الموضوع: التربو !!!

بشمهندس سمير...صباح الفل ودايما حضرتك منورنا بعلمك وخبرتك

ان برضه مش فاهم اوى مغزى سؤال ainshouka ولكن النقطه اللى اشار اليه انا باتفق معاه فيها وهى ان على الرغم من تساوى السعه الحجميه فان المحركات الحديثه تعطى قدره وعزم اكبر من المحركات القديمه.

وزى ما حضرتك أشارت ان الفرق هو الاهتمام حديثا بجودة وكفاءة الاحتراق من خلال استخدام منظومة تحكم الكترونيه.

انا عايز اوضح ده من خلال مثال عملى:

لو بصينا الى نظام الاشتعال التقليدى (أبلاتين وكوندسر) وقارناه بنظام الاشتعال الالكترونى بدون موزع (Distributorless coil ignition)
هنلاقى ان الشراره الكهربيه المتولده بواسطة النظام التقليدى ضعيفه نسبيا وغير كافيه مش كده وبس كمان توقيت الشراره بيعتمد على عاملين فقط (سرعة دوران المحرك - الحمل)
أما فى نظام الاشتعال الحديث: تكون الشراره الكهربيه قويه وكافيه لحرق المخلوط احتراق كامل والاهم ان توقيت الشراره Dynamic and variable بيعتمد على حاجات اضافيه زى درجة حرارة المحرك - الصفع الموحود فى المحرك وده بيتحقق من خلال تغذية وحدة التحكم بتفاصيل دقيقه جدا.


فى انظمه أخرى كتير بتساعد على زيادة القدره على سبيل المثال: زيادة عدد الصمامات Multi-valve مثلا فى حالة 4 سلندر (12 ...14...وفى اكتر من كده ) ده بيحسن كفاءة السحب والكسح وبيرفع من قدرة المحرك

فى نظام الـ (Variable Camshaft Timing (VCT وانا شوفت كمان Variable compression ratio

الخلاصه
كل نظام موجود فى المحرك التقليدى بيتغير باخر حديث يعمل من خلال منظومه تحكم معقده لضمان احتراق كل جزئ وقود احتراق كامل والاستفاده من ذلك فى:
1- زيادة عزم وقدرة المحرك وتحسين اداؤه خلال ظرووف التشغيل المختلفه
2- تقليل استهلاك الوقود
3- تحسين او تقليل الاثار الضاره لعوادم السيارت للبيئه وصحة الانسان

بشمهندس سمير...صباح الفل ودايما حضرتك منورنا بعلمك وخبرتك

_ ياباشا الله يخليك .....هههههههههههه .....بس حلوه حتة علمك دى ........هو فيه علم بعد علمك ياباشا........دا أخوك على قده

بشكركم على ردودكم ومساعدتكم
أنا قصدت بالإنضغاط ان البنزين يقدر يستحمل ضغط عالى ودا اللى فهمته من موضوع التربو
as you compress air, the temperature of the air increases. The temperature may increase enough to ignite the fuel before the spark plug fires. Cars with turbochargers often need to run on higher octane fuel to avoid knock.

فاللى فهمتوا من النقطة دى ان البنزين اللى له رقم اوكتينى عالى يستحمل الضغط العالى اللى بيسببه التربو
وبعدين كان فيه موضوع مثبت بيتكلم عن البنزين وانواعه وانه بيتوقف على انضغاط المحرك
فانا كان سؤالى انه طالما فيه عربيه قديمة وعربيه جديدة ليهم نفس السعه يعنى نفس حجم السلندرات يعنى المفروض ان الضغط اللى موجود فى الاتنين واحد فليه الموديل الجديد لازم ياخد 92 والقديم بياخد 80

فهل المقصود بانضغاط المحرك حاجه تانيه غير الضغط جوه السلندرات

يارب اكون قدرت اوصل اللى انا عاوز اسأل عنه

المشاركة الأصلية كتبت بواسطة ainshouka

بشكركم على ردودكم ومساعدتكم
أنا قصدت بالإنضغاط ان البنزين يقدر يستحمل ضغط عالى ودا اللى فهمته من موضوع التربو
as you compress air, the temperature of the air increases. The temperature may increase enough to ignite the fuel before the spark plug fires. Cars with turbochargers often need to run on higher octane fuel to avoid knock.

