السلام عليكم و رحمة الله و بركاته
الأعضاء الأعزاء الكرام مالكى السيارة الأسطورة فولكس بيتلز
إيه رأيكم نخصص هذا الموضوع للتحدث عن السيارة الخرافة فولكس بيتلز بحيث إننا نتكلم عن كل حاجة خاصة بالعربية من ميكانيكا و عفشة وسمكره و دوكو و كهرباء و سروجى و كماليات و إكسسوارات و أداء و غيره........
بحيث إن كل عضو يقول نوع عربيته و موديلها و سنه الصنع و بقالها معاه أد إيه و مميزاتها و عيوبها من واقع تجربته مع العربية و يرفعلنا صورها و يتكلم عن إمكانياتها و كمالياتها كنظام الصوت مثلاً فيها و مقترحاته و كذلك الصنايعية الكويسين و الأمناء اللى تعامل معاهم أو الغير كفؤ و تجربته معاهم و غيره ....
حتى يستفيد باقى الأعضاء أو تجنب الغش و الرسرقة أو النصب و ذلك كله يكون لوجه الله تعالى لأعضاء المنتدى الكرام
و بالتالى يكون عندنا مرجع كبير و شامل لكل مالكى البيتلز بالمنتدى العظيم دا Nilemotors و نتبادل الخبرات و المعلومات و المعرفة .
و كمان نشترى إستيكر المنتدى و يكون هوا العلامة الرسمية فى عربياتنا و اللى مش قادر يشترية ممكن نساعدة فى شراءه لأن كلنا إخوات عشان نستفيد كلنا من العروض الممنوحة لمنتدانا الكبير و المحترم Nilemotors.
و كمان ممكن نحدد ميعاد ثابت يتم الإتفاق عليه و نتقابل فيه للتعارف و زيادة الحب و المودة و المعرفة بين أعضاء المنتدى مالكى البيتلز.
و لو فيه أى معارضة أو توجية من الإدارة الموقرة أرجو التوضيح حتى يتثنى لنا جميعاً الإستفادة و المساعدة لوجه الله تعالى
مستنى الردود و الآراء و الإقتراحات
و شكراً :k44:
المفضلات