الموضوع: تقبل العوض ؟؟ طبعاااااااااااااااااااا

هو الموضوع طويل شوية بس أنا هحاول أختصره :-

أنا عشت في المملكة العربية السعودية حوالي 15 سنة وعندهم هناك نظام جميل جدا بس طبعا ماينفعش كله يطبق هنا ألا وهو :-

عند حدوث أي حادث بتقف العربيتين مكانهم تماما بدون أي حركة إلى أن تحضر الشرطة وتقوم بعمل اللازم وتحديد المخطيء ثم تحمله فورا ثمن إصلاح السيارة التي أتلفها بدون أي تدخل من أي شخص آخر .
ولا أعتقد إنهم كدولة إسلامية وماشيين بشرع الله مش هيعرفوا الحلال من الحرام ؟؟؟؟

ما دعاني للكتابة في هذا الموضوع هو إني النهارده كنت راكب عربية واحد صاحبي وإحنا بنلف ملف جت عربية خبططنا في الباب اللي ورا المهم الناس اتلمت ومعلش وحصل خير ومش هتقبل عوض أنا بصراحة أتعصبت على الراجل جدا وكان أي حد بيقولي معلش وحصل خير بجنن عليه لأنه مش حاسس بحاجة وهو شوية تطييب خاطر وخلاص واللي قالي هتقبلوا عوض قولتله أيوه هنقبل هو اللي أتلف الشيء عليه إصلاحه بدون نقاش .

وفعلا رحنا لسمكري محترم وقدر التلفيات بالرش والراجل دفع ومشي .

هو ده غلط ؟ لأ طبعا ده من وجهة نظري لأن من أتلف شيء عليه إصلاحه والموضوع مش موضوع عوض .

يعني مثلا أنا لو أجرت عربية واتخبطط مني هاروح أقول لصاحب المعرض يعوض عليك ربنا ؟ طبعا هو مش هيسيبني ، طيب ليه ما بنقولش إن ده عوض ؟

والأمثلة كثير جدا بس اللي بيجنني إن أول ما الحادثة تحصل الناس بتطلع مش عارف منين واللي على لسانها حصل خير وربنا يعوض عليك وسليمة ومفيهاش حاجة و غلبان يا بيه وخلاص جت سليمة !!!!

معايا ولا مش معايا ؟؟؟؟؟؟؟؟؟؟؟؟؟؟؟؟