فاللى فهمتوا من النقطة دى ان البنزين اللى له رقم اوكتينى عالى يستحمل الضغط العالى اللى بيسببه التربو
وبعدين كان فيه موضوع مثبت بيتكلم عن البنزين وانواعه وانه بيتوقف على انضغاط المحرك
فانا كان سؤالى انه طالما فيه عربيه قديمة وعربيه جديدة ليهم نفس السعه يعنى نفس حجم السلندرات يعنى المفروض ان الضغط اللى موجود فى الاتنين واحد فليه الموديل الجديد لازم ياخد 92 والقديم بياخد 80

فهل المقصود بانضغاط المحرك حاجه تانيه غير الضغط جوه السلندرات

يارب اكون قدرت اوصل اللى انا عاوز اسأل عنه

على حسب فهمى لسؤالك:

فى فرق بين نسبة انضغاط المحرك والسعه الحجميه او الـ CC وبالتالى علاقتهم برقم الاوكتان

نسبة الانضغاط هى حاصل قسمة (حجم الاسطوانه+حجم غرفه الاحتراق) / حجم غرفه الاحتراق

حجم الاسطوانه = القطر الداخلى للاسطوانه*مشوار الكبس
حجم غرفة الاحتراق=حجم الغرفه التى تنضغط فيها الشحنه بعد وصول المكبس الى النقطه الميته العليا

ما فيش شك ان كل مازادت نسبة الانضغاط ببتحسن الكفاءة الحراريه للاحتراق وبالتالى بتزيد القدره الخارجه من المحرك ...

ولكن فى محركات Spark ignition Engine زى محرك البنزين فى Limitation على زيادة نسبة الانضغاط وهى احتمال حدوث الصفع او knocking لانه ليه تاثير سلبى على الـ Engine viberation and mechanical damage.

اقرا الموضوع ده لمزيد من المعلومات:
http://www.nilemotors.net/Nile/showthread.php?t=16758
http://www.racing4e.com/article236.html

فى حالة محركات البنزين اللى بتعمل بالتربو بيتم شحن او ضغط الهواء فقط بعد كده بيتم خلط البنزين يعنى لو الخلط بيتم بكربراتير يبقى التربو قبل الكربراتير ...ولو حقن يبقى البنزين بيتم خلطه بواسطة رشاشات عن طريق حقن غير مباشر ...وعلى فكره بقى فيه حقن مباشر للبنزين دلوقتى... وفى المحركات التى تستخدم تربو بيكون نسبة الانضغاط صغيره فى حدود 9

المهم...نسبة الانضغاط فى محركات البنزين من 8 الى 11 وممكن تكون 12.5 وفى 13 النوع ده من المحركات بتستخدم تكنولوجيا متقدمه زى varaible cam timing mechansims وتزود بحساس لقياس الصفع وبيكون رقم الاوكتان عالى 95

اما العلاقه بين رقم الأوكتان ونسبة الانضغاط: كل ما زاد رقم الاوكتان للبنزين يمكن زيادة نسبة الانضغاط دون الخوف من حدوث صفع

ما هو التربو - وماهى أنواعه وماهى سلبياته وما هى فوائدة




استخدم التربو لاول مرة فى صناعة الطائرات الحربية فى الحروب العالمية و ذلك قبل استخدامه فى السيارات و كانت الفكرة منه طبعا هيا زيادة قوة الطائرات ايضا.
فكرة استخدام الشواحن التربينية فى صناعة السيارات ولدت فى اوروبا باستخدامها فى المحركات ذات الاداء العالى
(High performance) ذات الثمانية اسطوانات والتى خصصت لسيارات سباقات الفورميلا والتى كانت تسمح قوانينها فى تلك الفترة باستخدام الشواحن و كانت اول سيارة تجارية تستخدم التربو هى ساب900 و التى انتجت سنة 1978 م.

ماهوا التربو ؟

الشواحن التربينية (Turbo) هى اجهزة تساعد المحرك على حرق المزيد من الوقود و ذلك عن طريق ادخال المزيد من الهواء للمحرك
مع ضغطه يصورة اكبر حتى نزيد من نسبة اشتعال الوقود داخل غرفة الاحتراق.

فكرة عمله ..

