إعـــــــلان

Collapse

.

,
See more
See less

تجارب "ملاك" الدايهاتسو مع مراكز الخدمة

Collapse
This topic is closed.
X
This is a sticky topic.
X
X
 
  • Filter
  • الوقت
  • Show
Clear All
new posts

  • #16
    تجارب "ملاك" الدايهاتسو مع مراكز الخدمة

    صيــانة الــ 25 الف


    السلام عليكم ورحمه الله وبركاته...

    يوم الثلاثاء الماضى عملت بفضل الله صيانة ال25000والتكلفة الكلية كانت 460واللى دفعتة تقريبا430:k49:الحجز كان عن طريق مركز الخدمة زى ما معاذ قالى وعلى فكرة انا حجزت يوم الأثنين بعد ما كان الميعاد 20/01/2009 وانا شايف ان دة اهم من التخفيض "التقدير اللى الناس بيقدروه لنايل موتورز واعضاءه مهم جدا واكيد شئ يفرحنا كلنا ويخلينا نقول لأخوانا بالمنتدى الف شكر على الجهود المبذوله وجزاكم الله خيرا"...

    المهم انا كان عندى مشكلتين
    1-العربية بعد ال100 فى راجة فى الدريكسون "من غير فرامل ولا حاجة"ودى تقريبا اتحلت بس حاسسها ضعيفة شوايه
    2-البنزين الأستهلك باقى زيادة اوى يعنى مع تثبيت كافة العوامل العربية كانت بتعمل فى الصفيحة تقريبا من 380ال360 والأن الصفيحة من310 الى 290 ودىبصراحة حاجة انا مستغرب لها لما قولت للمهندس احمد قالى دى حاجة مالهاش مقياس ...؟؟؟؟؟؟؟

    كل عام وحضراتكم طيبن وبأحسن حال


    م/على إبراهيم

    Comment


    • #17
      تجارب "ملاك" الدايهاتسو مع مراكز الخدمة

      مواعيد حجز الصيانة


      انا كنت بتصل أحجز صيانة العشرين ألف يوم الخميس اللي فات .. و بتصل و انا لسة فاضلي الف و نص عالعشرين بس عامل حسابي إن التوكيل هيديني معاد بعيد يعني في فبراير مثلاَ عالأقل .

      فا إتصلت أول حاجة لفتت نظري إنه عرف إسمي و العربية من غير ما أقوله فا إظاهر الكول سنتر بيعمل file لكل عميل فيه النمرة بتاعته و بيانات عربيته بحيث مش كل مرة تتصل تقعد بقي تقوله العربية و الاسم اللي في الرخصة و الليلة دي .

      تاني حاجة اداني معاد يوم الإتنين .. و انا متصل الخميس .. قلتله ايه ده إنت بتتكلم جد ؟ يا راجل قول كلام غير ده قاللي لأ الإتنين اللي جي حضرتك مضبوط قلتله أصل انا متعود تدوني مواعيد بعيد اوي .. فا انا متصل بدري عشان أحجز معاد عالعشرين بالضبط .. ينفع أحجز معاد أبعد شوية !؟ قاللي مفيش مشاكل حضرتك .. فا حجزت معاد يناسب الكيلومترات اللي انا ماشيها و قفلت .

      انا مش عارف هما عملوا إيه في التوكيل بس تقريبا موضوع ال two man operation ده عمل شغل .. و عقبال أبو رواش .



      [COLOR="gray"]
      [CENTER]Leadership is based on inspiration, not domination[/CENTER][/COLOR]

      Comment


      • #18
        الحمد لله الحمد لله المشكله اتحلت والصوت راح خالص وجربت العربيه في كل الحتت الي كان بيطلع معايا فيها الصوت ملوش اي اثر والحمد لله
        بعد معاناه من الصوت لمدة سنه ونص الحمد لله الموضوع اتحل
        والجميل كمان اني استلمت العربيه في نفس اليوم وديتها الساعه 9 واستلمتها 5 :10D5C8~1107:
        اشكر جميع العاملين في التوكيل وشكرا جدا لمجهودكم
        وشكر خاص للمهندس احمد عبد الوهاب :)
        على فكره هما سؤلوني تاني اذا كانت العربيه 2007 ولا 2008قبل ما يستلموها ولما عرفو انها 2007 قالولي دخلها
        بس محدش فادني هيبداو في 2008 امتى بالزبط
        اتمنى للجميع ان المشكله تتحل عندهم
        [shr71=http://2.bp.blogspot.com/_2itwrLyEJJk/TDhefYcakFI/AAAAAAAAAM8/FjUVVg5aTao/s1600/honda-city-2010-5.jpg][/shr71]

        Comment


        • #19
          تجارب "ملاك" الدايهاتسو مع مراكز الخدمة

          صيــانة الـ 40 الف


          بسم الله الرحمن الرحيم

          قبل كل شئ أوجة عميق شكرى وامتنانى للأخ الغالى

          أبوعبداللة..اللذى قام بالأتصال وأنافى المركزبالمهندس

          أحمد عبد الوهاب للتوصية وكان اتصالة مفعول

          السحر (افتح ياسمسم )..

