الموضوع: تقييم الm11 من الاول للاخر

اليوم السبت 4-9-2010
صد رد طريق اسكندرية الصحراوي
من الزيتون -العزيز بالله ...الي 6 اكتوبر بالكيلو 21 الساحل الشمالي ... رجوعا الي الزيتون و لله الحمد علي السلامه

بداية الرحله بعد صلاة الظهر "شوية تلاكيع في المحمل لزوم المؤن " مرورا بon the run في داندي مول قبل البووابات للتفويل ....
وصول الساحل بمتوسط سرعة 120 و تكييف طول الرحلة بمعدل استهلاك متوسط 7.3 لكل 100 كيلو ....
وصول الساحل مع اذان العصر

تحرك من الساحل بعد صلاة العصر بمتوسط للسرعة 140 بدون تكييف "الجو حلو" متوسط استهلاك برضه 7.1
وصول مع اذان المغرب "الحمد لله لحقت افطر مع الحاج و الحاجة"

اداء اكتر من رائع .... العربية ولا حس ولا نفس و ربطة العفشة من يد الواد محمود زي الفل ..... مفيش حدف ..مفيش رجرجة ... تجميع هائل ... استجابة للتسارع للترس الرابع ممتازة ...
الخامس يتسارع بقبول طالما معدل دوران المحرك اكتر من 3300 لفة في الدقيقة ... انما اقل من 3000 بيكون الخامس سئ التسارع
الرابع عدي ال 180 بدون ما يوصل الدوران الي 6000 لفة

فرامل الحمد لله و بسم الله ما شاء الله تحفة

ان شاء الله مع التفويلة الجاية اقولكم الكيلو لكام لتر بالطريقة البلدي ....

لو لم اكن اماوي لوددت ان اكون اماوي
اللهم دمها نعمة و احفظنا من العين و من شر الطريق والمكتوب


السلام عليكم

اللهم صلى على النبى ربنا يحفظها لك ويحفظ لينا عربياتنا ده دليل الحمد لله على قوة ومتانة السياره وفهلا تستحق الأحترام

المشاركة الأصلية كتبت بواسطة fineart607

اللهم صلى على النبى ربنا يحفظها لك ويحفظ لينا عربياتنا ده دليل الحمد لله على قوة ومتانة السياره وفهلا تستحق الأحترام

بس برضه المهم انها تفضل كده لمدة 4-6 سنين بدون نقص في الاداء....

هيه فعلا الحمد لله كويسة ... بس ربنا يديمها كده ان شاء الله

انا سافرت الساحل من يوم الاربعاء اللي قبل العيد و رجعت السبت الفجر...قبل العيد كنت بحاول احجز ال 15 علي 16500 كيلو .....

طبعا قالولي مفيش مواعيد و شرفنا بعد العيد .... فقلت لنفسي هطنش و مفيش مشكلة لان ابو غالي مش ملتزم بالبند السخيف بتاع كل 3 شهور ....

المهم نزلت اسكندرية و معايا مراتي و بنتي و اختي و جوزها و ولادها الاتنين .... عملت نقاوة حركت الدينامو الشهيرة .... التابلوه جالو تخلف و افتكر نفسه رقاصة ... فانا عرفت ان الدينامو فصل ... و كنت في محطة الرمل ... قمت راكن العربية و كلمت الانقاذ بس الساعة كانت 12:30 و طلعو بيشتغلوا من 8 ل 8 .... فقالولي هيبعتولي حد تاني يوم .... سألتوا طب فين التوكيل قالي في شارع اسمه كليه الطب...... سألت الناس اللي في الشارع اللي انا راكن فيه اسمه ايه طلع بالصدفة هوه شارع كليه الطب :) ..

روحت مواصلات انا واللي معايا و الحمد لله متبهدلناش جامد و رنا ستر ... تاني يوم رحت مواصلات من الساحل لحد العربية و كلمت الانقاذ و قالولي هنكلمك تاني و نقولك ايه الموقف ....
قمت انا معدي علي التوكيل سألت علي الدينامو قالولي مش متوفر .... سألتهم طب انا حصل كذا و كذا ... اعمل ايه ... قالولي هات العربية طالما جنبنا و ان شاء الله نشوف فيها ايه ...

