سؤال لأهل الخبرة وخاصة م/ محمد ممدوح _ م سمير عياد _ م/خالد سبعاوي

**samirayad** · 14-10-2009 10:15 AM

مفيش شك أن خطوات الأستخدام ستجدها موجوده على العبوه
ولن تتعدى خلط مسحوق البودره مع مية التبريد
والسماح للمحرك بالعمل لفتره معينه
ثم أعادة تفريغ الميه المحتويه على البودره بعد آدائها لوظيفتها
ووضع ماء آخر خالى من البودره طبعا

**zaza_lanos** · 14-10-2009 10:18 AM

متابع

**samirayad** · 14-10-2009 10:22 AM

ناخد الأقتباس ده معانا فى الموضوع ده
علشان نعرف سبب طرح صاحب الموضوع لهذا الموضوع

اقتباس:
سمعت حضرتك عن الباودر إللي بيتوضع في دورة المية ( في الرادياتير ) وبيسد أماكن التسريب دية
نعم ودى عباره عن ماده شبيهه بالبودره لما بتتحط مع مية التبريد
بتعمل سدد الى حد ما لأخرام المواسير الصغيره أو الشروخ الضعيفه بالمواسير الى حد ما

اقتباس:
عندي leakage من وصلة ( خرطوم ) المية إللي راكب في الوصلة الألومونيوم الداخلة على طلمبة المية ومحيراني جداً وكل شوية أزود مية
المهم فى تساؤلك هذا تحديد سبب التسريب هل هو
1- خرطوم تالف من نهايته
2- الزور الألومنيوم بتاع الطلمبه (على سحبها ) تالف ودايب
3- القفيز عاوز يتربط أو يتغير
تحديد السبب هو الأهم حاليا
وأعتقد الصح أنك تكشف على سبب ال leakage أولا
قبل محاولة أستخدام البودره المسماه بال radiater sealig
لأنها ببساطه شديده لن تفيدك فى حالتك طالما العيب بعيدا عن الردياتير
وده باين من أسم الماده

**reamoz** · 22-10-2009 01:36 PM

ياجماعة هي مش للدريداتير بس على فكرة لأني انا مجربها
انا كان عندي مية بنقط من الحته اليي بين الفيتس والموتور كدة والمية طبعا كانت بتنقص جاد جدا، سألت الميكانينكي بتاعي قالي دي طبة ورا الفيتس بتجيب مية وطبعا علشان تتغير لازم حل الفيتيس.
ودي طبعا شغلانة منيلة بنيلة وفيها 100 جنيه مصنعية كمان
لاقيت الداة دي في محل في التوفيقية كنت بشتري منة علب الية الخضرا، فاقولت اجربه مش هخسر حاجة.
طريقة إستعمالة زي ماهو مكتوب عليه انك تخلي العربية باردة خالص وتحطة في مية الريداتير وبعدين تدور العربية وتبتدي تحسب حوالي 7 دقايق بعد ما العربية توصل درجة حرارتها للنورمال او المفروض فوق النورمال بشوية (تقريباَ علشان المادة بتحتاج حرارة عالي علشان تشتغل) انا فصلت فردة من سلك الترموستات بتاع المروحة علشان متشتغلش بس كنت مراقب امبير الحرارة كويس لو زادت قوي كنت بركبة فترة بسيط وأفصلة تاني، بس يجماعة اللي يعمل كدة لاز يخلي باله كويس.
بعد مالوقت اللي مكتوب على العبة يعدي تبطل العربية وتستنى حوالي نص ساعه.
بعد كدة تشطف دورة المياه كويس، بمعنى انك تفك الخركوم اللي راجع لقربة المية وتدور العربية وتجيب جركن مية وتفضل تزود في القربة يعني المية اللى المفروض ترجع للقربة بتنزل على ارض وانت بتحط بدالها في القربة. تفضل كدة شوية حلوين علشان ميتبقاش اي رواسب في دورة الميه لحسن تسد ماورة في الريداتير ولاحاجة نبقا صلحنا حاجة وبوظنا حاجة تانية :)
وبعد كدة خلاص نركب تاني الخرطوم اللى راجع للقربة كويس ونملى القربة وهي العربية دايرة علشان نتأكد ان الدورة كلها فيها مية مافهاش حتت فاضية أو واخدة هوا.
ياريت يكون حد فهم حاجة انا عارف ان الموضوع طويل ورخم بس انا بحب العب في العربية وافك واركب وبفرح لما اتعلم حاجة جديدة، فاللي عندة طولة بال وبيحب كدة يجرب واللي مالوش في الكلام ده يريح نفسة ويروح لحد يشفلة التسريب منين ويصلحهوله.