          كماذكرت من قبل هذة صيانة ال40 ألف وأول

          مرة أعمل صيانة فى العبور كنت أعملها دائما

          فى مركزالرزق بالأسكندرية وهذة ملاحظاتى ..

          1- مدخل العبور سئ جدا ؟؟

          2- صالة استراحة العملاء ضيقة جدا جدا كأنة

          يوم الحشر!!والعكس تماما فى الأسكندرية ..

          3- العمالة الفنية متوسطة ومظهرهم مش قد كدة

          3-معاملة حسنة من موظفوا الأستقبال الرجال فقط

          4-طلبات البوفية فرى عكس اسكندرية ؟؟

          5-عدد سيارات العملاء أكبرمن طاقة المركز ؟؟

          جائنى مهندس/أحمد وأخبرنى أن أبوعبداللة كلمة

          وأوصاة عليا وشكرتة المهم عمل لى أوردر

          صيانة 30000 بدلامن 40000 توفيرا

          للتكاليف بركات أبو عبداللة ..وتم تغير زيت

          الباوروالفرامل وعمل تشك أب على العفشة وتيل

          الفرامل والبوجيهات فقط هذاما تم عملة ..

          اما بخصوص تغير سير الأدارة والبوجيهات لم

          يتم تغيرهما للتوفير ومش عارف هل دة سليم

          أم لا؟؟ تكاليف صيانة ال 40000 هى

          1600 جنية وعلى توصية أبوعبداللة تم عملها

          ب 370 جنية فقط ؟؟

          مرة أخرى جزيل شكرى لابوعبداللة والغالى د/

          معاذ الشرباصى اللذى كان يتابعنى على الموبايل

          تحيــــــاتى ..



          البيت بيتــك

          Comment


          • #20
            تجارب "ملاك" الدايهاتسو مع مراكز الخدمة

            نغيير زجاج و كابوت


            السلام عليكم
            انا عندى عربيه سيريون موديل 2009 1500 C C
            الموقع ساعدنى كتير فى انى استرى العربيه فى عز انى اشتريتها ب 93.500 الف جنيه بالتامين حوالى 97000 الف جنيه ومرجتش اجيب الاوبتر ولا النيسان وجبت السيريون , التوكيل محترم لكن للاسف ممكن حد يفهمنى لو زجاج العربيه الامامى اتكسر يصلحو فين وبكام
            لاى عربيه غير السيريون انا صلحته فى التوكيل 2500 جنيه حرام سع الزجاج 1350 والباقى مصنعيه وتحبيش


            بعدها بشهر عملت خبطه من امام غيرت فيها الكبوت عارفين بكام 2200 جبيه ليه مع ان الكبوت 900 جنيه

            ,الموقع عملى من البحر طحينه وقطع الغير متوفرة ورخيصه لن للاسف ده كله شغل دعايه وتسويق حت الاسعار اللى موجودة فى الموقع لقطع الغير كلها قديمه من سنتين تخيلوا الكشاف الامامى مكسور من 20 يوم ولسه مش لاقى اى قطع غير جوة التوكيل او برة مش موجودة نهائيا وكل ما اتصل يقولوا كلمنا بعد اسبوع بيقى فين خدمات الموقع للاعضاءه غير حقيقيه وكمان التوكيل بياخد فلوس بتاعت الحاجه مرتين حد يرد عليه اتمنى من ابو عبدالله يعطينى رد وده موبيلى 0129718283 حرااااااااااااااااااام


            Comment


            • #21
              تجارب "ملاك" الدايهاتسو مع مراكز الخدمة

              تغيير بارات الدريكسيون

              السلام عليكم ورحمة الله وبركاته
              اليوم تم بحمد الله تغيير البارات بتاعت الدركسيون اللي هيا كانت السبب الرئيسي والوحيد في صوت الدبدبة اللي كانت بتظهر عند كسر الدركسيون في الأرض المتعرجة والغير ممهدة

              والحمد لله الآن لا يوجد اي صوت من الأمام نهائيا خالص ولا في لف الدركسيون ولا في غيره

              ولا يوجد اي ملاحظات او ثقل في الباور ولا شئ
              بصراحه انا منبهر ان المسألة اتحلت بالسهولة دي
              وانه لا يوجد اي اضرار من التغيير
              وانا دخلت العربية الساعة 10 تقريبا خرجت الساعة 12 والنصف يعني الموضوع كله حوالي ساعتين ونصف

              فشكر خاص لدايهاتسو الشركة الأم التي تعاونت لحل المشكلة مع ملاك العربيه واحترمتهم واحترمت شكوتهم وده واجب على اي شركة محترمة تحترم ملاك سياراتها
              مع ان الصوت لا يلاحظه الكثير

              وشكر خاص أيضا لتعاون التوكيل عبداللطيف الجميل مصر متمثلا في البشمهندس محمد عبد الصمد والبشمهندس أحمد عبد الوهاب و العاملين فيه جميعا
              معنا لمعرفة المشكلة وتوصيلها للشركة الأم في اليابان

              فشكرا لدايهاتسو الأم وشكرا للوكيل في مصر عبداللطيف الجميل


              [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
              [COLOR="Olive"]قال رسول الله صلى الله عليه وسلم :[/COLOR]
              [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

