الموضوع: الحقيقة النهائية عن محرك byd - 1500 الجديد المستخدم فى f3 - l3

احب اضيف معلومه عن موضوع الفتيس والماتور انا اتصلت امبارح بمكانيكى وسالى واحد صحبوا شغال فى الهوندا والمواتير قاله ان الماتور هو هو السيتى ونفس الفتيس الفرق الوحيد بس الكافر وشبهولى بحاجة حلوة جدا مثلا
الاوكتافيا - السيات - الفولكس - كل العربيات دى نفس الماتور اختلاف الكفر بس وقطع الغيار بتركب على بعض مع الالتزام بفولت قطعه الغيار والحساسات يارب اكون اضفت معلومه عمليه بسؤال ناس فعلا ومختصين وعلشان الناس تبقى فهمه كويس انا مش شغال فى توكيل ولا بسوق للعربيه انا واحد كان معاه عربيه بى ام دبليو وبعها واشترى جيلى وبعها بعد شهر واشترى هيونداى وبعها وبيدور على عربيه وبالصدفه قولت اخش ققرى عن السيارة دى وشوفت كلام مكتوب بجد شدنى للعربيه والسبب


(((((( ابو ياسمين )))))) هو اللى خلانى كده عايز اعرف تفاصيل عنها اكتر وبقيت بروح واجى اعرف تفاصيلها من مفتاح البصمه اللى ناس كتير مش عرفتوا انه مالوش مكان فى حاله فقد الحجر بالريموت فالازم يبقى معاك المفتاحين او حجر احتياطى وبسؤال عن قطع الغيار فى التوكيل اللى لسه نازله بقالها 3 ايام فى فرع الشرابيه بس ولسه مش نزلت فى فرع التجمع وناس عرضتنى سعتها وكمان الماتور سالت فيه مختص
انا بقول كده علشان محدش يقولى انت شغال فى توكيل او حاجة وشكرا وعفو للاطاله
احلى منتدى بجد

المشاركة الأصلية كتبت بواسطة dedi

معلش اخى سؤال بخصوص المفتاح المفهوم من كلامك عن المفتاح انة لى فضى الحجر لا استطيع دخول العربية صح وهل يمكن تشغيلها ومعنى كدة انى لازم امشى 2 ريموت ويا سلام لو ضاعوا تبقى كارثة ممكن توضيح اكثر عن هذا الموضوع

لو فضى الحجر تستطيع دخول السيارة بالمفتاح الميكانيكى (مفتاح عادى ويوجد داخل الريموت )
ولو فضى الحجر او لا يوجد حجر فى الريموت ( فقد ) فعليك اتباع 3 خطوات كما هو موضح فى كتالوج السيارة.

Depleted Intelligent Key Battery

If the indicator for electronic intelligent key does not flash and its starting function cannot start the engine, the battery may have depleted. You shall replace the battery as soon as possible.

In this case, you can start the engine with card-type intelligent key. If the card-type intelligent key is not available or also has a depleted battery, you can start the engine in the following steps:
1. Step on brake pedal or press down ―ENGINE START STOP‖ switch, the key position indicator of the intelligent key system on the combination instrument will turn on with the buzzer beeping once.
2. Put the electronic intelligent key near ―ENGINE START STOP‖ switch within 30 seconds after the buzzer beeps, the buzzer will beeps once again, indicating that you can start the engine.
3. Start the engine with 5 seconds after the buzzer beeps. You can also conduct the procedure above with a card-type intelligent key which has a depleted battery to start the engine.

باختصار شديد تقوم بوضع المفتاح الزكى بالقرب من مفتاح التشغيل start / stop حتى تقوم السيارة بقرائة الشفرة
الموجودة داخل الكرت او المفتاح( الريموت ) و عند تطابق الشفرات يمكنك ادارة السيارة

المشاركة الأصلية كتبت بواسطة dedi

معلش اخى سؤال بخصوص المفتاح المفهوم من كلامك عن المفتاح انة لى فضى الحجر لا استطيع دخول العربية صح وهل يمكن تشغيلها ومعنى كدة انى لازم امشى 2 ريموت ويا سلام لو ضاعوا تبقى كارثة ممكن توضيح اكثر عن هذا الموضوع

بص يا باشا دلوقتى العربيه فيها مفتاح التكنولوجيا الحديثه ويسمى بمفتاح بصمه . بالنسبه لوظائف الريموت للسيارة انه يفتح الباب وبه وحده ارسال مشفرة وذلك لتربط بين الريموت والسيارة حتى يمكنك تشغيل السيارة .
لما الموضوع ده فكرت فيه وبجدل مع سيارات اخرى زى مثلا الكيا . فى حاله ان حجر الريموت خلص بتخلع المفتاح من الريموت لفتح الباب وده موجود فى السيارة الكيا وايضا البى واى دى تمام المشكله بقى وانت بتدور السيارة الحجر خلص هيوصل ارسال ازاى بقى هههههه فى الكيا بقى فى مكان بتحط فيه المفتاح نفسه بيلغى الارسال وبيكون مباشر مع المفتاح البصمه وده اللى مش موجود فى البى واى دى بس معاك مفتاح اضافى بيقوم بنفس الوظيفه لفتح الباب وارسال الشفرة بس لو خلصوا ال2 وده حسب علمى هيكون مستحيل ال2 يخلصوا ولو خلص غير حجر الريموت والامر بسيط جدا وبرضوا لما الحجر هيبدء يخلص هتعرف لان المفتاح هيهيس مش هيفصل مرة واحده تمام