رحت دورتها طلعت اصيلة و دارت و وديتها المركز "تكنو سيرفس- ابو الفتوح" و جالي المهندس محمد جلال تقريبا ... سألني علي دفتر الضمان .. و بص لقاني مش عامل صيانة ال15 و العربية عاملة 17500 ... قلتلوا انا بصين في ابو غالي و مفيش مواعيد قبل العيد و حكيتلو... الراجل متأخرش و عمل جوب للعربية و دخلت تتفحص و تعمل صيانة ال15" تغيير بوجيهات و فلاتر بنزين و هوا و تربيط بمبلغ 287جنيه"

وانا هناك في المركز بتوع الانقاذ كلموني في التليفون و لاقيتها بتقولي احنا اسفين ان الدينامو مش موجود و حضرتك تستني في التوكيل ليوم الحد ؟؟؟... قلتلها يا ماما انا قاهري و لازم اروح قامت قالتلي طب انا ممكن اخليهم يشوفوا الدينامو لو ينفع يتصلح ... قلتلها ده دينامو يعني مش فارقة يتصلح يتغير مهو كدا كدا هيبقي في الضمان ....و قلتلها بس انا في التوكيل فعلا و يا ريت بسرعة ...

فعلا متأخروش و لقيت واحد جه و قالي حضرتك استاذ محمد قلتله ايوه قالي طب الدينامو هيتصلح فعلا

......

الحمد لله الدينامو اتصلح فعلا لان طلع بس الشربون خلصان "العربية بقالها سنة بالظبط"
كنت اشتكيتلهم من ان علبة الميه بتاعت الردياتير"العلبة البلاستيك" بتنفس .... طلعت مشروخة و قالولي هنطلبها و تيجي الحد ... قلتلهم انا في القاهرة ..قاموا طلبوها للعربية و اركبها في زيارة للتوكيل هنا ان شاء الله "في القاهرة ....

ولا فرق اني معدي 3 شهور
ولا فرق اني عامل 17500 بدل 15000

الحمد لله الدينامو بقي تمام" ميفرقش جديد ولا متصلح ده صيانة الدينامو اساسا عملية تافها بيعملها الكهربائي ب 25 جنيه "

و رجعت و ان شاء الله هكلم ابو رواش علشان اصرف علبة المية لما تيجي

كلمت خدمة ما بعد البيع علي عدم توافر قطع الغيار
1... وصلة شكمان امامي...................................ضم� �ن
2...علبة مياه تبريد "فايظ ردياتير"...........................ضمان
3... لمبة سهاري امامي"رمش الفانوس الاسفل"........ضمان
4...حامل اكصدام امامي يمين.............................خارج الضمان

وعدوني ب اتصال من عندهم يقولولي المعاد و المكان للتوريد و التركيب "الاتصال خلال يومين



يا رب..... افلح ان صدق



نوافيكم بكل جديد ان شاء الله

أية الاخبار استاذ هيما تم حل المشكلة ولا اية؟ طمنا

في حد من الجهاز كلمني بس لسة لم يتم تحديد موعد حتي الان ..... بس الدنيا ملخبطة علشان الاجازات اللي الدنيا فيها .... عيد نصر سعيد

السلام عليكم و رحمة الله

تم تغيير الشكمان كامل" بدل الامامي فقط نتيجة لخبطة عندهم"
تم تغيير علبة المياة"الجديدة محملة تمام مش زي الهبلة اللي كانت فيها"
تم استلام حامل الاكصدام في يدي ..." كنوع من التعويض لانت لو ركبوه كان ب 150 جنيه و مكنش موجود بيع كان موجود ضمان بس ... "
تم فك اللمبة و تسليمها لي لعد توافرها " اشتريتها ب 1.5 جنية من نظمي لقطع غيار فيات في جسر السويس بالزيتون و تم تركيبها هي و الحامل بمعرفتي "



.................................................. ...........................


