الحقيقة النهائية عن محرك byd - 1500 الجديد المستخدم فى f3 - l3

**bassem.naguib** · 01-08-2014 08:52 AM

المشاركة الأصلية كتبت بواسطة amir122

مش شرط الشاحن التروبينى انه يحتاج لبنزين 95
المصريين شغلوه ب92 ذى ماتم فى الاوكتافيا a7

والنتيجة أيه ؟! هل عند استخدام بنزين 92 أخدت القدرة الحصانية كاملة للموتور !!!! بالطبع لا .

**Ashraf_Ibrahim** · 01-08-2014 11:37 AM

المشاركة الأصلية كتبت بواسطة abojessy

لا توجد سيارة من أى نوع مجمعة فى مصر لها شاحن توربينى
فضلا عن أنه يحتاج لبنزين 95 كما ذكر بعض الزملاء بالمنتدى

خسارة :D

**Ashraf_Ibrahim** · 02-08-2014 01:14 AM

هل موتور البي واي دي الجديد ال 1500 سي سي
سير الكاتينة الخاص به جنزير ؟!
ولو كذلك دا بيتغير على كام ألف كم ؟! اسمع انه مش اقل من 100000 كم او انه مبيتغيرش غير لما يعمل صوت هل الكلام دا سليم ؟!

**hossam165** · 02-08-2014 06:47 AM

المشاركة الأصلية كتبت بواسطة ashraf_ibrahim

هل موتور البي واي دي الجديد ال 1500 سي سي
سير الكاتينة الخاص به جنزير ؟!
ولو كذلك دا بيتغير على كام ألف كم ؟! اسمع انه مش اقل من 100000 كم او انه مبيتغيرش غير لما يعمل صوت هل الكلام دا سليم ؟!

سير الكاتينة جنزير
لا يتم تغييره الا اذا عمل اصوات غير طبيعية

**Mido Casper** · 05-08-2014 04:31 AM

المشاركة الأصلية كتبت بواسطة m_hafez

انت مبسوط كده يعنى؟
طيب نفس الكلام كان بيتقال من 20 سنه على الكورى ومن 40 سنه على اليابانى
هو انت المفروض لما تيجى تناقش تقول صينى وخلاص او وحشه او اهو كده !!! ولا تقول بناء على 1 و 2 و 3 رأيى كذا؟

زمان العربيات كان عمرها والناس عندها ضمير عن دلوقتي .. وبدليل العربيات الكوري اللي من 20 سنه لسه شغاله لحد دلوقتي

الصيني خش وشوف كميه الخساير والوفيات ربنا يعافينا يارب اللي حصلت بسببه
بقول صيني عشان جاري معاه البي واي دي والطبلوه طق من الشمس والعربيه مكملتش 6 شهور
بقول صيني عشان الاير باج في الهاي لاين مبتفتحش
انا عندي اركب كوري قديم 20 سنه ولا اركب بي واي دي قديمه سنتين

**ابو ياسمين** · 09-08-2014 11:14 PM

المشاركة الأصلية كتبت بواسطة mido casper

زمان العربيات كان عمرها والناس عندها ضمير عن دلوقتي .. وبدليل العربيات الكوري اللي من 20 سنه لسه شغاله لحد دلوقتي

الصيني خش وشوف كميه الخساير والوفيات ربنا يعافينا يارب اللي حصلت بسببه
بقول صيني عشان جاري معاه البي واي دي والطبلوه طق من الشمس والعربيه مكملتش 6 شهور
بقول صيني عشان الاير باج في الهاي لاين مبتفتحش
انا عندي اركب كوري قديم 20 سنه ولا اركب بي واي دي قديمه سنتين

زميلى العزيز
هذه وجهه نظرك ولابد أن احترمها
وأجد لك كل العذر فيها لأن مجموعة من الأفاقين أحضروا لنا قمامة السوق الصينى طمعا فى المكسب الحرام
فى الوقت الذى كانت فيه هناك سيارات جيدة لم نسمع عنها
وقريبا بأذن الله سأقدم للزملاء فى المنتدى تقارير عن سيارات لا يصدق أحد أنها صناعة صينية خالصة
لقد تطورت الأمور هناك فى الثلاث سنوات الأخيرة وحققوا قفزة هائلة
وأصبحت السيارات الشبيهه بلعب الأطفال ذكرى من الماضى

