متيجوا نستمتع بحساس الأضاءة فى الفلوانس :)

**Hany Saad** · 13-09-2014 12:10 AM

حساس الأضاءة لمن لا يعرفه هو أوبشن بيخلى الأضواء تشتغل تبعاً لشدة الأضاءة الخارجية....يعنى فى الصبح و مع الشمس بيفصل الكشافات و لما الدنيا تبقى غروب يقوم يشغل الكشافات لوحده و هكذا و ده بيخليك تنسى من دماغك موضوع الكشافات ده تماماً....يتم تفعيل الأوبشن بأنك تلف دراع النور لأخر تكه اللى مكتوب عليها auto
لاحظ ان الحساس بيتحكم فى النور الصغير و الواطى مع بعض....يعنى بينورهم سوا او بيفصلهم سوا...لكنه لا يتحكم فى العالى و سايبه للقائد يتحكم فيه براحته
الأوبشن ده كان موجود عندى فى الميجان من 2006 و للأمانة مكنتش بستخدمه لأنه كان بيشغل الأنوار بدرى شويه و بعدين كان لازم تبقى طافى العربية علشان تشغله او تطفيه لو معجبكش....المهم مكنش عاجبنى قوى

لما جبت الفلوانس كان طبعاً فيها نفس الأوبشن مع سهولة أكتر فى تشغيله او فصله و ذلك من خلال دراع النور.....أضف إلى هذا أنوار ال drl
بصراحة انا مكنتش مشغل الأوبشنين دول

بعد ما سافرت بره أخر مرة و أجرت عربية هناك و كان فيها الأوبشنين دول بصراحة حسيت جداً اد ايه هما مهمين للأمان و مريحين فى نفس الوقت

المهم لما رجعت هنا و بما ان الشتا قرب يدخل علينا كل سنة و انتوا طيبيين و اسكندرية الدنيا بتغيم فيها كتير....قلت اشغل الخاصيتين دول و استمتع....اللى هما الأضواء النهارية ال led أو drl و كمان حساس الأضاءة

قوم ايه بأه::::::
- و انا فى الجراج الصبح و ادور العربية الاقى النور الصغير و الزينون اشتغلوا
- قوم اطلع بس من الجراج فى النهار الاقى النور الصغير و الزينون فصلوا و ال drl اشتغل ( أضاءة ال led بقت أقوى و الأضاءة الخلفية فصلت)
- قوم ادخل نفق الاقى العكس الأنوار بتولع لوحدها قوم اخرج من النفق الاقيها بتطفى
ايه شغل الفنادق ده؟
حاجة دلع الدلع بصراحة و استمتاع جامد جداً
بشجع الجميع على استخدام هذا الأوبشن الهائل

تحياتى

**khaledazizeg** · 13-09-2014 12:22 AM

عندى الاوبشن دا فى الكيا بس بكسل اشغله بستخدم المانيوال وخلاص بس هجرب كده اسيبه علطول شغال واشوف

**ahmedelfeky** · 13-09-2014 12:29 AM

انا من ساعه ماشتريت العربيه مشغل ال drl عمري مافصلته بحس انه امان اكتر ليا

**ENG.MaRk** · 13-09-2014 12:09 PM

إني أعشق الميجان و الفلوانس خاصة و رينو عامة ... بحسها عربيات مش أي حد يركبها !!!
شكرا يا أستاذ هاني علي الإفادة و المعلومات القيمة

**mfraig** · 13-09-2014 12:15 PM

المشاركة الأصلية كتبت بواسطة hany saad

حساس الأضاءة لمن لا يعرفه هو أوبشن بيخلى الأضواء تشتغل تبعاً لشدة الأضاءة الخارجية....يعنى فى الصبح و مع الشمس بيفصل الكشافات و لما الدنيا تبقى غروب يقوم يشغل الكشافات لوحده و هكذا و ده بيخليك تنسى من دماغك موضوع الكشافات ده تماماً....يتم تفعيل الأوبشن بأنك تلف دراع النور لأخر تكه اللى مكتوب عليها auto
لاحظ ان الحساس بيتحكم فى النور الصغير و الواطى مع بعض....يعنى بينورهم سوا او بيفصلهم سوا...لكنه لا يتحكم فى العالى و سايبه للقائد يتحكم فيه براحته
الأوبشن ده كان موجود عندى فى الميجان من 2006 و للأمانة مكنتش بستخدمه لأنه كان بيشغل الأنوار بدرى شويه و بعدين كان لازم تبقى طافى العربية علشان تشغله او تطفيه لو معجبكش....المهم مكنش عاجبنى قوى

لما جبت الفلوانس كان طبعاً فيها نفس الأوبشن مع سهولة أكتر فى تشغيله او فصله و ذلك من خلال دراع النور.....أضف إلى هذا أنوار ال drl
بصراحة انا مكنتش مشغل الأوبشنين دول

بعد ما سافرت بره أخر مرة و أجرت عربية هناك و كان فيها الأوبشنين دول بصراحة حسيت جداً اد ايه هما مهمين للأمان و مريحين فى نفس الوقت

المهم لما رجعت هنا و بما ان الشتا قرب يدخل علينا كل سنة و انتوا طيبيين و اسكندرية الدنيا بتغيم فيها كتير....قلت اشغل الخاصيتين دول و استمتع....اللى هما الأضواء النهارية ال led أو drl و كمان حساس الأضاءة