              Comment


              • #22
                تجارب "ملاك" الدايهاتسو مع مراكز الخدمة

                صيـــانة الـ 20 الف


                السلام عليكم ورحمة الله وبركاته

                قمت يوم السبت 28/2/2009 بعمل صيانة العشرين ألف كم بمركز خدمة دايهاتسو بمدينة العبور وكانت لي الملاحظات الآتية:

                - قمت بحجز الموعد قبلها بأكثر من شهر ونصف

                - كان في نيتي شراء الفرش الجلد من المركز وتأكدت من وجوده عن طريق مركز خدمة العملاء ومرة ثانية عندما وصلت من الاستقبال ومرة ثالثة من مركز بيع قطع الغيار والاكسسوارات قبل الشراء مباشرة وفي كل مرة كان يتم التأكيد أنه متوفر ولكن عندما طالبت بخصم الـ 10% المقرر للأعضاء قيل أن الفرش غير متواجد (باحاول أغلب حسن الظن)

                - تم الاستفاد من الخصم على الصيانة وقطع الغيار بمجرد الإبلاغ بأنني من الذين قاموا بحضور مقابلة نايل موتورز الثانية

                - قيل لي من مهندس الاستقبال إن العمل في السيارة سيستغرق ساعتين تقريباً وبالفعل استلامتها بعد ساعتين ولكن لاحظت بمراقبتي للسيارة أن العمل فيها لم يتعدى الربع ساعة وباقي الوقت كله كان انتظار لحين غسيل وتنظيف السيارة هذا شئ يحسب للتوكيل في تقليل زمن العمل على السيارة بالرغم من طول الانتظار حتى الغسيل

                - تنظيف السيارة من الخارج والداخل كان أسوأ ما يمكن على خلاف المعتاد من المركز لدرجة أنني لم ألاحظ فرقاً يذكر قبل وبعد الصيانة

                - بعد الانتهاء من الصيانة ملحوظ طبعاً انخفاض صوت المحرك بعض الشئ بالإضافة إلى النعومة مع المطبات والنقر وقوة فرامل اليد

                - أضم صوتي لملاحظة الاخوة هنا التي أشارت لسوء حالة صالة الانتظار وهذا بخلاف تعطل الريسيفر وحتى الانترنت اللاسلكي في ذلك اليوم

                - المبلغ المدفوع للصيانة 458 جنيه شامل تغيير فلتر الهواء

                - أخيراً وكالمعتاد لا أخبار إطلاقاً عن موعد افتتاح مركز أبو رواش


                [CENTER]Me on Twitter
                @aliabutaleb[/CENTER]

                Comment


                • #23
                  تجارب "ملاك" الدايهاتسو مع مراكز الخدمة

                  صيــــانة الــ 40 الف


                  اشتريت قبل ما اروح الصيانه من توكيل Ngk طقم بوجيهات اريديوم Ngk وكان سعرهم 150 جنيه زي ما نصحني اخ عزيز ليا هنا في المنتدى وخدتهم معايا التوكيل علشان يركبوهملي وانا بعمل الصيانه علشان هما سعر البويجهات عندهم 440 جنيه
                  بس لما جيت اعمل الصيانه قولت للمهندس عمرو انا من نايل مورتورز وعايز استفيد بالخصم اتاكد ان اسمي موجود وقالي تحت امرك يا فاندم قولتلو انا ليا طلب عندك انا جايب البوجيهات معايا وياريت لو تركبوهالي قالي طيب هسالك دخل الورشه وطلع وقالي للاسف يا فندم مش هنقدر نركبهملك لازم تبقى من عندنا قولتلو طيب خلاص متركبوش بوجيهات وانا هركبهم بره قالي ماشي رحت متصل بالمهندس احمد عبد الوهاب وقلتلو انا عايز اركب البوجيهات الي انا جايبها معايا قالي لا احنا مبنركبش Ngk واحنا بنركب دينسو وال Ngk بتعمل مشاكل في العربيه وتخليها تاكل بنزين ولو عايز انا ممكن اركبهملك بس هتمضيلي على ورقه ان احنا مش مساولين عن اي عطل يحصل بسبب البوجيهات
                  قولتلو لا خلاص مش مهم
                  وبعد ما خلصت الصيانه رحت ركبت البوجيهات في مركز صيانه في المعادي والمفجاه كانت ان البوجيهات الي طالعه من العربيه القديمه يعني الي جيه من اليابان ماركتها Ngk زي الي كنت جايبها ومرضوش يركبوها في التوكيل وعرفت كمان ان في التوكيل بيركبو Ngkاريدوم زي الي انا جايبها بالزبط ومبيركبوش دينسو ولا حاجه
                  بجد اضايقت جدا من الحركه دي مكنتش متوقع طيب لو كان فرق السعر بين بره وعندهم معقول كنت هقول ماشي بس الفرق تقريبا ضعفين تمنها من 150 الى 450 فرق كبير جدا
                  مطولش عليكو المهم انا دفعت في التوكيل النهارده بعد الخصم 1392 وتفصيلهم كالتالي
                  300 جنيه مصنعيات( ومخصموش مصنعية تركيب البوجيهات الي انا مركبتهاش )
                  52 جنيه مصنعية تركيب تيل فرامل
                  48 جنيه فلتر زيت
                  402 جنيه تيل الفرامل
                  176 جنيه فلتر الهواء
                  120 جنيه سير الاداره
                  8 جنيه الحزام الي بيمسك الطاسه في الجنط
                  10 جنيه متنوعات (الي مش عارف هيا ايه بالزبط)
                  9 جنيه زيت فرامل
                  120 جنيه زيت Xhp
                  60 جنيه تمن جالون مياه تبريد موبيل (ومرجعوليش الي فاضل معنو كان كتير )
                  35 جنيه زيت فتيس
                  والخصم كان 54 جنيه على كلو
                  والضريبه 106 جنيه على كلو
                  والراجل بتاع الخزنه مكانش معاه فكه وليه عندي 2 جنيه لو رحت التوكيل ده تاني هبقى ادهملو فكروني :)

