أخى الفاضل
ليه بنلجأ الى التربو؟
فى حاجه اسمها الـ volumetric Efficiency او كفاءة الملئ ودى ببساطه حاصل قسمة حجم الشحنه الفعلى اللى دخلت المحرك الى حجم الاسطوانه النظرى (قطر الاسطوانه فى المشوار).
كل ما زادت كفاءة الملئ بتزيد قدره المحرك ودى من العوامل المهمه جدا اللى بيهتمو بيها فى تصميم المحرك وده بيظهر فى صور كتيره زى زيادة فتحة صمام السحب - زيادة عدد صمامات السحب - زيادة الفتره الزمنيه لفتح صمام السحب.......الى Turbo chrager.
وظيفة التربو: هى القيام بضغط شحنه (هواء+بنزين فى محركات البنزين ...او هواء فقط فى محركات الديزل) اكبر من حجم الاسطوانه او اللى تقدر تستوعبه فى حالة المحرك التقليدى (لان الهواء قابل للانضغط) ...معنى كده انه لنفس حجم الاسطوانه تقدر تحرق كميه أكبر فتزيد قدرة المحرك حوالى 15:35 %
طريقة تنفيذ ده ببساطه بنركب توربينه على العادم متصله (عن طرق عمود) بكومبروسر على مدخل الشحنه. وبالاستفاده من العادم بتدور التوربينه ولانها متصله بالكومبروسر فيضغط الشحنه.
موضوع التربو فى تفاصيل كتيره جدا ...لمزيد من المعلومات والصور شوف الموقع ده:
http://auto.howstuffworks.com/turbo.htm
المفضلات