ضخ و ضغط كمية من الهواء للمحرك عن طريق المروحة المثبتة فى التربو (Turbine wheel) و التى تدور عن طريق دفع غاز العادم (Exhaust) لها , اى اننا نستفيد من غازات العادم فى تدوير عجلة التوربين .
و طبعا تدور عجلة التوربين بسرعات رهيبة تصل الى ان تكون اسرع بمقدار 30 مرة من اسرع محرك من محركات السيارات حيث تدور بمقدار قد يصل الى 150 الف دورة فى الدقيقة !
اذا كلما زادت عدد دورات المحرك(RPM) كلما زاد ضغط غاز العادم و بالتالى زادت نسبة الهواء الذى يضخه التربو.
و يتضح لنا ان كلما زادت دورات المحرك كلما زادت القوة ( القوة التى نحصل عليها من التربو لن نحصل عليها من البداية بل سنحصل عليها تدريجيا حتى نصل الى اعلى عدد فى دورات المحرك) .
كلما زادت نسبة الهواء الداخل من التربو الى المحرك كلما زلدت نسبة القوة الحصانية التى سنحل عليها و هذه معادلة بسيطة لفهم الموضوع.
نفترض ان معنا سيارة محركها قوته 300 حصان فاذا ادخلنا الى محركها 50% من كمية الهواء الاصلية كزيادة ستزيد نسبة حرق الوقود بنسبة 50% ايضا و بالتالى سنحصل على 150 حصان زائدة فيكون المجموع 450 حصان(هذا فى الظروف القياسية اما عمليا ستكون القوة اقل من ذلك بقليل)

اين و بماذا يركب...؟

يركب بالاجزاء الاتية:
1- فتحة ادخال الهواء للمحرك (Intake)
2- فتحة اخراج العادم (Exhaust)
3-فلتر الهواء و يفضل لو فلتر رياضى.يراعى عند تركيب التربو ان يوضع فى ابعد مكان عن المحرك حتى لا تؤثر حرارة المحرك عليه.
مميزاته و عيوبه:

الميزة و الهدف الاساسى من التربو

هو الحصول على المزيد من القوة الحصانية بنسبة قد تصل الى ضعفى او ثلاث اضعاف
القوة الاساسية فمحرك بقوة 300 حصان قد تصل قوته الى 900 او 1000 حصان وتختلف على حسب القطع المستخدمة
و لكن عيبه الاساسى يتمثل فى:

زيادة درجة الحرارة :طبعا ستزيد حرارة المحرك بشكل كبير نتيجة لزيادة نسبة الاحتراق فى المحرك و هذه الزيادة ستؤدى الى تناقص العمر الافتراضى للمحرك ان لم ينفجر المحرك نتيجة لعدم تحمل البساتم لهذا الضغط و الحرارة.
و لكننا نستطيع التغلب على جميع عيوب التربو باستخدام القطع المناسبة.

منقول

فكرة عمله ..

ضخ و ضغط كمية من الهواء للمحرك عن طريق المروحة المثبتة فى التربو (Turbine wheel) و التى تدور عن طريق دفع غاز العادم (Exhaust) لها , اى اننا نستفيد من غازات العادم فى تدوير عجلة التوربين .

طبعا المعلومات قيمه .....بس عاوز أنوه لنقطه لو سمحت لى ......أن التربو عباره عن turbine wheel اللى بيدورها العادم لتحويل الطاقة الثرموديناميكيه لغازات العادم الى طاقه ميكانيكيه للأستفاده منها فى أدارة عمود التربو لتشغيل ال compressor wheel اللى راكبه معاها على نفس العمود .....بالأضافه الى أن الكمبروسور هويل compressor wheel هى دى اللى بتاخد الهواء من الفلتر وتضخه لمجمع دخول الهواء ..........وعذرا على المداخله

المشاركة الأصلية كتبت بواسطة samirayad

هى بالبلدى ماشى الحال................

_ أنما فى البنزين الصوت أسمه الصفع detonation_ أما فى الديزل أسمه الدق knocking

......أنما بالبلدى .....مفيش مشاكل هههههههههههههه

ياباشوات مافيش مشاكل تدق او تصفع اهه كله دق وان كان الصفع اعم دقا !!!

ياباشوات مافيش مشاكل تدق او تصفع اهه كله دق وان كان الصفع اعم دقا !!!


أعم دقا
ولا أدق علميا

:POINTI~2[2]: