الموضوع: تقييم الm11 من الاول للاخر

المشاركة الأصلية كتبت بواسطة egypt0777

يعنى كده من كلام حضرتك يا عم هيما انك قضيت حياتك كلها من ساعت ما اشتريت العربية عمال مع ابو الفتوح و مع جهاز حماية المستهلك فى عربية بقالها سنة استعمال و 17500 كيلوا

والله عليك --- تحياتى ليك و لصبرك و الحمد لله ربنا عوضك عنها خير و تم عمل اللزم للعربية

و ربنا يستها معاك السنة ده كمان و ما تحتجش ابو الفتوح ولا الجهاز لحد اما تخلص الضمان

لا و الله مش من ساعة ما اشتريت ولا حاجة ....

انا اتغيرلي الطنابير من غير قلق ... والشكمان انا كنت مطنش و محتطوش في بالي .... والديناموا اتصلح في السريع برضه .....انما هيه بس قربة الميه اللي خلتني اشتكي علشان انجز ..... و فعلا مكنتش موجودة ... يعني تقدر تقول تأخير في القربة حوالي 3-4 شهور
وعلي حسها بقي اتظبط الشكمان و جه حامل الاكصدام .....

اللي يغيظ بس ان في الاخر القربة و الشكمان جولي من خط الانتاج في المصنع مش من مخازن قطع الغيار ...!!!!!

طب ما كان من الاول ..... بس السبب في كده الشكوي مش ان هما طيبين ولا حاجة .....

من الاخر اي حد يلاقي الرد مش موجود مرتين يشتكي علشان ميضيعش وقته ...

....و احنا عايزين ايه غير حقنا؟؟؟؟؟؟

الحمد لله كده سنة و ربع + 22000 كيلو و كل اللي بتكلم فيه مش في العصب .... كله كلام يحتمل ....

بس المفروض علي نهاية السنة دي بقي نبدأ نلاقي قطع غيار الm11 في السوق .....قولوا يا رب

النيه لله كانت غسيل العربية من جوه و برة و موتور و شاسيه + عزل من تحت + ظبط زوايا و ترصيص الخميس اللي قبل جمعة الغضب......
بس طبعا نتيجة اللي البلد فيه ... و زي كل المصالح و الاشغال .... معطل المشروع لحين اشعار اخر .....
العربية ربنا يديم فضله و نعمه بدون جديد ولا للاسواء ولا الاحسن ..... يظل الوضع علي ما هو عليه .... و ان شاء الله نوافيكم بكل جديد

ربنا يهدي اخواتنا في التحرير و في كل مكان لصالح البلاد و العباد و يعديكي علي خير يا مصر
سامحينا يا مصر ........ مش قصدنا ندمر فيكي

An immobiliser or immobilizer is an electronic device fitted to an automobile which prevents the engine from running unless the correct key (or other token) is present. This prevents the car from being "hot wired" after entry has been achieved

السلام عليكم .....
قلت اجرب البتاع ده شغال فعلا ولا اشتغاله -باعتبار انها صيني بقي- قمت نازل عند مفاتيح زكريا عندنا في الزيتون - عم زكريا طلع في التلفزيون في المظاهرات علي فكرة ...- و عملت مفتاح ب 7 بلبل ... افتح البيبان فلة ... الشنطة فلة ... في الكونتاكت فلة ... يشغل الازاز الكهربا و الكاسيت و يلقط مارش كمان ... انما لو فضلت من هنا لحد ماتنام مترداش تدور ....
تحط الاصلي تدور من لمسة ... انما المفتاح النسخة بيعمل كل حاجة الا ان المتور يشتغل

و بكدة طلعت فعلا ايموبيلايزد .... و كل سنة و انتوا بخير

عيد نبوي مش مبارك ... مش نظيف .. مش شريف .... انما عيد نبوي سعيد ان شاء الله

المشاركة الأصلية كتبت بواسطة samehsalem

alshahba>>>>>في لمبة كمان لو الشنطة مفتوحة وباقي اللمبات تقريبا كدة والله اعلم انها بتاعت اعطال..انا قلت تقريبا مش اكيد

اللي شغال فيها زي ما كملتو بعض بس .... شبورة قدام و ورا + شنطة..........الباقي ترمومتر و شوية حاجات مش نازلة فيها ...زي esp مثلا ....
موجودة في الموديل بتاع بلادها و ربنا يوعدنا