                  نصيحه اخويه محدش يعمل الصيانه في التوكيل تاني انتو كده عرفتو الحجات الي بتتعمل اعملوها بره اوفر كتيييييير


                  [shr71=http://2.bp.blogspot.com/_2itwrLyEJJk/TDhefYcakFI/AAAAAAAAAM8/FjUVVg5aTao/s1600/honda-city-2010-5.jpg][/shr71]

                  Comment


                  • #24
                    تجارب "ملاك" الدايهاتسو مع مراكز الخدمة

                    السلام عليكم و رحمة الله و بركاته

                    ده موضوع معمول لسرد التجارب المختلفة لملاك الدايهاتسو مع مراكز الخدمة سواء الخاصة بالوكيل او المعتمدة.

                    يا ريت كلنا نشرك بتجاربنا, سواء كانت التجربة دى جيدة او سيئة, لأن ده هيقدر يخلينا نتابع التطورات المختلفى فى الخدمة و الاسعار و توافر قطع الغيار

                    الموضوع هنا, نذكر فيه التفاصيل, على أن يتم فتح موضوع منفصل, لو حد عنده استفسار بخصوص التجربة المذكورة, مع وضع لينك الموضوع الاصلى هنا طبعا.

                    الموضوع ده مخصص "لملاك" الدايهاتسو فقط.

                    أى حد عنده استفسار, او يود مناقشة العضو صاحب التجربة فى اى شىء, فرجاء يكون فى الموضوع الاصلى.

                    شكرا



                    ______________________________

                    تم غلق الموضوع و تثبيته بناءا على الإتفاق مع العضو معاذ

                    و سيتم تحديثه بالتجارب الجديدة

                    مشــرف القسـم
                    [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                    Comment


                    • #25
                      دى تجميعة للمواضيع السابقة الخاصة بصيانة السريون

                      صيانة الألف


                      صيانة ال5 الاف


                      صيانة ال 10 الف


                      صيانة ال 20 الف

                      ---------------------------------------

                      صيانة ال 25 الف


                      السلام عليكم و رحمة الله و بركاته

                      أمس الثلاثاء 17 مارس, عملت صيانة ال 25 الف

                      دى تفاصيل الفاتورة

                      عمالة 75 جنيه
                      فلتر زيت 48.4 جنيه
                      موبيل 1 (4 لتر) 260 جنيه
                      شحومات 10 جنيه

                      الاجمالى 393.49 جنيه

                      بعد خصم 3% (لأنى دفعت بالفيزا)

                      الاجمالى بالضريبة: 403 جنيه

                      بالنسبة للتفاصيل:

                      وصلت على الساعة 10 تقريبا, كان فى زحام فى المركز .... استلم منى المهندس عمرو العربية على الساعة 10 و نص, و قلت له على ملاحظاتى و كانت كألاتى:

                      1- تزييق بالابواب الخلفية
                      2- نفس صوت الزنة بتاع السماعة اليمين (بتختفى لما تروح مركز الصيانة )
                      3- صوت كأن مياه ماشية تحت الدركسيون كده

                      قالى العربية هتخلص على الساعة 2 ظهرا

                      العربية خلصت تقريبا فى الميعاد, التزييق فى الابواب اختفى, صوت المسعاة مش موجود, لأنه اختفى قبل اما اوصل مركز الصيانة, فمش هقدر احكم (هما قالوا عملوه).

                      أما بخصوص صوت المياه, لما قلته لمهندس احمد عبدالوهاب فى الأول, قالى نكشف على سربنتينة السخن, و دى اعراضها ان يبقى في مياه بتنزل فى الدواسة, او خارج العربية حسب مكان السربنتينة, و العرضين دول مش عندى... مهندس احمد طلب منه يعمل لها اختبار ضغط, و لو فى حاجة غلط هتبان لأن لو محتاجة تغيير لابد من فك التابلوه بالكامل. هو المهندس فى الورشة الصراحة كان مصمم انه صوت عادى, و متواجد فى موديلات الدايهاتسو من سنة 99, وهو تشبيهه له كأنه "خرير ماء" و بيظهر لما العربية تبقى واقفة فترة مركونة, و كل اما تزيد الفترة دى, الوصت يبقى اوضح. الاأعراض دى فعلا عندى, لكن الصوت جديد, يعنى بقاله معايا بس 3 الاف كم, مكنش بيظهر قبل كده خالص!!

