قطع غيار اوبل الجديدة

[rabbat5]

ايه نوعية التيل الأحسن فى السوق ؟

[Ahmad Allawy]

والله انا باستعمل ريمسا نمساوي.. و مش بطال..
اوقات بيصفر شوية برضه.. بس هو كويس..
وفي كمان فيبي.. بس قليل شوية.. دور عليه..
لو لقيته هيبقي احسن من الريمسا كمان..

[ENG\AHMED]

انا بتعامل مع التوكيل .. اخر تيل ركبتة اتحاد اوروبى بس مش فاكر النوع لحد دلوقتى 2000 كلم مفيش صوت
اللى قبلة كان Gm مصرى من التوكيل بردو كان بيصفر ساعات وساعات بس كانت صفارة خفيفة فى الاخر كانت بدأت الصفارة تعلى وتزيد فغيرتة

[M.Mokhtar]

كنت عايز أشتري تيل فرامل أمامي .. واحد قال انها بـ 90 جنيه وواحد قال انها بـ 165 .. اين الحقيقة ؟؟؟؟

انا لسه مغير تيل امامى من يومين
كان قدامى الالمانى ب 170 والاسبانى ب180 قولت اجرب الاسبانى ونشوف

فرق السعر الرهيب ده عشان التوكيل.. اسعار الحاجة فيه بيبقي غالية شويتين عن برة..
يعني لو لقيت برة فيبي الالماني يكون افضل من بتاع التوكيل اصلا..

+10000000
بس اعتقد بتفرق فى النوعيه كمان عشان التوكيل بيبقى عنده كذا نوع
يعنى فى قطع غيار GM برازيلى وفيه المانى (زى المساعدين مثلا)

ممكن تكون الصفارة راجعة لنوع التيل نفسة لو فية نسبة نحاس عالية هيصفر:)

+10000000
وعشان كده وانا بجيب التيل قالى ان الاسبانى فيه نسبة نحاس اقل وكفاءة اعلى عشان كده انا هجربه وهقولك وصلت لايه

[superkenwood]

أنا لسة شاري تيل فرامل أمامي أسباني النهاردة بـ 165 جنيه بعد الفصال العنيف

[M.Mokhtar]

أنا لسة شاري تيل فرامل أمامي أسباني النهاردة بـ 165 جنيه بعد الفصال العنيف

تفتكر نوعه كان ايه؟
اسم الشركه يعنى؟

[abdelaziz-waleed]

ممكن تكون الصفارة راجعة لنوع التيل نفسة لو فية نسبة نحاس عالية هيصفر

فى مصر سيبك من كلمة صنع فى اية دى اشترى من مكان مضمون وبعدين دور على صناعة اية .. اللى بيضرب الحاجة مش اهبل هيحوطلك عليها صنع فى المانيا والبارت نمبر وكل اللى انت عايزة عارفين ان المصريين مش بيحبوا الصينى لكن بيحبو الالمانى خلاص حط تكت صنع فى المانيا لو غضبو على المانيا وحبوا كوالالمبور تكت كوالالمبور بردو موجود مفيش مشكلة :)

بس فيه حاجة يا احمد
المفروض ان الحاجة لو الماني اصلي. بيكون محفور على المنتج نفسه Made in Germany or Germany والبار كود لازم يبدأ من 400 ل 440
غير كدة بقى نظام تكت يبقى الواحد مش واثق وللاسف تيل الفرامل ما بيكونشي محفور عليه حاجة. بيكون مكتوب على العلبة بس

[ENG\AHMED]

بس فيه حاجة يا احمد
المفروض ان الحاجة لو الماني اصلي. بيكون محفور على المنتج نفسه Made in Germany or Germany والبار كود لازم يبدأ من 400 ل 440
غير كدة بقى نظام تكت يبقى الواحد مش واثق وللاسف تيل الفرامل ما بيكونشي محفور عليه حاجة. بيكون مكتوب على العلبة بس

انت فى مصر ! متسبعدش اى حاجة اللى بيغش مش اهبل والمضروب فى منة درجات
الوقت والمجهود اللى بنضيعة علشان نعمل حاجة مضروبة لو استخدمناة صح كنا بقينا حاجة تانية !!


فى حاجة تانية لموضوع التصفير عادة العربيات اللى بتمشى كتير داخل المدينة بسرعات قليلة مع استخدام خفيف للفرامل دائما - دوسة خفيفة .. تهدئة يعنى - بتحصل ظاهرة للتيل اسمها GLAZING ومعناها ان سطح التيل بيبقى املس زى الزجاج وبالتالى بيتزحلق على الطنابير وبيقلل من كفائة الفرامل وممكن يعمل صوت صفارة والحل كل فترة لما تحس ان كفاءة الفرامل قلت او صوت التصفير تطلع على طريق مفنوح وسرعات عالية وتستخدم الفرامل بشدة من غير مالعجل يقفش بحيث يبقى فية احتكاك بين التيل والطنابير او متخليش رجلك خفيفة على الفرامل اوى دائما

[superkenwood]

تفتكر نوعه كان ايه؟
اسم الشركه يعنى؟

نوع اسمه Remsa صناعة أسباني

بصراحة نظيف جدااااااا



صورة أخرى

[M.Mokhtar]

شكرا على الصور
بس هو التيل بتاعى يختلف عن التيل العادى؟
اصل انا عاندى حساس بيركب فى الطنابير عشان لما التيل يخلص الكمبيوتر بيكتبلى على الشاشه
فاعتقد التيل بيختلف بين العادى واللى بحساس
ولا انت ايه رأيك يا احمد نونيم