طبعا للي كان متابع معايا انا كنت اشتكيت في حمايه المستهلك لما لقيت تأخير من التوكيل في قطع الغيار "بالاخص علبة المياه لان هيه اللي كانت مضايقاني " " مع اني كنت مطنش الشكمان و حامل الاكصدام"

و مع الزن علي الجهاز تم تحويلي لادارة ابو الفتوح مباشرة علي خطوط مباشرة .......

الراجل بصراحة صعب عليا ... و فضل يحلفلي ان في قطع غيار في المينا تكفي سنين قدام بس مفتشين وزارة الصناعة بيفحصوهم بالواحدة علشان قرارات مطابقة المواصفات الجديد" و ده يستحق تصقيفة للوزيز رشيد"

المهم فضلنا متابعين لحد ما الراجل اتأكد ان ال4 حاجات دخلو مخازن و قالي اروح ابو رواش لواحد من خدمة العملا اسمه طارق بدر" ربنا يباركله و يصبره علي اللي هةه فيه" و هو هيتصرف....


رحت زي الميعاد من الساعة 7:30 يوم الاحد 16/1/2011.... و روحت ل طارق المهم دخلت و بعد 4 ساعات اكتشفت ان السيستم واقع ... و العربية نزلت الورشة ميعرفوش ان انا جايلي قطع غيار بالاسم فطبعا نتيجة ان مفيش سيستم لترفض التصليح لعدم توافر قطع الغيار ....


المهم بعد ما طارق فهم القصة اتصرف و خلصت العربية .... ركبولي علبة الميه و وصلة شكمان بس الورانية بدل الامامية :)
قمت طبعا داخلة بس الساعة بقت 4 فعلا فقعد معلش وانا اسف و السيستم و محدش فاهم و مش عارف ايه ..... المهم وعدني ان هوة يجيب كل الاجزاء عنده في المكتب مش في المخزن و يكلمني ....

فعلا كلمني الاثنين و اتفقت معاه اروح امبارح الاربع ....

رحت برضه الساعة 7:30...... نفس الحوار .... العلبة نازلة ... العلبة نازله ... لحد الساعة 12:30 بتنزل و كأنها نازلة من كوكب بلوتو .....

المهم قوم ايه بقي ..... طلعت بايظة :)...... قام الراجل جري راح كلم المصنع بدون ميقولي و طلب منهم واحدة بأي وسيلة

وصلت الساعة 4 الا تلت و خدت العربية الساعة 4 و تلت


في الوقت ده كان المفروض يركبولي حامل الاكصدام في الورشة لأن هوا قليل فكل اللي بيجي بيركب لعربيات بتتصلح حوادث و مفيش منه بيع .....
هوا اساسا ب 20 جنيه و بيركبوه ب 150 علي قول مدير ورشة السمكرة
فكانوا هياخدو 170 جنيه .... لما حصل التأخير بتاع الشكمان قاموا علشان يعني يراضوني مدينهولي في ايدي ب 20 جنيه بس بدل التركيب .....

و برضه لمبة الرمش مكنتش متوقع يفكوها فتقريبا احمد غريب مهندس الاستقبال لما لقي الوقت ضرب منهم نزل نبه عليهم ففكوها ....


انا بقي رحت عند ورشة عم عاطف اللي في دار السعادة عندنا في الزاتون و ركبت اللمبة اللي جبتها ب 1.5 جنيه و ركبت الحامل و زي الفل .....

طبعا نتيجة التريح المستمر علي الكصدام فبقي مش راكب 100 في 100 بس احسن من البق اللي كان يمين .....

و الحمد لله من قبل و من بعد ....

الاستنتاجات بقي ان فعلا حماية المستهلك بتظبط
المفروض قطع الغيار تتحسن شوية و المفروض انها بدأت تتواجد فكل واحد واقف علي حاجة يسأل عن حاجته