الموضوع: الجنوط : كمالية و شكل ام ثبات حقيقي ؟ ( ادخل و قل رأيك / موضوع للنقاش )

This is my first time to check this topic. I just entered when I found MMamdouh participation, because I was sure I am going to find something interesting and I was right

Thanks really MMamdouh for your always useful information ......... rabena yegazeek 7'eer ya rab

لو حسبة الجنط والكاوتش صح..يبقى أكيد في فرق ف الثبات للأحسن طبعا.

شكرا MMamdouh على الشرح الوافي والمفيد جدا..والله الواحد بيتعلم حاجات كتير منك.

المشاركة الأصلية كتبت بواسطة MMamdouh

اولا دة مش شرط.... العربية الفورميولا 1 وزنها بالسواق 505 كيلو فا محدش يقنعنى ان الثبات = وزن.... ماشى الوزن عنصر من عناصر الثبات لكن مش هو العنصر الاساسى او الوحيد فى الموضوع

ثانيا الوزن المنبوض هو كل وزن فى جسم السيارة يوثر على سوست العربية بمعنى ان الجزء اللى وزنة محمل على السوستة يبقى "وزن منبوض" اما الوزن الغير منبوض فا هو الوزن اللى محمل على الاسفلت... يعنى وزن الاجزاء اللى لو بقت وزنها 10 طن مش حتكبس السوست...يدخل تحت البند دة وزن الجنوط و الكاوتش و طنبورة الفرامل بالكالبرات و الدوشم و التيل و النصف السفلى لمساعد كفرسون و المقصات

ايه الحكمة ان الوزن دة يبقى خفيف؟

الاجزاء سالفة الذكر دى كلها مكونات عفشة او وزنها مرمى على العفشة... و تحديدا الاجزاء اللى يتتحرك فى العفشة مع المطبات... يعنى هى اللى بتتعامل مع مطبات و حفر الطريق و ارتفاعها و انخفاضها هو اللى بيحدد مدى تماسك العجلات مع الار و بالتالى مدى ثبات العربية و امكانية التحكم فيها

تخيل لو وزن الاجزاء دى تقيل و انت ماشى بسرعة 60 كيلو و اخدت حتة عالية فى الاسفلت... الحتة العالية حتخلى العفشة تنضخط و العجلة تطلع لفوق و القصور الذاتى للاجزاء التقيلة بيبقى كبير و بالتالى ممكن اوى اندفاع المكونات دى لفوق يبقى قوى لدرجة انه يكبس السوستة لكسر من الثانية حتى بعد ما العجلة تعدى بعد الحتى الحتة العالية اللى فى الاسفلت و بعدين تنزل تانى

الحتة الزيادة اللى بنتكلم فيها دى يعنى كسر من الثانية كانت عجلة من العجلات فى الهوا و مش ماسكة فى الاسفلت اصلا... الموضوع مش قضية اوى لو ماشى 60 فى خط مستقيم بسرعة ثابتة و قابلتك حتة واحدة عالية... تخيل بقى الوضع لو السرعة كانت 100 و انت فى ملف و بدل ما الحتة العالية حتة واحدة... لا دول مسلسل من المقبات و دى بنشوفها كتير....

حتلاقى العربية بتتطوح لبرة الملف و ممكن تخرج عن الطريق خالص مهما حاولت تلف الدركسيون لان فيه جزء كبير من الوقت بيبقى فيه العجل مش ماسك فى الارض اساسا... ممكن بعضكم يكون حس بحاجة زى كدة لما ياخد فاصل كوبرى رخم فى ملف و يحس ان العربية حودت حتة صغيرة يمين او شمال حسب الملف اول ما يعدى الفاصل

لما تبقى الاجزاء دى خفيفة حيبقى القصور الذاتى بتاعها قليل و بالتالى حتقدر تنضغط و ترتد بسهولة و فى زمن قليل و بالتالى فترة تماسكها مع الارض حتبقى اكبر مما يعطى ثبات اعلا... (الموضوع اشبة بالفرق فى القدرة على تغيير الاتجاه بين لاعب جمباز و مصارع سومو) و دة السبب ان فى العربيات السبور بتلاقى المقصات مصنوعة من الالومنيوم و عربيات السباق بيبقى فيها جنط 18 بس خفيف جدا

MMamdouh

شكرا شكرا ... معلومات هايلة بجد :)

إستفسار كمان ( معلش رخم ) ...ده اللى مكتوب عندى فى المانيوال بتاع الفيرنا ... اية معناها ؟

ينفع احط جنوط 14 مقاس 185 عرض و 60 لل 128 و لا هيبقى كبير عليها ؟؟؟؟؟؟؟