الموضوع: تقييم الm11 من الاول للاخر

السلام عليكم

العربية عملت 10600 فرحت امبارح كنت بعمل صيانة ال10000 لعربيتي الm11 ...

الصيانة خدت 80 مصنعيات + 330 زيوت"5 لتر" و فلتر + ضرائب باجمالي 430 جنيه ......

المفروض كنت اصرف وصلة امامية للشكمان علشان الزنة اللي بتطلع و انا كدة كدة اتوافقلي علي الوصلة الامامية بس لسة مجتش من ابو رواش ... بس انا اساسا الزنة مبتطلعش دائما و كدة كدة مش مؤثرة علي اداء العربية .. و بصراحة مكسل جدا اروح ابو رواش ....

غير ان برضه امبارح اشتكيت ان العربية احيانا بترعش مع الفرامل الخفيفة علي السرعات العالية ... كشفوا علي التيل و الطنابير و التقرير طلع ان التيل سليم بس الطنابير فيها ريجة " عالي و واطي" و طلبوا برضه طنابير علي الضمان .....

مع ان الاسهل و الاوفر ليهم انها تتخرط في 5 دقائق بس شغل توكيلات بقي .... هما كده كدة ليه يصلحوا طالما هيغيروا علي حساب شيري؟؟؟؟

برضه علشان انا احاول احافظ علي الطنابير الجديدة سألتهم هل انا ممكن ابقي اشتري تيل خارجي و اركبه و هل ده يأثر علي الضمان ؟؟ قالولي عادي و مفيش مشكلة ....

انا اصلي لما لقيت ان التيل سليم و الطنابير هيه اللي اتأثرت قولت يبقي اكيد غير ان الطنابير خفيفة اكيد التيل زبالة و ناشف علشان كده بياكل في الطنابير .... فيبقي ان شاء الله هشتري تيل محترم و لما يجو يغيروا الطنابير اركبه معاها و نشوف ايه اللي هايحصل ان شاء الله " طالما كده كده التيل من المستهلكات و بنشتريه علي حسابنا يبقي نستنضف بقي "


بس برضه ابو غالي في رأي احسن من توحة .... مبيتنحوش و مبيقولكش لا العربية سليمة و مبيقولوش لا ده سوء استهلاك ..... طالما اشتكيت و الحاجة بايظة فعلا بيعمل تقرير و يطلب الحاجة علي الضمان ....
و لما سألت استاذ علي طب انا اجي اسأل علي الوصلة و الطنابير ولا ايه النظام قالي لا حضرتك خدمة العملا عندنا لما الحاجة تيجي هتكلم حضرتك علشان تيجي تركبها ....

برضه في ملاحظة ان العربية منورتش لمبة الصيانة ..... بس انا كان معادي "3 شهور من صيانة ال5 " 27-5 بس انا اللي روحت بدري ... فلما قولتلوا قالي لو نورت تعالي و نطفيهالك وانت واقف .....


برضه سألته علي موضوع لو جيت بعد ال 3 شهور هل الصيانة تروح عليا ولا ايه؟؟؟ قالي ابو الفتوح بيعمل كدة بس همه لا .... الكلام منه بالظبط كان" اكيد لا طبعا لان لو انت مسافر و لا في عمرة مثلا هل هجبرك انك تيجي ؟؟؟ اكيد لا و لما تيجي بالسلامة يبقي تعمل صيانتك عادي ان شاء الله"




وانا بتفرج عبيعملوا ايه في الصيانة .. لقيت الولد فتح الكبوت ... فتح كل القرب ... زود ميه المساحات و كل الباقي كان علي المكسمم ..... كشف علي زيت الفتيس من تحت .... كشف علي التيل و الطنابير قدام و ورا ...
و طبعا ربط كل العفشة و المسامير من تحت .....
كالعادة العربية كانت بدأت تنهنة من ورا بس لما اتربطت بقت زي الفل الحمد لله


اول معرف جديد عن الطنابير و الشكمان هقولوكوا و ربنا يكرم الجميع ان شاء الله ....

صباح الخير و يوم سعيد في اسبوع جديد ان شاء الله

المشاركة الأصلية كتبت بواسطة ahmeddarhos

مبروك الصيانة يا هيما... بس لى سؤال عن التيل...
أنا الفرامل عندى كويسة بس بتصفر بقالها فترة و لما كنت فى صيلنة ال 10000 قلتلهم.. قالوا التيل كويس بس عاوز يتنضف.. و فعلا الصفارة راحت و لكن رجعت تانى بعد أسبوعين... و كنت معدى على أبوغالى فسألت المهندس على بتاع الاستقبال قاللى ان تيل الاسبيرانزا ردىء شوية وفيه نسبة صفارة ولازم يتنضف كل فترة..
و سألته ينفع أركب أى تيل تانى و يكون نوع أحسن شويه قاللى لأ مافيش تيل هينفع غير يتاع الاسبيرانزا...
ممكن تقوللى انت تعرف أى نوع نضيف ممكن الواحد يشتريه و يركبه على حسابه.. و لا انت قصدك ايه بأنك تجيب تيل نضيف... لأن موضوع الصفارة مع الفرامل ده مضايقنى جدا.

كلامك اكيد سليم لان هوه ده السبب الوحيد اللي يخلي التيل ياكل الطنابير ... انه يكون ناشف .... بس انا عندي مبيصفرش ... هوه بيعمل صوت حكة مش صفارة ....