اتمنى اكون قدر اوصلك المعلومه بتجربه حيه

المشاركة الأصلية كتبت بواسطة pico563

اضافة صغيرة ارجو ان تساعد على فهم ال ECU و ال Knock Sensor


1-Dyno Testing Premium Fuel - Octane Level vs Performance - Shell V-Power - YouTube

Octane Ratings and the 4 Stroke Engine Cycle …:
2-Octane Ratings and the 4 Stroke Engine Cycle - EricTheCarGuy - YouTube

2-Octane Ratings and the 4 Stroke Engine Cycle …:
http://youtu.be/8VWEwEveGTQ


Octane Rating - Explained :
3-Octane Rating - Explained - YouTube

3-Octane Rating - Explained: http://youtu.be/cfhTTuxF6Mk

نعم سأتوقف عن الجدال لأنى ببساطه "اقتنعت"

- اقتنعت أن السيارة g3 تملأ شوارع مصر وحواريها منذ عام 2011 ولم يشتكى منها أحد من ملايين الضحايا سعداء الحظ الذين اشتروا تلك السيارة الفارهه ومازالوا يسبحون بحمد الله على محركها الذى أثبت جدارته وضرب bmw على عينها. وجعل شركة مرسيدس تبوس رجلين الصينيين.

- اقتنعت أن أزمة بنزين 90 فى مصر كان سببها بكل بساطه السيارة g3 التى ملأت شوارع مصر وشربت كل نقطه من بنزين 90 حتى صرنا لا نجده الآن بسببها للأسف.

-اقتنعت أنك يمكن أن تأخد معك موتور هوندا سيتى للتوكيل لكى يفهم أن موتور سيارتك هو تقليد طبق الأصل منه وبذلك سوف يهرع مهندسى التوكيل لصيانة محرك سيارتك واستبداله فورا اذا لزم الأمر ولاسيما لو أخذت معك بعض الصور التوضيحية والكلمات المنمقه وبعض أبيات الشعر.

- اقتنعت أن محرك وفتيس السيارة f3 الحالى له نفس مواصفات موتور وفتيس ميتسوبيشى المستخدم سابقا.

- اقتنعت أن التقليد أفضل من الأصلى مليون مرة. ولكن ذلك عصى على فهمنا المتواضع.

- اقتنعت أنه لا معنى لكتابة معدل انضغاط المحرك فى كتالوجات السيارات وأنه "كلام فاضى" ولا يمثل أدنى قيمة ، وأن الخواجات دول ما بيفهموش حاجه واننا بشويه صور وكلام نقدر نضربهم على عينهم.

- اقتنعت أن لكتابة الشركات البنزين الموصى باستخدامه "كلام فاضى مالوش لزمه" وأنه مجرد خطأ صينى لأن الشركة بتجيب الاستيكر زى ما هو من بلاد بره وتلصقه بكل "سذاجة" على غطاء تانك البنزين لأنها مكسلة تغيره.

- اقتنعت أن فتيس dct هو أفضل فتيس فى العالم وأعظم اختراع اخترعته البشرية للسير فى شوارع القاهرة المزدحمه بدون مشاكل. وأنه لم تثبت أدنى مشكلة له حتى الآن فى ملايين السيارات التى تجرى فى شوارع القاهرة.

- اقتنعت أننا المصريين ملوك "الفهلوة" ونحن اللى "خرمنا التعريفة" وبنفهم اكتر من الخواجات ونستطيع أن نسير السيارات بعصير القصب دون أدنى تأثير على محرك السيارة حتى بعد خمس آلاف سنة. بدليل قصة نجاح g3 فى مصر.

- اقتنعت أن جميع سائقى تاكسى مصر الذين يملكون السيارة و "يكعون" من دم قلوبهم ثمن عفشة تويوتا لتركيبها للسيارة حتى لا تزحف على الأرض بعفشتها الصينية الفاخرة ، هم الغلطانين لأنهم بيحبوا "الفشخرة" على الفاضى ، وأن ثمن العفشة الأصلية للسيارة مجرد تفاهات والمفروض يعملوا نفسهم كأنهم ما دفعوش تمنها اصلا علشان كده يركبوا لها عفشة تويوتا.

- اقتنعت أننا لا نعرف شيئا عن السيارات ، وأن من يمدحون السيارة ويكتبون أبيات الشعر عنها "لوجه الله" هم فقط من يفهمون فى مصر ويرون ضوء الشمس فى جنح الليل البهيم.

- اقتنعت أن جميع شكاوى العملاء من السيارة على المنتديات الأخرى مجرد أوهام وأضغاث أحلام وما نحن بتأويل الأحلام بعالمين ، وأن ظاهرة تصقيف المحرك معهم إنما هى مجرد كوابيس سوف تزول قريبا ، أو انهم لا يجيدون قيادة السيارة وأن العيب فيهم مش فى السيارة أبدا على الإطلاق.

- اقتنعت أن جميع عيوب دهان السيارة فى جميع المعارض التى تعرضها هى "دغششة" نظر منى وأنى يجب أن اضع "ششم" فى عيناى لكى أستطيع أن ارى أن خط دهان ألبو هو أفضل ما أنتجه سكان المريخ ولذلك تم استيراده إلى مصر وأنتج لنا ذلك المستوى المبهر من الجوده الفائقة.

ولأجل كل ذلك سوف أتوقف نهائيا عن ذلك الجدل العقيم وأترك المجال لأصحاب السيارات تلك لكى يحكوا لنا عن تجاربهم معها.