ليون ! مالها بس ما هي جامدة جداً أهي!:)

[SAbuhashem]

مش عارف ليه أنا بحب السيات الليون دي وعمال أسأل نفسي من حين لآخر هما المصريين بيفكروا ازاي ؟؟ ليه محدش بيشتريها ليه مش منتشرة مع إن مثلاً الاسترا وأهي نفس الفئة والسعر تقريباً منتشرة جداً ومفيش حجة قطع الغيار هنا بقى ولا حجة بلد الصنع علشان أنا في رأيي جودة السيات أفضل من الأوبل عموماً .

حد بقى يجاوبني ويقوللي ليه العربية دي مش واخدة نصيبها من السوق زي الأوبل على الاقل.

و- هل أسعار قطع الغيار متقاربة ؟ أعتقد سيات أغلى علشان مكونات VW إلي فيها ولا إيه ؟

بالنسبة لإعادة البيع هل في أي تعليق يعني بعد ٤ سنين تخسر كام بأمانه بدون تحيز وهل الأوبل هتكون بنفس الطريقة ؟
مش عارف حاسس انها مظلومة وحبيت أناصرها شويه :)


Thanks
Eng.Sherif Shaker

[fahd_628]

فية عربيات كتيير فى مصر مظلومة فعلا و منهم السيات ليون

[معاذ الشرباصى]

السيات ليون خارج مصر, اقل ما يقال عنها انها مكسرة الدنيا

ال reviews عليها و التقييمات اكتر من ممتازة

انا اندهشت لما قريت الكلام اللى كان متوب عليها

الدعاية بتلعب دور كبير فى الموضوع, يعنى كل يوم بتشوف اعلانات الاسترا, لكن لغاية يومنا هذا مفيش اعلان نزل على الليون غير مرة واحد بس, و كانوا كاتبين انها الOfficial sponsor لرحلة شاكيرا فى اوروبا, من غير اى تفاصيل او معلومات عن العربية

كريم منير كان مرة قال ان العربية دى نزلت زمان, و عملت مشاكل لأن اقل بنزين مطلوب لها هو ال 95, و ساعتها مكنش فى غير 90, و ساعتها العربيات حصل فيها مشاكل (انا بس بقول معلومة سمعتها)

امتلاك عربية هو قرار لازم يتوفر له عوامل كتير, من اهمها انك تبقى مطمئن ان العربية لها قطع غيار, و فى ناس هتقدر تشتغل فيها, لكن للأسف وكيل سيات لا يوحى بكده خالص

العربية فيها خليط رائع من الكماليات, و بسعر ممتاز, على اعتبار انى بمتلك جولف متنكرة فى شخص سيات, لكن تستغرب من تصرف الويل, على اعتبار ان العربية بتبيع نفسها (ده كان كلام احد مسئولى المبيعات لأبن خالتى و هو بيجيب ابيزا) و السؤال كان ليه سيات مبتعملش دعاية كفاية.

بالنسبة لأسعر قطع الغيار, فى ناس راسخ فى ذهنها ان الاوروبى غالى, و الاسيوى ارخص, لكن انا هقول مثال واحد انا متأكد منه على عدم صدق المعلومة دى:

جنوط الميجان ال 16" الومنيوم فى الوكيل ب 1300 جنيه الجنط
جنوط السيتى ال 15" حديد فى الوكيل ب 2500 الجنط

و الاوبل معروف انه من اغلى الوكلاء فى المصنعية و اسعار قطع الغيار, و ده طيبعى لأى عربية بتعدى حاجز ال 100 الف جنيه, متنتظرش ان قطع غيارها تبقى رخيصة.