                      العربية اتغسلت كويس و كل تمام

                      بعض الاخبار الجديدة:

                      1- كنت ناوى اركب الانذار المرة دى, لكن القديم خلاص بطلوا يركبوه و حاليا الاصلى فقط, و ده تمنه 890 جنيه بالضريبة و التركيب, و الخواص بتاعته اقل من الحالى (مبيعملش lock لما تدوس فرامل اول اما تتحرك, و مبيشغلش السرينة الا لو حد حاول يدور العربية, مش يفتح بابها) يعنى خواصه اقل من القديم

                      دى صوره التقطتها له:






                      2- ابو رواش الميعاد اللى اتقالى 15 يونيو 2009 .... اتمنى طبعا

                      3- قلت لمهندس احمد على حكاية الزيت الباقى, و قالى حقك طبعا تاخده, و اطلبه عادى, بس انا قلت له الافضل انك تحط لكل واحد باقى الزيت بتاعه فى العربية, هيبقى افضل ان المبادرة تبقى من جانب التوكيل

                      4- فى تجديدات هتحصل فى مركز العبور مع بداية العمل فى ابو رواش, استراحة العملاء فوق هيكبروها, و تدخل على مكان السكرتارية, علشان تستوعب عدد عملاء اكبر, و فى تجديدات تانية كمان. و قلت له على حالة الحمامات كمان. ده بالاضافة ان النت كان شغال و اتحلت المشكلة بتاعته.

                      5- بخصوص صندوق الاقتراحات و الشكاوى, و قالى انه وقع على الارض و اتكسر, و اتعمل واحد جديد, و هيتم وضعه قريبا جدا, و ان الورق الخاص بالاقتراحات و الشكاوى موجود بالاسفل.

                      6- قطع الغيار اللى مكنتش موجودة فى الفترة الاخيرة فى منها موجود حاليا, خصوصا المرايات اليمين للتريوس و السريون. أنا سألت على كذا حاجة و انا هناك و كانوا موجودين.

                      7- قابلت ا/ايهاب ثابت مدير قطع الغيار, و قالى انه حاليا فى دراسة بتتم فى السوق لأسعار قطع الغيار, و وعد ان هيبقى فى تغيير فى الفترة القادمة بخصوص الاسعار و توافر قطع الغيار.

                      8- كان فى خبر صاعق عرفته و انا هناك:
                      سعر فلتر البنزبن : 1300 جنيه (الف و ثلاثمائة جنيه!!!)
                      الفلتر موصى انه يتغير عند ال 60 الف كم.تفسيرهم للسعر المرتفع ده, انه بيبقى معاه العوامة كمان!


                      خليت مهندس احمد يشوف موضوع هيثم الخاص بصيانة ال 40 الف, و هكتب التفاصيل الخاصة بها هناك.

                      م/احمد له رجاء منكم: إن اى حد واجه مشكلة و هو هناك فى مركز الصيانة يطلب يقابله على طول, و هو بيؤكد ان مش هيخلى حد يمشى الا و مشكلته محلولة و ميمشيش و هو زعلان او متضايق


                      [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                      Comment


                      • #26
                        سعــر الإنذار الإيطالى


                        انا عني تجربتي السيئة الوحيده في التوكيل
                        هيا جهاز الأنذار الأيطالي اللي ركبته اول ما جبت العربيه
                        سعره كان حوال 800 جنيه وشويه كمان
                        ومميزاته مش اد كده غير انه ماركة patrolline ايطالي
                        يعني انا شايف المشكلة دلوقتي هيا تسعير الأكسسوارات مش كويس
                        وبعض قطع الغيار سعرها عالي مقارنة بالخارج زي البوجيهات اكيد

                        اما بصراحه غير ذلك مفيش ولما بيحصل حاجه وطلبت منهم حلها بلاقي استجابة بصراحه
                        [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                        [COLOR="Olive"]قال رسول الله صلى الله عليه وسلم :[/COLOR]
                        [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                        Comment


                        • #27
                          تجارب "ملاك" الدايهاتسو مع مراكز الخدمة

                          تجربة مع السمكرة و الدهان


                          السلام عليكم و رحمة الله و بركاته

                          زى ما حضراتكم عارفين, انى كنت خبطت كلب بعربيتى, و يوم المقابلة 19 ديسمبر و انا رايح العربية لقيتها بتطلع دخنة بيضاء من الخلف (شفتها من المراية) و ركنت على جنب طبعا, و الكلام ده كان قبل بوابات بتاعة مصر اسكندرية الصحراوى.

                          لما نزلت ابص على العربية, لقيت ان فى مياه بتتسرب من الرادياتير, و فى زى زيت كده (بس طبعا ساعتها كنت بكدب نفسى)و سبب الدخنة البيضاء دى ان المياه بالزيت دى بتمشى على ماسورة الشكمان للأخر و بعد كده بتتبخر.

                          ساعتها كلمت مهندس محمد عبدالصمد, اللى كان متواجد فى المقابلة وقالى لو بتمشى العربية تعالى علينا, حاولت امشيها, لكن مكنتش بتمشى تقريبا, ده غير انى فى نتشة جامدة جدا فى الفتيس. المهم دورنا على ونش, و خدناها على مركز صيانة العبور, و مهندس محمد عبدالصمد مشكورا جدا جدا خلاهم يدخلوا العربية جوه الجراج بتاع المركز, و يستلموها منى بالرغم ان ده كان يوم اجازة, و الطبيعى ان العربية تتساب بره المركز.