ولكنى أحب أن أسألك :

ما هى وسائل الأمان فى السيارات الكورى من 20 سنة ؟حتى تفضلها على BYD

ولعل الكبار فى السن مثلنا وقد ركبنا الكورى فعلا من 20 سنة يذكرون فضيحة هيونداى مع نجمة واحدة فى أختبارالسلامة الأوروبى
وفضيحة كيا عندما حصلت على صفر

فأين هم الأن ؟ أظنهم فى السماء مع الخمس نجوم

وهذا سيحدث قريبا مع السيارات الصينية لأنه لا شئ فى العالم حولنا لايتغير الا بعض أفكارنا

صدقنى يا عزيزى فأن أى سيارة صينية جيدة فى السوق أفضل من أى سيارة كورية من 20 سنة أو أقل من هذا بكثير

أما عن حديثك عن السيارة byd
فأقول لك أنى أرى نفسى مؤهلا بشدة لتقيمها
بعد أربع سنوات من التجربة الفعلية مع السيارة فى جميع ظروف التشغيل وقيادتها أكثرمن 70000 كيلو متر (سبعون ألف )
وخبرة 37 سنة من أمتلاك السيارات وقيادتها

وحكمى النهائى عليها أنى وجدتها سيارة جيدة أكثر من ما كنت أتوقع عند شرائها وخصوصا التابلوه

**mcml_13** · 10-08-2014 04:25 AM

بعد سواقة اكثر من 70 كيلو متر بال BYD F3 2015 Auto
ملاحظاتى على اداء الموتور و الفتيس و السيارة عموما
الموتور صوته مقبول على السرعات البطيئة ... بعد ال 100 الصوت بيبقى عالى و مكتوم .. انا معايا النترا 2010 و عارف ان العزل فيها كويس و موتورها ناعم ... يعنى ممكن يكون كلامى ان صوت الموتور عالى عشان انا متعود على الالنترا و الله اعلم
السحب معقول ... مش بتجرى قوى بس مش ضعيفة فى نفس الوقت ... نقدر نقول زى الافيو كده
الفتيس نقلاته ناعمة جدا
كنت متوقع ان ال 6 نقلات هتقلل الحمل على الموتور فى السرعات العالية بس اكتشفت انه مش فارق اوى يعنى العربية ماشية 110 و ال RPM على 3 تقريبا ... يعنى زيه زى الرابع فى الفتيس العادى ...
استهلاك البنزين ممتاز جدا فى العربية بصراحة
كان فيه صوت تسقيف واضح جدا جدا لما بتضغط بسيط على كل النقلات ... مش لما تسقط نقلة و تكيك داون .. لأ لو بتدوس حاجة بسيطة ... و يا ترى ده كان موجود فى الفتيس القديم ولا لا؟

العفشة كانت كويسة جدا و الفرامل بصراحة ابهرتنى ... اداءها عالى جدا

يا ريت لو حد يقدر يفيدنى فى موضوع التسقيف ده ... ولا هو ظبط كهرباء ولا ايه ؟

-

الموضوع: الحقيقة النهائية عن محرك byd - 1500 الجديد المستخدم فى f3 - l3

LinkBack

أدوات الموضوع

عرض

-

-

-

-

-

المواضيع المتشابهه

لا سحر و لا شعوذه نيسان تخترع محرك 1500 سي سي بقوه 400 حصان

اية الفرق بين محرك 1500 و 1600 سى سى ؟؟؟

يوجد سبب - مشكلة في كريستالة مسقط لها محرك 1500

الاختراع المذهل الجديد (محرك اسندر)

الكلمات الدلالية لهذا الموضوع

المفضلات

المفضلات

ضوابط المشاركة