هتخسر كام بعد فترة دى صراحة مش عارف

[mohamed ibiza]

الليون عربية ممتازة بكل المقاييس عربية اخت الجولف اقل كلمة تتقال عليها ممتازة ثبات و امان و تصميم مرعببببببب مستقبلي جدااااااااااااااااااااااا ااااااااااااااااا كقاية حركة الاكرة اللي ورا تفوقت علي الجولف في التصميم اللي امتلك الموديل السابق بيحلف بيه قطع الغيار غالية شوية لانها الماني و عمرها الافتراضي حدث ولا حرج اللي ظالم العربية دي حاجتين اول حاجة التوكيل Smg مبيعملش اي نوع من انواع الدعاية و العربية اللي نزل منها يتعد علي الصوابع بتيجي بالطلب و الشعب المصري ثقافته ان الهاتش باك عربية ضيقة و صغيرة و كمالياتها مش كتير و شنطتها اد الحق علي عكس الواقع العربية صالونها جامد جدا كمالياتها اير باجز للسائق و راكب امامي و في الاجناب 4 ازاز كهرباء مساحة رؤية كبيرة امامية و خلفية تكييف متطور جدا جدا تاتش تقريبا زي التوليدو جنوط سبور 16 و شاشة Lcd للمعلومات عدادات جميلة جدا جدا العربية تحسها Concept انا بحبها جدا وسعرها معقول 145 سعر جامد جدا و طبعا العربية احسن من الاسترا بكتير دي موتورها اوبل و ليون صناعة Vw And Audi و تقفيل و تجميع و تصنيع البودي و الصالون Seat الاسبانية انا والله زيك بحبها جدااااااااااااااااا و نفسي اجيبها مع الابيزا.......بس تقول ايه توكيل عايز الضرب بالنار
















Ibiiiiiiiiiiiiiiiiiiiiiiiiiiiiiiiiiiiiizzzzzzzzzzz zzzzzzzzzaaaaaaaaaaaaaaaaa For Ever

[mohamed ibiza]

بالنسبة لسعر اعادة البيع يعني دلوقتي تقريبا بتتعرض علي 110 115 و موديل 2005 و زي معاذ ما قال العربية بره عاملة شغل جامد جدا في اوروبا بالذات لانها ممتازة فعلا و بره نازلة 2000 سي سي 200 حصان و 2000 سي سي Tfsi 240 حصان و 2000 سي سي Tdi 170 حصان و 170 حصان عشان ديزل و اللي هنا 1600 102 حصان 148 نيوتن عزم و الليون اللي هي 240 حصان عزمها رهييييييييييييييييييييييي ييييب 355 نيوتن بينما تلاقي المرسيدس Slk 350 عزمها 360 نيوتن و الليون الديزل عزمها 410 نيوتن تقريبا










Ibiiiiiiiiiiiiiiiiiiiiiiiiiiizzzzzzzzzzzzzzzzzzzaa aaaaaaaaaaaaaaaaa For Ever

[معاذ الشرباصى]

ده لينك فيه كماليات الليون بالكامل, كان ابن خالتى محمد ايهاب كتبها قبل كده

http://www.nilemotors.net/Nile/showt...?t=9625&page=3

[SEATLOVER]

اهلاً بيك يا sabuhashem فى السيات و شكراً على اهتمامك بموضوع ذى دة
بص يا سيدى انت بتتكلم فى موضوع عدم الانتشار ..مش فى الليون بس لآ دة فى كل السيات عموماً و هاقولك الاسباب بالظبط اية :

1-مقارنة الفئة السعرية وخصوصاً فى الحجم (الكبير يكسب )
وطبعاً دخول مقارنة الاكبر صفقة خاسرة لآى عربية مدروسة ولاتعتمد على الحجم
2-مفهوم ال سى سى الاعلى دائماً افضل (هى كام cc )
مهما كان الهورس باور و العزم ممتاز و مدى استجابة الموتور لمتغيرات ظروف القيادة و مناسبتة داخل و خارج المدينة
3-مفهوم راسخ من الماضى عن ارتفاع قطع الغيار (حاجاتها نار )
قبل دخول العديد من الماركات الاخرى و التى تفوق مستوى السعر فى قطع الغيار بمراحل ..ولكن ظل المفهوم القديم بالمقارنة بما كان موجود ومنتشر من سنين
4-مفهوم ما زال موجود وصعب تغييرة ان هذة السيارت اسبانية الصنع (دى اسبانى)
ولكن الحقيقة ان كل المكونات الميكانيكية هى VW المانية .. و التصميم و الاكسسواراتو الهيكل و التجميع اسبانى
5-وجود اعتقاد متأصل (مفهوم استهلاكى مصرى ) بأن كثرة الدعاية بتكون لسيارة جيدة بتحقق مبيعات (هى فين دى ماعرفهاش)

