الموضوع: بيجــو 301 و تقرير عن صيانة ال 20,000 كيلو

اولا مبروك الصيانة
ثانيا كان فيه كلام كتير بيقال الفترة اللى فاتت عن ال 301 انا كنت متابع بس مش بشارك بس الكلام كتر أوى ولازم اشارك لأن العربية عندنا لسه عامله صيانة العشرين الف من حوالى اسبوع وتيل الفرامل لسه فيه يمشى 10000 كيلو كمان وطبعا ده يرجع لطريقة السواقه و الاستخدام فبلاش الناس تقول تيل بيخلص على 5000 و الكلام ده .
الكلام ده مش فى ال301 بس ال308 كملن التيل عندى بيخلص فى حدود 17 الف ل 20 الف عشان بجرى جامد بفرمل كتير اسمها استخدام ونفس العربية مع واحد تانى قابلته مغير التيل على 36 الف تمام يعنى قطعة استهلاكية حسب الاستخدام
ومثال تانى واحد صاحبى معاه الهوندا سيفيك الجيل التامن بيغير التيل كل 10000 كيلو برضه بيجرى وبيستخدم الفرامل كتير وطبعا التيل الاصلى من التوكيل عشان محدش يقول مضروب وبحوالى 800 جنيه
وفى النهاية اللى عاجبه العربيه يشتريها اللى مش عاجبه بلاش مفيش اكتر من السيارات والماركات فى مصر اللى معاه وعجباه مبروك عليه ربنا يبارك له فيها و اللى جابها ومش عجباه يبيعها ويريح نفسه .

المشاركة الأصلية كتبت بواسطة 2code

ودي مش حاجة تفرح خلي بالك !!!!!!!!!

لما اغير بوجيهات على 20 الف ده مبالغ فيه ولا حضرتك مش واخد بالك ؟؟؟؟؟؟

البوجيهات تتغير ممكن على 40 الف تبقى تمام على 30 الف تبقى مقبولة (ولو ان 30 الف ده يبقى استهلاك شاق للعربية !!!!) انما 20 الف واغير بوجيهات دي كبيره شويه ولا ايه رأيك ؟؟؟؟؟؟

سعر الصيانة مبالغ فيه لان القطع غير معمره بالمره الا ان الاستاذ صاحب الموضوع غير التيل على 20 الف (وده يعتبر انجاز للـ301 لان تيل الفرامل مش بيستحمل الـ20 الف وبيتغير على 10 الاف تقريباً دا في ناس غيرتها على 5000 وانت عارف كده وموجودين في المنتدى !!!!!!!)

شوف انت في كيا دفعت 500 جنية في صيانة الـ30 الف وميعاد تغيير البوجيهات وكل الفلاتر وتيل الفرامل لسه !!!!!!!!!!!

يعني كده القطع غير معمره وقطع غيار الكيا معمره والدليل قدامك في الصيانات ولا ايه رأيك ؟؟؟؟؟

انا مش عارف هو حضرتك تاعب نفسك ليه ..
المقارنة زي ما الزملاء جاوبو حضرتك مش في محلها لانها زيت وفلتر وفحص فقط
وبعدين حضرتك اول صيانة للبيجو هي ال 10000 انما في الكوري زي هيونداي مثلا بتبدأ من 5000
فلما حضرتك تقارن شوف انت دفعت كام في كل الصيانات لحد ال 20000 ... مش صيانة واحدة بس
وفي الاول وفي الاخر يكفي اقولك ان دي عربية كوري...ودي عربية اوروبي

المشاركة الأصلية كتبت بواسطة amrelsaqqa

ماهى الصيانة اللى انت حاططها بتاعت 30 دى وبـ 500 دى مفيهاش حاجة فعلا غير الزيت
وانت لو رحت توكيل بيجو وقلت اغير زيت مش هياخدوا اكتر من كدة
يعنى لا فيها فلاتر ولا فيها تيل ولا بوجيهات

في نفس الوقت صيانة البيجو غالية شوية بس مش اللى هو المفروض تبقى 500 يعنى بالحاجات دى كلها
المفروض تبقى مثلا 1300 ، فالبيجو اه مصنعياتهم غالية بس ما ينفش اقارن بجدول صيانة من عربية تانية في صيانة مفيهاش غير الزيت واقول شوف الفرق !