                          رحت سلمت كل حاجة يوم السبت 20 ديسمبر, و انتظرنا التقييم النهائى للخسائر, و أنا اكتر حاجة كانت عاملة رعب عندى النتشة بتاعة الفتيس.

                          بعد تقييم الوضع بالكامل, اتضح ان العربية محتاجة طقم تبريد بالكامل (مروحة + سربنتينة تكييف + رادياتير) ده بالاضافة الى خراطيم تبريد زيت الفتيس, و الاكصدام الامامى.

                          المشكلة الرئيسية كانت فى عدم توافر خراطيم التبريد فى الوقت ده, و بعتوا طلبوها من اليابان. مهندس محمد عبدالصمد قال لى ان الخراطيم دى ضغط عالى, و هو مش حابب اننا ناخد مجازفة و نجيب حاجات من هنا محلية, لأن جربوا قبل كده و لم تكن بالجودة المناسبة.

                          الخراطيم مهندس ماجد كلمنى و قالى انهم بلغوه انها المفروض توصل يوم 20 يناير, و ساعتها هيبدأ شغل فى العربية, و أكد لى ان الشغل مش هياخد اكتر من يومين بالكتير.

                          اللى حصل انها اتأخرت زيادة شوية عن الميعاد ده لأن كان فى مشاكل مع الجمارك, و مهندس احمد عبدالوهاب مشكورا تدخل, و الحاجة خرجت على طول.

                          نيجى للأستلام, انا استلمت يوم 26 يناير. التصور المحتمل للسبب فى اللى حصل كله: لما خبطت الكلب و نزل تحت العربية, فأتعوج الرادياتير و مداخل خراطم تبريد الفتيس فيه كمان. المروحة القميص بتاعها اتفك, فغالبا مع الضغط على الخراطيم, و خروج المروجة من مسارها بعد تحطم القميص, ففكت الخراطيم من مكانها, و ده كان سبب وجود زيت مع المياه.

                          خرجنا جربنا العربية, و الفتيس كويس علشان ده كان اهم حاجة ليا, و الحمد لله مكنش فى اى حاجة غلط. كتكييف كان كله تمام و شغال و كذلك التبريد.

                          الملاحظات اللى كانت عندى كانت فى تقفيل الاكصدام. مكنش معمول له finish كويس كدهان, ده غير ان بعض الكليبسات مكنتش راكبة كويس فى مكانها, العربية دخلت و خرجت كذا مرة لحد اما الحاجة اتعملت كويس بنسبة 90%, لأن فى حاجات مهندس مصطفى على قالى مش هنقدر نظبطها اكتر من كده (كانت شوية نتوئات على اطراف الاكصدام من الدهان).

                          بخصوص التكاليف فكانت كالأتى:

                          العمالة:
                          دهان: 210 جنيه
                          سمكرة: 120 جنيه
                          ميكانيكا: 255 جنيه
                          اجمالى العمالة: 585 جنيه

                          القطع المستبدلة:
                          مروحة بالقميص و الموتور: 2535.35 جنيه
                          رادياتير: 3002.20 جنيه
                          حامل اكصدام امامى: 96.96 جنيه
                          اكصدام امامى بدون الهواية: 950.56 جنيه
                          سربنتينة: 2212.15 جنيه
                          مثبت للرادياتير: 20.76 جنيه
                          خرطوم تبريد: 129.28 جنيه
                          خرطوم تبريد: 50.99 جنيه

                          اجمالى القطع المستبدلة: 8817.98 جنيه

                          Materials:
                          عدد 10 كليبسات: 20 جنيه
                          فريون (340 بس مش عارف الوحدة بتاعتها) : 200 جنيه
                          الدهان: 90 جنيه
                          شحومات: 30 جنيه

                          الاجمالى: 340.60

                          اجمالى الفاتورة: 9923.85

                          و بعد الضريبة 10%: 10916.23

                          دى كانت التفاصيل كلها, أى استفسار بخصوص الموضوع انا تحت امركم. http://www.nilemotors.net/Nile/showthread.php?t=65615
                          [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                          Comment


                          • #28
                            تجارب "ملاك" الدايهاتسو مع مراكز الخدمة

                            صيانة الألف كم


                            السلام عليكم ازيك يا احبائى يا رب تكونوا بخير
                            معلش اخرت عليكم بأخبارى
                            اولا حجزت يوم السبت واخدت معاد الصيانه يوم الاتنين
                            قالت لى تعالى قبل الميعاد بربع ساعه كان معادى 10.45 روحت فعلا 10.30 انتظرت حوالى 20 ساعه لغاية ما جه دورى استلم منى المهندس العربية وقالى على تفاصيل الصيانه وقالى انها مجانية طبعا سالته على الانذار طلع فعلا غاااااااااااااااااااالى قوى 890 وقالى انه جاى من اليابان والحاجات ديه قولتله لا شكرا و مركبتش طبعا
                            واضايقت طبعا السعر عالى قوى حتى لو يابانى وكمان اللى عرفته منكم هنا انه كمان امكانياته اقل من القديم
                            المهم قالى ان شاء الله هتستلم على الساعه 12.30 طلعت قعدت في الاستراحه شكلها شيك وحلو بس برضه كان الانترنت مش شغال وديه حاجه زعلتنى لانى شغلى معتمد على النت وكنت رايح في يوم شغل فكنت محتاج النت المهم قضيت شغلى بالتليفون وطبعا من وقت للتانى كنت بابص على العربية من فوق ولما جات الساعه 12.30 فعلا قالوا اسمى فرحت قوى من دقه المواعيد
                            بس ده كل اللى عايز اقوله
                            معلش طولت عليكم
                            السلام عليكم
                            وربنا يوفقنا ويحفظنا جميعا




