الموضوع: تقييم الm11 من الاول للاخر

بسم الله

الجلب ...2

كبار ب 150"حاولت اركب الكوري طلعت اصغر و بتسقط في المقص ...نبقي نشوفلها حل لو الجلب دي طلعت فاكسة بس يعني ان شاء الله تظبط"

2 صغيرين ب100

تيل امامي ب 100

تيل خلفي 120

فلتر زيت و بنزين "ال2 الكبار" 40 و 30

دراع شداد سلك التانك 110

اجمالي قطع غيار 650 بلبل

اركب فين يا عم عادل"صاحب محل الملك " اداني نمرة تليفون ابراهيم ...

اكلم ابراهيم و ظبط علي تاني يوم علشان الحظر"كان يوم جمعة ....

رحت السبت .... خراط تركيب ال4 جلب + كبس البيض"مع انه سليم" 80 جنيه

تركيب فلتر بنزين + مقصات + تيل قدام و ورا + تنظيف فلتر هوا = 150جنيه


روح يا معلم ....... العجل الخلفي قافش .....

لرجع تاني الاتنين ..... قالك المساتر تقيلة .... طب طقم اصلاح ؟؟؟؟؟ قالك لا تغيير ...طبعا قلت لا .... طب هنشقلب و نتنطط ....برضه تقيلة .....
غيرت دورة زيت باكم و قفلت و رحت علي الميكانيكي بتاعي من ايام زمان ..... طلع الصابعين بتوع رد البستم في مكانة نظفهم و قلبهم بقت احسن بنسبة 95 % ... ولا مساتر ولا يحزنون .....

المكنة ولا السلك؟؟؟؟؟

اين كان ...لو سلك يبقي اي بتاع بيبان هيظبطك ....
لو مكنه كاملة يبقي الملك في الحرفيين للشرا "حتي الان احسن قطع غيار بالنسبة للجديد...او شيخ طه لو عايز استيراد
والتركيب عند بتاع بيبان برده

لو لاقيته .....

بص هو اصلا مالوش اي لازمة لام السلك مفيهوش اي مقاومة فا مش محتاج اصلا دراع ...بس انا كانت غزالتي رايقة فعديتها علي سبيل الدندشة :)

بسم الله

عديت علي محمد رشاد "المحترم" .... العربية لسة بسمع صوت التيل من ورا احيانا + العجلة الامامي يمين بطلع صوت بيروح مع الفرامل "حاجة في التيل " + السايكون هبل تاني "كان استيراد و مشي كويس 14 الف كيلو بالاضافة ان انا ماشي علي الزيت 17 الف بدل 10 الاف بس"

المهم الراجل ماشاء الله و اللهم بارك كان عنده زحمة .... و مع ذلك اشتغلي بنفسه .... رجلش العجلتين اللي ورا و قالي مش محتاجة مساتر و كدة كدة هتريح مع اول سنة تأكل للتيل الخلفي .... و راجع علي العجل الامامي و صنفر التيل لانه كان مكتل من علي جنب ....

حط العربية علي الحهاز و طلعت مش مطلعة غلط .... راجع علي التطبيبة اللي انا عاملها لبلق السايكون و قالي ان انا عاملها صح ... و لما قولتله ان لسة بعد 3 ايام مسلكتش قالي اقرص عليها لان ممكن علشان انا سبت الزيت كتير يكون لسة فيه اثار ليه ....

المهم يوميها كنت بشحر بنزين .... قرص عليها طول الطريق من صقر قريش لمصر الجديدة ..... دخلت موبيل .... حطيت اوكتان بوستر و فولت 51 لتر و الحمد لله من تاني يوم العربية ظبطت.... منظرها كان واحشها محمد رشاد :)

لسة قدامي حلين ...
1.... اركب بلف سايكون زي اللي كان فيها بس مش لاقي و لما بلاقي بيبقي مش اصلي ....
2.... محمد رشاد قالي ممكن نركب البلف بتاع موديل 2011 بس بنغير الخراطيم ....

لما اقرر و انفذ اي اختيار هبقي اقولوكم ان شاء الله ...


الجلب اللي ركبت حلوة حتي الان و لسة جاري الحكم


الخطوة اللي جاية صيانة علبة دريكسيون ... و بعدها نبقي نراجع علي المساعدين ان شاء الله .....
بس اللي فوق يبعت "علي اول السنة ان شاء الله" :)

اتمسوا بالعافية و من غير حظر ؛)

بسم الله

كنت معدي جنب تكنو سيرفيس في شارع المرسيديس ..... دخلت اسأل ... طلع البلف "PCV Valve" موجود ...
طب ممكن اشوفه ؟؟؟ ....قام جابه ... كيس و كود شيري الاصلي و برشام و حركات .....
بكام يا استاذي ؟؟؟؟
ب 128 جنيه ....

بعد ما سيبته و مشيت حسبتها في السريع ان انا ركبت ابو 50 قعد 13 الف .... يبقي ابو 150 يقعد 40 الف .... و المفروض ان ده اصلي يقعد بقي 50 الف مش اقل ... قمت راجع دافع..واخد البلف ... ركبته .... و الله المعين ...

كده الزيت جديد
بنزين نضيف+محسن اوكتان ابرو من ابو 20 بلبل
فلتر بنزين نضيف
بوجيهات NGK 3 شمعة R6ET
العربية مظبوطة و عداد الكيلو 68000.......

هنشوف بقي هيقعد قد ايه عم السايكون ده .....


نوافيكم بكل جديد ...... و صحيح الجلب لسة كويسة الحمد لله