الله ينور عليك يا عمرو باشا

المشاركة الأصلية كتبت بواسطة hero 99

ﻣﺒﺮﻭﻙ ﻋﻠﻲ ﺍﻟﺼﻴﺎﻧﺔ وﺭﺑﻨﺎ ﻳﺒﺎﺭﻛﻠﻚ ﻓﻴﻬﺎ ﻳﺎ ﺭﺏ
ﺑﺲ ﻣﻌﻠﺶ ﻋﺍﻳﺰ اﺍﻋﺮﻑ ﺭﺍﻱ ﺣﻀﺮﺗﻚ ﻓﻴﻬﺎ ﻋﻠﺸﺎﻥ ﺑﻔﻜﺮ اشتريها

الله يبارك فيك يا باشا
والله يا فندم انا العربية الحمد لله عاجباني جدااا
الحمد لله مقابلتش مشاكل معاها حتي الان بفضل الله غير موضوع التوكيل انه اسعاره غالية شوية
واعتقد ان حضرتك طالما فكرت في بيجو مش كوري يبقي عندك خلفية عن اسعار الصيانات وقطع الغيار
ولو ان الكوري اسعاره قربت جداا من البيجو وفيه اسعار اغلي من البيجو فعلا (من اسعار الكروز اللي هي نفس الفئة تقريبا)

حضرتك صلي استخارة و انزل اتفرج عالعربية في اي معرض ( دة لو لقيتها يعني) لان عليها ضغط جامد
وشوف اللي حضرتك مرتاحله ايه

المشاركة الأصلية كتبت بواسطة damasry

انا رحت فرع صلاح سالم ببيجو 301 عشان اعمل صيانة ال20 الف بدون حجز وعشان مكنتش حاجز رفضوا يستلموا العربية الا لما طلبت منهم تغيير الزيت وفلتر الزيت فقط وفعلا عملوا كده والتكلفة كانت 412 جنيه على انى اجى يوم تانى واستكمل باقى بنود الصيانة.

دي حاجة كويسة انهم غيرولك الزيت من غير حجز كمان
ان شاء الله تستكمل باقي الصيانة علي خير

المشاركة الأصلية كتبت بواسطة hema_basha

برضوا يا عمرو بيه مش عارف العربية دي تقريبا تاعبة ناس كتير اوي
وواحد برضوا جه يقولي الكلام ده علي الفيس
ياااااه ده الكيا صيانتها ب 500 ج او 700 ج
طيب ما تشوف ياعم وحط قدام الحاجات اللي بتتغير علشان تعرف تقارن او تبقي المقارنة عادلة
في صيانة العشرين للريو بيتم تغيير زيت وفلتر زيت وفلتر هوا وبوجيهات ودول ب 831 ج
في صيانة العشرين للبيجو 301 بيتم تغيير زيت وفلتر زيت وفلتر هوا وفلتر تكييف وفلتر بنزين ودول ب 1080 ج
اظن كده تبقي المقارنة عادلة
ومختلفناش ان مصنعيات توكيل بيجو غالية وده العادي في كل توكيلات مصر
والموضوع ده من قسم كيا http://www.nilemotors.net/nile/362634-2012-2013-a.html
مش من عندي

تسلم ايدك يا باشا....الله ينور

المشاركة الأصلية كتبت بواسطة haitham g

اولا مبروك الصيانة
ثانيا كان فيه كلام كتير بيقال الفترة اللى فاتت عن ال 301 انا كنت متابع بس مش بشارك بس الكلام كتر أوى ولازم اشارك لأن العربية عندنا لسه عامله صيانة العشرين الف من حوالى اسبوع وتيل الفرامل لسه فيه يمشى 10000 كيلو كمان وطبعا ده يرجع لطريقة السواقه و الاستخدام فبلاش الناس تقول تيل بيخلص على 5000 و الكلام ده .
الكلام ده مش فى ال301 بس ال308 كملن التيل عندى بيخلص فى حدود 17 الف ل 20 الف عشان بجرى جامد بفرمل كتير اسمها استخدام ونفس العربية مع واحد تانى قابلته مغير التيل على 36 الف تمام يعنى قطعة استهلاكية حسب الاستخدام
ومثال تانى واحد صاحبى معاه الهوندا سيفيك الجيل التامن بيغير التيل كل 10000 كيلو برضه بيجرى وبيستخدم الفرامل كتير وطبعا التيل الاصلى من التوكيل عشان محدش يقول مضروب وبحوالى 800 جنيه
وفى النهاية اللى عاجبه العربيه يشتريها اللى مش عاجبه بلاش مفيش اكتر من السيارات والماركات فى مصر اللى معاه وعجباه مبروك عليه ربنا يبارك له فيها و اللى جابها ومش عجباه يبيعها ويريح نفسه .

الله يبارك فيك يا باشا
ومظبوط كلامك و دة اللي انا قولته