لما كانت العربية بتنزل بموتور ميتسوبيشى وكان سعرها حوالى 70 الف كانت ينطبق عليها الكلام بتاع بتاخد امكانيات معقولة بسعر كويس ، انما ان المستخدم ياخد عربية فيها العيوب اللى انا وناس كتير شايفينها في العربية وكمان بالسعر ده يبقى كلام حضرتك خطأ.
لأن بحسبة بسيطه انا لما ادفع كمان 30 الف واجييب لانسر هاخد التالى : (ماركة يابانى - سعر اعادة بيع فوق الممتاز لا يقارن بالصينى - قطع غيار معمرة - فخامة واداء متميز - توكيل قادر على صيانة السيارة أو استبدالها بالكامل لو احتاج الأمر كذلك....... الخ)
بكده ابقى دفعت فلوس معقولة في إمكانيات محترمه.
- وانا ما قلتش لحد انى عايز عربية من غير عيوب. انا عايز استفيد من فلوسى اقصى استفادة ممكنه واحطها فى إمكانيات تضمنها بقدر الإمكان وامتلك سلعة قادرة على حفظ سعرها.
اما بالنسبة للسخرية فى آخر كلامك والاسلوب السوقى الذى يصلح لحوار صينى رخيص ،فلن ارد عليه الرد المناسب حرصا واحتراما للقراء المحترمين ، لأن اسلوب البلطجة ده الغرض منه هو ان النقاش الموضوعى يخرج عن سياقه وان الناس تتشغل بكلام جانبى وشد مالوش لزمه وتسيب العيوب الأساسية الجوهرية اللى بنتكلم فيها.
والمفروض إدارة المنتدى ما تسمحش بهذا النوع من البلطجة على موقع محترم
المفضلات