل و هتنبسط من العربية بدون مشاكل أخرى أن شاء الله

بالنسبة لإنكار التوكيل المشكلة فأنا أوافقك الرأى تماماً و ده اللى حصل معى شخصياً لما سألتهم... أنهم حاولوا يداروا و ينكروا و أستشعروا الحرج و أنا قولت الكلام ده فى ردى على المحترم بشمهندس صفوت....و لكن فى نفس الوقت أكيد هما مش عايزين يعملوا سمعه وحشة على العربية و عايزين المشكلة تبقى فى أضيق الحدود

مرة أخرى بتأسف لمشكلتك و الموقف السىء اللى حصلك مع العربية و أتمنى الموضوع يتحل بالطريقة التى ترضيك و تكون مبسوط منها

تحياتى لشخصك الكريم