قوم ايه بأه::::::
- و انا فى الجراج الصبح و ادور العربية الاقى النور الصغير و الزينون اشتغلوا
- قوم اطلع بس من الجراج فى النهار الاقى النور الصغير و الزينون فصلوا و ال drl اشتغل ( أضاءة ال led بقت أقوى و الأضاءة الخلفية فصلت)
- قوم ادخل نفق الاقى العكس الأنوار بتولع لوحدها قوم اخرج من النفق الاقيها بتطفى
ايه شغل الفنادق ده؟
حاجة دلع الدلع بصراحة و استمتاع جامد جداً
بشجع الجميع على استخدام هذا الأوبشن الهائل

تحياتى

استاذ هاني باشا
ليا عندك تعقيبين او تعقيب وسؤال :)
1- الاوتو لايت معايا في الميجان 2006 مش بعرف استعمله عشان بينور بدري اوي من قبل المغرب وبينور النور الواطي وطبعا الناس بتفتكرك ناسيه وخصوصا بتوع المكروباص والتاكسي وبيفضلو يقومو بالواجب في تنبيهك واصلا احنا عندنا في مصر العرف وما تربى عليه اباءنا واجدادنا اننا مش بنور النور الواطي غير لما الدنيا تظلم جدا واصلا احنا شعب مستفذ بتلاقي الناس بتقلبلك عشان تطفي النور الواطي حتى لو مش ضارب في عينيه
2- انا زيك معايا ميجان 2006 وبفكر انقل عالفوانس بس محتار عشان الخيارات كبيره في وجود الكروللا والسيفيك فقوللي انت ليه اخدت قرار الانتقال للرينو برضه وهل ندمت او فكرت بشكل مختلف بعد كده وتحب تدي نصيحه وللا ادوس وانا مش هندم ؟

**yasser100** · 13-09-2014 12:33 PM

المشاركة الأصلية كتبت بواسطة mfraig

استاذ هاني باشا
ليا عندك تعقيبين او تعقيب وسؤال :)
1- الاوتو لايت معايا في الميجان 2006 مش بعرف استعمله عشان بينور بدري اوي من قبل المغرب وبينور النور الواطي وطبعا الناس بتفتكرك ناسيه وخصوصا بتوع المكروباص والتاكسي وبيفضلو يقومو بالواجب في تنبيهك واصلا احنا عندنا في مصر العرف وما تربى عليه اباءنا واجدادنا اننا مش بنور النور الواطي غير لما الدنيا تظلم جدا واصلا احنا شعب مستفذ بتلاقي الناس بتقلبلك عشان تطفي النور الواطي حتى لو مش ضارب في عينيه
2- انا زيك معايا ميجان 2006 وبفكر انقل عالفوانس بس محتار عشان الخيارات كبيره في وجود الكروللا والسيفيك فقوللي انت ليه اخدت قرار الانتقال للرينو برضه وهل ندمت او فكرت بشكل مختلف بعد كده وتحب تدي نصيحه وللا ادوس وانا مش هندم ؟

مهما كان فى كل اللى انت قلته من ماركات و هيه فعلا عربيات كفاءه . هاتلاقى لمسات فى الرينو و الفرنساوى عموما مش موجوده فيها . قد تكون لمسات صغيره و لكن مميزه .

مثل بسيط و ليس اجمالا . لمسة الستاير اللى بتنزل فى الرينو لمسه صغيره و لكن كقيمة احساس بالفخامه عاليه و ما بتنزلش تقريبا غير فى المرسيدس .
برضه حاجه بسيطه تانيه انه زجاج الشباك و انت بتقفله لو حد واضع ايده او ساند عليه من غير ما انت تكون واخد بالك بيرد و يرجع تانى .

حاجات بسيطه و لكن مميزه

**mfraig** · 13-09-2014 01:48 PM

المشاركة الأصلية كتبت بواسطة yasser100

مهما كان فى كل اللى انت قلته من ماركات و هيه فعلا عربيات كفاءه . هاتلاقى لمسات فى الرينو و الفرنساوى عموما مش موجوده فيها . قد تكون لمسات صغيره و لكن مميزه .

مثل بسيط و ليس اجمالا . لمسة الستاير اللى بتنزل فى الرينو لمسه صغيره و لكن كقيمة احساس بالفخامه عاليه و ما بتنزلش تقريبا غير فى المرسيدس .
برضه حاجه بسيطه تانيه انه زجاج الشباك و انت بتقفله لو حد واضع ايده او ساند عليه من غير ما انت تكون واخد بالك بيرد و يرجع تانى .

حاجات بسيطه و لكن مميزه

كلامك مظبوط وانا معايا ميجان ومقدر جدا الفروقات البسيطه ده واد ايه هي مهمه لكن شوف مثلا اد ايه الفرق بين موتور الفوانس والسيفيك i-vtec
ورغم ان الشكل الخارجي للفلوانس يكسب بس الهوندا حلوه جدا من الداخل وخاماتها رائعه
انا مش ميال للكروللا لكن السيفيك جباره

-

-

-

الموضوع: متيجوا نستمتع بحساس الأضاءة فى الفلوانس :)

LinkBack

أدوات الموضوع

عرض

متيجوا نستمتع بحساس الأضاءة فى الفلوانس :) - انشر الموضوع فى :

-

-

-

المواضيع المتشابهه

علاقه حساس الكامه بحساس الكرنك

خاصية الأضاءة عن بعد للرينو فلوانس...رفاهية

برجاء دخووووووووول أهل الخبرة بخصوص الأضاءة

مشكلة بحساس الكامات

لانسر كريستالة1999 و مشكلة فى الأضاءة

الكلمات الدلالية لهذا الموضوع

المفضلات

المفضلات

ضوابط المشاركة