                            [FONT="Comic Sans MS"]Ahmed Karem[/FONT]

                            Comment


                            • #29
                              تجارب "ملاك" الدايهاتسو مع مراكز الخدمة

                              صيانة الـ 15 الف كم


                              السلام عليكم

                              الحمد لله بالأمس تم عمل صيانة الـ15ألف.....إليكم التفاصيل :

                              - زي ما انتم عارفين أنا معملتش صيانة الـ10ألف عشان كانت تكلفتها مبالغ فيها....المهم المهندس قالي إهنا كده هانعملك صيانة الـ10ألف مع تغير الزيت (Mobil 1 ) عشان صيانة العشرة أهم....قولتله يعيني إنتوا في الـ15 بتغيروا زيت بس.....قالي أيوة مع تربيط عفشة وتنظيف فلتر الهوا

                              - كنت مراقب العربية من لحظة دخولها الساعة 10:30 حتى الإنتهاء منها الساعة 12:00.....الشغل الي تم في العربية ما خدش نصف ساعة بضبط ....تم عمل:
                              1-فك فلتر الهواء والتنظيف بالهواء
                              2-عمل Rotation للعجل
                              3-رجلاش للفرامل الخلفية
                              4-تغير زيت وفلتر
                              5-تزويد مياه الردياتير بمية حنفية بدون أي داعي...وده أكتر شىء دايقني أولاً عشان منسوب المياه كل فترة باكشف عليه وهو مضبوط....ثانياً ليه يحط مية من الحنفية؟؟!! ده أكتر شىء بيضر الردياتير ووش السيلندر وبيعمل فيها بلاوي.....إزازة مية مقطرة بـ1.5جم مش هاتخسرهُ حاجة
                              6-الكشف على جميع الأنوار

                              العربية وقفت حوالى نصف ساعة مستنية دورها في الغسيل ونصف ساعة عشان المهندس يعملي الفاتورة النهائية ( واحدة واقفة معاه حوالي نصف ساعة بتستلم عربيتها )

                              الـHand Brake أصبحت أقوى وإستجابة الفرامل أحسن كتير

                              الفاتورة :

                              - 186 جم صيانة 10,000
                              - 260 جم زيت Mobil 1
                              - 48 جم فلتر زيت
                              - 10 جم ( مش عارف إيه الي مكتوب )

                              المجموع 539 جم بالضريبة

                              لا حول ولا قوة إلا بالله....200جم عشان rotation ورجلاش وتزويد مية من الحنفية ولو كنت عملت صيانة الـ10ألف من قبل كان هايحاسب على صيانة الـ15 بـ420جم...يعني 120جم زيادة عشان تغير زيت وشوية كلام فارغ كله

                              لو شوفته العربية وهي بتتعمل هاتعرفوا أد إيه أنا محروق على الـ200جم من بساطة العمل الشديد

                              حسبنا الله ونعم الوكيل


                              [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                              Comment


                              • #30
                                تجارب "ملاك" الدايهاتسو مع مراكز الخدمة

                                صيانة الألف كم



                                السلام عليكم


                                حدخل فى الموضوع فى شكل نقاط :

                                1- الحجز عن طريق ال Call Center كان سهل ومتابعة ممتازة منهم وتأكيد على الموعد قبل الزيارة بيومين وتغييره لو حبيت .

                                2- وصلت مركز العبور الساعة 2 ظهرا دخلت العربية الساعة 3.30 عصرا واستلمها منى المهندس تامر بعد اخذ كل الملاحظات وطبعا راجل فى منتهى الذوق .

                                3- طبعا قاعة انتظار تطل على المركز لمتابعة ما يجرى على الطبيعة ولكن يبدو ان الفنيين اخدوا على كده خلاص وتعودوا على متابعة العملاء ليهم ورجعوا لاسلوب العك المعتاد للفنى المصرى .

                                4- صيانة الالف لم تاخذ منهم اكثر من 15 دقيقة من مراجعة على مستوى الزيوت والمياه وضبط ضغط الاطارات .

                                5- لن اتحدث عن ملاحظاتى التى ربما تكون عادية وعند كل الناس مثل الاحساس بضعف وهشاشة المكونات البلاستيك الداخلية فى العربية حول الابواب او حول الفتيس وفرامل اليد وكان رد المهندس تامر على ان ده طبيعى لكن لما كلمته عن ان زجاج الابواب شكله سايب ويحتاج الى تربيط خاصة عندما تغلق الباب وانت فاتح الازاز شوية تحس انه حيقع من الباب غير صوته اللى بيخبط المهم كان رده انه محتاج تربيط ولما خرجت العربية لقيت كل اللى اتعمل انهم رشول سبراى WD40 ( وطبعا شفتهم بنفسى ) فى مجارى الازاز داخل الابواب !! طبعا زيتوا الدنيا وكل ما تفتح الازاز وتقفلوا تلاقيه خرج مزيت !!
                                طبعا ده اللى عندهم بخصوص هذه الشكوى .

