الجنوط : كمالية و شكل ام ثبات حقيقي ؟ ( ادخل و قل رأيك / موضوع للنقاش )

[M.Osman]

شكرا يا شباب :)

[waleedrahmy]

لاشكر علي واجب

[Karim_Mohy]

fe had kan aal en ghalat tganat el fiat 128 ...sah el kalam da?

[ouba2]

ثبات حقيقي و واضح

[أبومعاذ]

fe had kan aal en ghalat tganat el fiat 128 ...sah el kalam da?

كلام مش صحيح بس لو هتجنط ال 128 حطلها جنط 13 و كاوتش ميزدش عن 175/70 عشان لو عايز تزود تحط 185/60 مثلا يبقى لازم تروح الاول لسمكري يفتحلك شفة الرفرف شوية عشان ميحكش في الكاوتش و الموضوع دا بيتكلف حوالي 50ج

يعنى لو حطيت جنوط سبور بنفس مقاس الستاندارد بتاع العربية هيكون مفيش مفعول غير المنظر ...حتى لو كاوتش كويس ؟

شكرا للتفاعل :)

لو الجنط الجديد و زنه أخف من جنط العربية الاصلى يبقى المفترض ان الثبات يزيد علشان كل ما وزن الجنط و الكاوتش و مجموعة الفرامل يخف كل ما الثبات يزيد

[waleedrahmy]

لو الجنط الجديد و زنه أخف من جنط العربية الاصلى يبقى المفترض ان الثبات يزيد علشان كل ما وزن الجنط و الكاوتش و مجموعة الفرامل يخف كل ما الثبات يزيد

بالعكس الثبات حا يقل لان وزن العربية حا يخف ......بس أستهلاك البنزين حايقل ............ والتسارع حا يزيد

[MMamdouh]

بالعكس الثبات حا يقل لان وزن العربية حا يخف ......بس أستهلاك البنزين حايقل ............ والتسارع حا يزيد

لا كلام جيمينو صح

مجموعة العفشة و الفرامل اللى هى بيقولوا عليها الوزن الغير منبوض كل ما تبقى خفيفة كل ما رد فعل العفشة على الطريق بقى احسن و بالتالى تماسك كل عجلة مع الاسفلت حيزيد و فى النهاية الثبات حيزيد

MMamdouh

مجموعة العفشة و الفرامل اللى هى بيقولوا عليها الوزن الغير منبوض كل ما تبقى خفيفة كل ما رد فعل العفشة على الطريق بقى احسن و بالتالى تماسك كل عجلة مع الاسفلت حيزيد و فى النهاية الثبات حيزيد

مش من المعروف أن كل ماوزن العربية ما يزيد ثباتها بيزيد وكل ما يقل الوزن الثبات بيقل ولا أيه

[MMamdouh]

اولا دة مش شرط.... العربية الفورميولا 1 وزنها بالسواق 505 كيلو فا محدش يقنعنى ان الثبات = وزن.... ماشى الوزن عنصر من عناصر الثبات لكن مش هو العنصر الاساسى او الوحيد فى الموضوع

ثانيا الوزن المنبوض هو كل وزن فى جسم السيارة يوثر على سوست العربية بمعنى ان الجزء اللى وزنة محمل على السوستة يبقى "وزن منبوض" اما الوزن الغير منبوض فا هو الوزن اللى محمل على الاسفلت... يعنى وزن الاجزاء اللى لو بقت وزنها 10 طن مش حتكبس السوست...يدخل تحت البند دة وزن الجنوط و الكاوتش و طنبورة الفرامل بالكالبرات و الدوشم و التيل و النصف السفلى لمساعد كفرسون و المقصات

ايه الحكمة ان الوزن دة يبقى خفيف؟

الاجزاء سالفة الذكر دى كلها مكونات عفشة او وزنها مرمى على العفشة... و تحديدا الاجزاء اللى يتتحرك فى العفشة مع المطبات... يعنى هى اللى بتتعامل مع مطبات و حفر الطريق و ارتفاعها و انخفاضها هو اللى بيحدد مدى تماسك العجلات مع الار و بالتالى مدى ثبات العربية و امكانية التحكم فيها

تخيل لو وزن الاجزاء دى تقيل و انت ماشى بسرعة 60 كيلو و اخدت حتة عالية فى الاسفلت... الحتة العالية حتخلى العفشة تنضخط و العجلة تطلع لفوق و القصور الذاتى للاجزاء التقيلة بيبقى كبير و بالتالى ممكن اوى اندفاع المكونات دى لفوق يبقى قوى لدرجة انه يكبس السوستة لكسر من الثانية حتى بعد ما العجلة تعدى بعد الحتى الحتة العالية اللى فى الاسفلت و بعدين تنزل تانى

الحتة الزيادة اللى بنتكلم فيها دى يعنى كسر من الثانية كانت عجلة من العجلات فى الهوا و مش ماسكة فى الاسفلت اصلا... الموضوع مش قضية اوى لو ماشى 60 فى خط مستقيم بسرعة ثابتة و قابلتك حتة واحدة عالية... تخيل بقى الوضع لو السرعة كانت 100 و انت فى ملف و بدل ما الحتة العالية حتة واحدة... لا دول مسلسل من المقبات و دى بنشوفها كتير....

حتلاقى العربية بتتطوح لبرة الملف و ممكن تخرج عن الطريق خالص مهما حاولت تلف الدركسيون لان فيه جزء كبير من الوقت بيبقى فيه العجل مش ماسك فى الارض اساسا... ممكن بعضكم يكون حس بحاجة زى كدة لما ياخد فاصل كوبرى رخم فى ملف و يحس ان العربية حودت حتة صغيرة يمين او شمال حسب الملف اول ما يعدى الفاصل

لما تبقى الاجزاء دى خفيفة حيبقى القصور الذاتى بتاعها قليل و بالتالى حتقدر تنضغط و ترتد بسهولة و فى زمن قليل و بالتالى فترة تماسكها مع الارض حتبقى اكبر مما يعطى ثبات اعلا... (الموضوع اشبة بالفرق فى القدرة على تغيير الاتجاه بين لاعب جمباز و مصارع سومو) و دة السبب ان فى العربيات السبور بتلاقى المقصات مصنوعة من الالومنيوم و عربيات السباق بيبقى فيها جنط 18 بس خفيف جدا

MMamdouh