الموضوع: عشاق و ملاك البيتلز بالمنتدى

المشاركة الأصلية كتبت بواسطة hashem1999

على فكره ياجماعه لمبة الزيت او حتى لمبة الدينمو لو نورو فى السلانسيه ده طبيعى جدا وعادى المشكله كلها ان اللمبتين ينورو وانت مزود سرعه او قارص على البنزين لان فى السلانسيه الزيت بيكون فى حالة شبه ركود وانا اللى قصدته لما قولت ان ساعة الزيت تكون بايظه لو نورت اللمبه وانت متاكد ان الزيت سليم فالكلام ده لو اللمبه نورت وانت دايس بنزين مش السلانسيه

السلام عليكم و رحمة الله و بركاته

إزيك يا أستاذ/ هاشم

الإختلاف فى الرأى لا يفسد للود قضية
عشان كدا أنا مختلف معاك فى نقطة و متفق فى التانية
مختلف معاك فى إن بربشة لمبة الزيت فى السلانسية طبيعية و أنا ذكرت الأسباب مسبقاً و أكرر أن ذلك ليس طبيعياً و دا مش كلامى بس دا كلام كل الميكانيكيه اللى تعاملت معهم و أيضاً لمبة الزيت بتنور لما بتيجى تدور العربية فقط بالإضافة إلى الأسباب التى ذكرتها فى مشاركتى السابقة.
و متفق معك إن ممكن لمبة الدينامو لما تبربش أو تنور فى السلانسية طبيعى و دا فى حالة إن الماتور يكون واطى جداً زيادة عن اللزوم.

و شكراً

المشاركة الأصلية كتبت بواسطة tashash

طيب يبقي يا جماعة احكم علي الموضوع ده عن طريق ايه ؟؟؟ اروح للحاج محمد يعني و لا ايه ؟؟ و لا ممكن انا اعمل حاجة عشان اتاكيد ... ممكن مثلا اظبط الموتور ... عشان ممكن يكون واطي مثلا

السلام عليكم و رحمة الله و بركاته

فعلاً على الماتور شوية و هاتحس باللى قولتلك عليه

شكراً

المشاركة الأصلية كتبت بواسطة tashash

طيب ... اظبط الموتور و اشوف ... و ربنا يسهل ...بس لو فضلت علي نفس الحال يبقي لازم ارجع للحاج محمد علي

كلام سليم و مظبوط جداً

السلام عليكم و رحمة الله و بركاته

إخوانى الكرام

و الله إمبارح كان يوم غريب و حصل شوية حاجات للعربية عاوز آخد رأيكم فيها :

العربية إمبارح كانت بتنتش قوى بالرغم من تركيب بوجيهات من 2000 كيلو تقريباً ( بوجيهات البوسنة سن قصير ) و كانت بعشرين جنية بالرغم من إنى كنت مركب ألمانى بـ 35 جنية و كانت زى الفل و الله بس فى ميكانيكى قالى البوسنة ممتازة فاقولت أجرب.
و بعدين أنا كنت من خمسة أيام عند الحاج محمد على و غيرت الزيت و كشفت على طقم الكهرباء و الحاج محمد نظفلى البوجيهات بالبنزين و سنفرلى الأبلتين و بعديها العربية كانت كويسة زى ما كانت مفيش مشكلة , بس بعديها بيومين بقيت بحس بتنتيش بسيط و زاد التنتيش قوى إمبارح و السحب قل و العربية بتبطل و مش عاوزة تدور خالص إلا زق و للأسف الموضوع دا كان الساعة 11 مساءاً و كان الحاج محمد على قفل .
المهم روحت لكهربائى كشفلى على البطارية و الدينامو و قالى الحمد لله البطارية كويسة و الشحن ممتاز بس فيه تعتيله فى المارش بتعمل حكة.
و بالتالى أصبحت المشكلة إما مارش لآن عاندى تعتيلة فيه و عاوز تقريباً جلب و هو من النوع الكبير بتاع الأوتوماتيك اللى تقريباً قطع غياره مش متوفرة , و إما أن تكون المشكلة فى كهربه العربية .
فاروحت لميكانيكى كنت بتعامل معاه و نظفلى الكربراتير و فلتر الهوا و قالى الأبلتين مقفول و فتحه و شاف البوجيهات فلاقى فيه بوجيه قاطع و قالى يمكن فى بنزين جيه عليه و بوظه و غيرته بواحد ألمانى قديم كان معايا و ظبتلى الكهربا تانى و الحمد لله دلوقتى أصبحت العربية أحسن من الأول فى الدوارة و السحب و حاسس إن العربية فاقت قوى.

و أنا كنت عاوز آخد رأيكو فى كام حاجة كدا و يا ريت ألاقى إجابة منكم عشان محتار:
1- ما هو أفضل نوع بوجيهات للبيتلز من واقع تجربتكم ؟
2- هلى غسيل البوجيهات بالبنزين بيضر البوجيهات ؟
3- ما هو نوع الأبلتين المناسب للبيتلز من واقع التجربة و الخبرة ؟
4- هل من الضرورى تغيير كل البوجيهات ولا ممكن نغير اللى بايظ بس ؟
5- علبة الشكمان عندى إتخبطت قريب و عامله ترزيع فهل ممكن تتصلح ولا تتغير و بكام تقريباً و فين , و هل لازم تسقيط ماتور لتركيبها ولا ممكن و الماتور راكب ؟

معلش طولت عليكم و مستنى الرد و الإجابات و الإقتراحات

و شكراً