                                6- العيب الاساسى اللى رحت بيه هو ان العربية بتحدف سنة شمال بيبان اوى مع السرعة العالية ولما خرجت العربية قالى انهم لقوا فرق فى ضغط هوا الكاوتش ولما اكدت للمهندس تامر ان ده مش مظبوط طمنى وقالى انهم جربوا وكله تمام ....ماشى حنشوف .

                                7- طلبت قبل خروج العربية تركيب ال Security System او جهاز الانذار وسعره حوالى 890 جنيه وده اللى اخر خروج العربية الى الساعة 4.45 دقيقة والحقيقة ركب تمام وشغال زى الفل.

                                8- خرجت بالعربية بجرب الحدفة الشمال لقيتها زى ما هى !!! طبعا رجعت للمهندس تامر وطلبت منه يجرب بنفسه وبالفعل جرب بنفسه ولقى ان فيه سنة شمال محتاجة ظبط زوايا .....قلتله يبقى كده محدش جرب وده ميرضيش ربنا ! قالى متقلقش شرفنا فى اى وقت وانا اكشفلك على الزوايا ....طيب ليه مش دالوقت ؟...قالى لاننا خلاص الساعة 5 وحنمشى !!!
                                يعنى فيها مشوار تانى من 6 اكتوبر للعبور عشان الفنى مهانش عليه يجرب العربية وكدب وقال كله تمام .
                                طبعا ده ضايقنى جدا لانهم بصراحة كده معملوش حاجة تذكر فى صيانة الالف وكلها حاجات بيعملها اى حد عنده خبرة بسيطة من متابعة للزيوت والمياه وضغط هوا الكاوتش والمفترض انهم بيهتموا اكتر بشكوى العميل ....طيب انا قلت المشاكل لكن فى النهاية هم عملوا اللى على مزاجهم واللى البيه الميكانيكى شايفه !!!!
                                للاسف دايما بيفترضوا فى العميل انه مبيفهمش او انه بيبالغ او انه يمكن اول مرة يركب عربية !!!
                                لانى قلت للمهندس تامر الحدفة الشمال دى استحالة عن خبرة 15 سنة سواقة تبقى ضغط هوا لكن دون فائدة .

                                9- طبعا رايح بالعربية بتبرق نظافة جوه وبره ( وده طبيعى فى علاقتى بالعربية ) واستلمتها ملحوسة بره وجوه الابواب من الداخل وبصمة ايد الفنى المشحمة على الابواب طبعا كلمتهم على ده ونظفوا شوية لكن برده استلمتها وانا غير راضى عن نظافتها سواء جوه او بره .
                                ويمكن لو كنت رحت بالعربية مبهدلة يمكن كانت النظافة ظهرت شوية لكن يبدو ان هو ده مستوى النظافة اللى بيخرجوه .

                                10- اتصلوا بى الليلة لمعرفة انطباعى عن مستوى الخدمة وطبعا قلت كل ما سبق سواء مميزات او عيوب بما يرضى الله وطبعا على راسها اسعار قطع الغيار ! ولما سالنى عن التقدير العام جيد او جيد جدا او ممتاز ! طبعا كان ردى انه جيد ! .

                                11-
                                الخلاصة
                                :
                                توكيل يابانى توكيل المانى الفنى هو نفسه الاسطى الميكانيكى البلدى اللى ممكن تقابله فى اى مكان .
                                طبعا مهندسين ذوق ذوق ذوق لكن للاسف المهندس مغلوب على امره لانه للاسف راى وكلمة الفنى هى اللى بتمشى والمهندس ما هو الا مجرد واجهة للتوكيل .
                                12- بينى وبينكم يمكن ده خير انهم مظبطوش الحدفة الشمال البسيطة دى اللى مش محسوسة اوى لانهم كان ممكن يعكوا الدنيا اكتر وانا قررت انى مروحش تانى اظبطها ما دامت بسيطة بصراحة لعدم ثقتى فى الفنى اللى حيشتغل .
                                ممكن واحد يقولى طيب حتعمل ايه فى اللى جاى ؟
                                حقوله: وقتها حيبقى مجبر اخاك لا بطل اما المسائل البسيطة دى يبقى تجنب ايدى الفنيين دول بصراحة غنيمة لانهم شكلهم كده اكتر من تغيير الزيت والبوجيهات والسيور والحاجات الروتينية دى اكتر من كده بيبقى عك فى عك وده حال توكيلات مصرنا الحبيبة .
                                ولسة مجاش موعد تجربة توكيل سكودا اللى لا اتوقع انه حيفرق كتير عن توكيل دايهاتسو وربنا وحده اللى بيسترها معانا ومعاكم .



                                [CENTER]
                                [IMG]http://img234.imageshack.us/img234/529/runninghourserk8.gif[/IMG]


                                [/CENTER]

                                dr_druggist سابقاً

                                Comment

                                Working...
                                X