وللآسف يكفينا اكثر العربيات دعاية على المستوى الحقيقى للعربية على ارض الواقع
6- فكرة التوكيل السيىء (دول وحشين اوى)
ببساطة لآننا مش عارفين احنا عايزين اية من توكيل العربية وما هى اولوياتنا معاة
هل هى جودة خدمة الصيانة -معاملة -سعر قطع غيار و توافرها -نوعية خدمة -وقت بتستغرقة الصيانة
محافظة على السيارة -وجود عمالة مدربة خبرة -.....
لازم نرتب اولوياتنا بعد اقتناعنا بالعربية اقتناع كامل
ولو كنا عايزين كل ما سبق ... فدة مش موجود فى البلد ولا عمرة هايحصل ..وماحدش بياخد كل حاجة
7- سعر اعادة البيع فى الماضى (يعنى لما اجى ابيع ..)
كان فى الهبوط زمان عشان كل العوامل اللى فاتت ... و بداء فى الارتفاع لمستوى جيد جداً خلال الفترة اللى فاتت بسبب انتشار الابيزا الجديدة نسبياً
و الدليل الليون ال 2001 (قمة الفخامة الرياضية) بتتباع على 120 حالياً

بالنسبة لإعادة البيع هل في أي تعليق يعني بعد ٤ سنين تخسر كام بأمانه بدون تحيز

بأمانة و بدون اى تحيز هافاجئك و اقولك... ان هايبقى فيها مكسب مش خسارة ...يعنى بعد اربع سنين و مش قبل كدة هاتبيعها اغلى ما جبتها .. و الدليل انا قولتهولك فى كلامى

اعتقد انك تركب المانى بسعر اسبانى بشكل رائع و اداء رياضى و بأقل نسبة اعطال ..صفقة ناجحة

وعلى فكرة حلو اوى ان الليون مش منتشرة ..هاتبقى عارف اللى راكبينها معاك بألاسم ..ذى ما احنا عارفين بعض فى موديلاتنا ههههه :D

[Migo123]

.

مشكله السيات في سمعة الوكيل
سيئة جدا جدا

[Karim_Monir]

شوف يا شريف
العربية دي انت راكب جولف 5 تقريبا بشكل احلى وتقفيل اسباني بدل الماني
عربية رائعة بكل المقاييس وريفهوتها لا غبار عليها
بس اعادة بيع المشكلة مش انك تخسر بس
انك تلاقي حد يشتريها هايتعبك
يعني اللي بيبيع ال 2005 دي ب 110 لو قرصت علية وسيبتة شوية هاخدها منه ب 90 او 95
شوفت ازاي
نوكيلها بيعملك انك راكب هامر او بورشه مش راكب عربية فوق المتوسط

مشكلة اخري ،،

الليون و التوليدو الجديدة ،،

مبتنزلش اتوماتيك ،،

و دي مشكلة كبيرة لأن الأوماتيك اصبح اختيار اساسي الآن بالنسبة لكتير من المستهلكين في مصر ،،

خاصة لو عربية فوق ال 140 الف ،،

يمكن ده من الأسباب اللي مقللة انتشارها

و للأسف توكيل سيات ضعيف ميقدرش يطلب اسببشال لمصر 1600 اتوماتيك

لأنها بره بتنزل اتوماتيك لل 2000 Cc بس

حسب كلام البياع في معرض سيات

غير ان التوكيل في رأيي مموت سيات

و الدليل ان نفس التوكيل بيعمل دعاية جامدة لمرسيدس ،،

رغم إنها مش محتاجة دعاية أساسا