بسم الله
يوم الاثنين 19/10/2015
رحت التجمع مع واحد قريبي علشان عربيته فتيسها مش شغال ....العربية اوكتافيا a4
رحت لقيت زيت الفرامل ناقص و بعد ما زوت طلع الاسطوانة للاسف منتهية ...العربية بتاخد النقلة و مبتتحركش نهائي ...
المهم مفيش حل لازم تتنقل ...
كلمت ونش قالك انا لسه رايح المعادي... قلت بقي مبدهاش .... اروح اجيب نقاوتي حبيبتي و الحمد لله معاية واير و اجره انا
رحت جبتها و رجعت فضلت حبة علي ما عرفت الاوكتافيا بتتشد منفين " بتتشال الفبرة اللي بيركب فيها الشبورة ووراها جنش السحب ملحوم في الشاسيه"
ركبت مسمار الجر عندي و ربط و سميت الله و توكلنا علي الله
مع اول مطب ... داس فرامل قام تك ...... مسمار السحب اتقطم من القلاوظ "زي الكوبلن ..... موعود انا "
طب ايه ؟؟؟؟؟ نزلت تحت العربية لقيت ان اخر حامل من الناحية اليمين للشكمان راكب علي سيخ ملحوم في الشاسيه ..... علقت فيه الوير ....
مشينا لحد سنترال الماظة و برده داس فرامل .... طاخ ...كاوتشة الشكمان اتقطعت .....
قلت بقي مبدهاش .... علقت الجنش في خرم من اخرام الشاسيه و ربط الواير علشان ميقعش و قلت بقي يدوس فرامل يعمل اللي يعمله كدة خلصنا .... و الحمد لله و صلته بالسلامه ....
بعد ما خلصت بصيت علي اللي عندي.... لقيت الكاسح الاسود اللي تحت الاكصدام الخلفي مفكوك ....ركبته
تاني يوم رحت عند بتاع شكمانات عدلت السيخ و ركبت كاوتشة سيليكون من الشفاف ب 30 جنيه في الدقي
رحت ل خراط ...فور السن المكسور من قاعدة الشاسيه و خرط سن جديد في المسمار ....
المهم كنت بقول للخراط ايه افضل ...نجيب مسمار صلب و نلحم فيه حلقة ولا نسن المسمار الفابريكة .... لما مسك المسمار الاصلي قالي ده صلب محترم ... و هوا بيخرطه اضطر يسن سن المخرطة مرتين لانه كان بيتاكل من نشوفية خامة المسمار...
و قالي انه خامته محترمة جدا ... و كان مستغرب انه اتكسر اساسا .... فالحمد لله علي كل شئ
خد في تفوير المسمار و الخرط 40 جنيه ...
نوافيكم بكل جديد ان شاء الله
المفضلات