اما بقي للتيل النضيف ايه ؟؟؟ فده لسة مدورتش عليه بس ان شاء الله و زي العادة ... اول مهوصل هقولكم ان شاء الله علي طول ..... و لو حد عنده اقتراحات فكلنا اذان صاغية :)

بسم الله ماشاء الله ربنا يباركلك فى العربية

امبارح كان زفاف صديقي مصطفي ربنا يبارك ليهم وعليهم و يجمعهم علي الخير دايما هما و كل ولاد الحلال ان شاء الله.....


المهم مصطفي كان قالي ان انا اللي هزفه "برغم بابي المخبوط" - مصطفي ده اللي خطيبته"كانت خطيبته و اصيحت عروسه الحمد لله" معاها 113- ...

نزلت يوم السبت ادور علي بنزينة تغسل العربية بعد 12 بالليل ....اتسحلت لحد ماروحت موبيل اللي في المرغني -بيشتغلوا لحد 2 بليل- .....

طلعت من الغسيل قلت اظبط هوا علشان كانت مريحة علي خفيف و بتصفر في بعض الملفات.... البيه لقي مسمار في الفردة اللي ورا يمين قام بفكاكته شاله ..... قامت العربية فسسسسسسسسسسسسسسس....

قمت ماشي ادور علي حد يلحم الفردة ....لقيت البنزينة الاستغلالية اللي في اول المرغني "مصر ولا تعاون مش فاكر " اللي قبل سلنترو كافيه ..... قال ايه الخابور ب 10 ..... سألته علي الحام الداخلي المحترم بتاع زمان قالي فيه ب10 و فيه ب 12 .... قمت عندا فيه واخد ابو 12 ..... كفايه ان هيطلع عينه فك و تركيب .....

المهم شال العحلة و قعد يفلي في امها لحد ما لقي 2 مسامير غير الفسسس اللي فات .... كانوا في مكانهم و سدينه بس انا قلت ياله بقي مهو لما ضربوا الاعور علي عينه .... 12 في 3بكام ياد يا هيما 36 جنيه يعني .... فداك يا ابو تيفا في يوم زفافك ....الحم يا عم .....

خلصت قمت طالع راكن العربية عند بتاع الورد اللي في شارع السباق مع نهاية نهرو ... كنت متفق معاه علي الزواق و قايله اني هسيبهالوا و اجي اخدها الاحد علشان متأخرش في الطريق من الدقي "المترو بينجز بس قرف...ربنا يعين شعبنا الغلبان"....

روحت ضربت البدلة و الجزمة الجديدة ...علي متمشيت من العزيز بالله لحد الراجل رجلي كانت فقفقت من ورا ...بس الجزمة حلوة برضه :) ....

روحت لقيت العلامة الورانية في زمة الله .......حسبي الله و نعم الوكيل في المفسدين .......


.........................


من الساعة 3 او 3 ونص لحد الساعة 8 العربية دايرة و التكييف شغال علشان البيه ميسحش " والله ما اطفا ولا ثانية " شغال زي التلاجة لدرجة اني بقيت بضربه علي السقف علشان انا تعبت .......ما شاء الله

البنزين مقلش ربع التنك .... هوه كان اقل من ال تلات اربع و فضل اكتر من النص ......من 3 الي 8مساءا اتحركت من السبق الي سراي القبة الي عمار ابن ياسر ثم شيراتون ثم مدينة نصر عباس ثم مكرم ثم ابو داود الظاهري و اخيرا دار الاسلحة والزخيرة ...... بعدها رجعت العزيز بالله و صد رد للاسلحة والزخيرة ..... و الزفة من الدار الي شارع دار الاشارة انتهاءا بمحطة مترو حمامات القبة حيث محل سكن البيه ..... و روحت ركنت في الزتون عند العزيز بالله .... و اقل من ربع التنك و بسم الله ما شاء الله ......



كدة عندنا باب و علامة و الحمد لله .........


اتمسوا بالعافية

الا صحيح نسيت اقولوكم .....

طبعا مع الترييح المستمر علي الاكصدامات مع ركن الحلوين اللي مبيعرفوش "بالذات القداماني عندي" كنت انزل الاقي الاكصدام فاتح من جنبه "ممسوك من اخره و من تحت الفانوس بس من تحت الرفرف بيضحك و فاتح بق ......

في الاول كنت ازقه يركب بس مع التكرار كان بدأ يسيب .... بقي بيتفتح من السرعات العالية مع مقاومة الهوا ......

كنت مطنش كالعادة "زي مانتوا عارفين عني" انما قلت يوم الجمعة بقي ايه .... ياد عيب تزف الواد بباب و اكصدام ....قمت نازل .... فاكك الاكصدام من عند دوران العجل .... 4 مسامير ....

انا كنت شايف كدة كدة ان الكلبسات اللي ماسكة الاكصدام سليمة بس قلت احاول افكها و انزلها سنة علشان تقرص كويس.....

مكانش فيها مشوار علشان تنزل قمت عملت ايه بقي؟؟؟؟؟ جبت نص مشبك غسيل خشب .... قصيت منه حتت صغيرة ...زنقتها بشويش فوق الكلبسات ...4 كلبسات .....

بقت الكلبسات قافلة جدا ...لدرجة ان الاكصدام دخل مكانه بالعافيه .... و رجع محجر زي الاول و احسن



كل اللي هتحتاجة مفتاح بلدي او مشرشر 10 .... مفك عادة تزق بيه الخشب فوق الكلبسات

المشاركة الأصلية كتبت بواسطة fineart607

منظرك كدة ملسوع زيي ولا ايه؟؟ هه؟؟؟