تقييم الm11 من الاول للاخر

**ateftop777** · 07-01-2016 07:49 PM

شباب عندي عربية ام ١١ موديل ٢٠١٢ من شهر بقيت اسمع صوت طقطة اول مشغل العربية والصوت بيختفي اول مدوس دبرياج سألت قالولي اكشف عاي زيت الفتيس شفته طلع مش ناقص والراجل قالي الزيت كويس جدا بعدين قالولي تبقي بلية دبرياج ودي لازم الفتيس كلو يتفك ويستحسن لو هتغيرها يبقي تغير الاسطوانة والديسك يتخليها زي مهيه المهم قولت مش هقدر استحمل الصوت رحت اشتريت البلية ب ٣٥٠ و الديسك ٢٠٠ والاسطوانة ٢٥٠ ورحت للميكانيكي سمع الصوت قالي بيلية قلتلو اتكل علي الله كان يوم وقولت هتغير كل حاجة وهتيجي علي الزيت غير الزيت بالمرة وهو بيفك لقيت حامل المتور الخلفي الكاوتشه متكله قولتلو غير ودورت عليها وجبتها بالعافية المهم مش هطول عليكم بعد ده كله بشغل العربية الصوت برضوه موجود انا هتجن المكانيكي بيقولي الصوت مش هيدر وهو تقريبا من جوه مجموعة التروس حد عارفله حل الصوت هيجنني

**hemaa_82** · 07-01-2016 10:34 PM

الطقطقة من فين بالظبط ؟؟؟؟ بتسمعها و لا بتحسها .....

جربت تشغل كونتاكت بس من غير ما تدور المتور و تشوف الطقطقة موجودة ولا لا ؟؟؟؟....

انا عندي العربية بوابة التكييف لما بجيبها علي اقصي الشمال من بكرة السخن و الساقع بتعمل صوت طقطقة مع اول لقطة كهربا للعربية ... و بتسكت بعد 10 ثواني تقريبا ....
الحل اني بخلي البكرة علي تالت درجة علشان متعلقش و تعمل الطقطقة دي ...

انت اتأكدت من فين انه فتيس؟؟؟؟ الصوت عامل ازاي و بيجي امتي و يروح امتي ...اشرح اكتر علشان نقدر نحدد

**ateftop777** · 08-01-2016 12:59 AM

لا الصوت لما بدور العربية يعني بيبقي المتور شغال وبيختفي بس لما بدوس علي دواسة الدبرياج ولما برفع رجلي بيرجع تاني الصوت بيشبه تكتكة زي تخبيط مستمر

**alnashar** · 09-01-2016 04:31 AM

المشاركة الأصلية كتبت بواسطة mega 2003

معلومة اكتشتفها النهاردة كنت بسال عند محل قطع الغيار الكورى عن جلب مقصات لm11 لان الجلب عندى قربت تودع وكان معايا مقص قديم بالجلب وشافة البائع فوجئت انة جاب لى جلب الاوبترا جى ام الاصلى وقالى هى هى نفس الابعاد والحجم وممكن تركب علية عادى اشتريتها ب 60 جنية بس مش حاركبها دلوقتى لغاية اما الجلب اللى عندى تجيب اخرها

جلب المقصات الخلفية ؟ ارجو الرد للاهمية , و هل ده طقم كامل ولا ايه ؟

**ateftop777** · 14-01-2016 07:11 PM

المشاركة الأصلية كتبت بواسطة hemaa_82

الطقطقة من فين بالظبط ؟؟؟؟ بتسمعها و لا بتحسها .....

جربت تشغل كونتاكت بس من غير ما تدور المتور و تشوف الطقطقة موجودة ولا لا ؟؟؟؟....

انا عندي العربية بوابة التكييف لما بجيبها علي اقصي الشمال من بكرة السخن و الساقع بتعمل صوت طقطقة مع اول لقطة كهربا للعربية ... و بتسكت بعد 10 ثواني تقريبا ....
الحل اني بخلي البكرة علي تالت درجة علشان متعلقش و تعمل الطقطقة دي ...

انت اتأكدت من فين انه فتيس؟؟؟؟ الصوت عامل ازاي و بيجي امتي و يروح امتي ...اشرح اكتر علشان نقدر نحدد

المشاركة الأصلية كتبت بواسطة ateftop777

لا الصوت لما بدور العربية يعني بيبقي المتور شغال وبيختفي بس لما بدوس علي دواسة الدبرياج ولما برفع رجلي بيرجع تاني الصوت بيشبه تكتكة زي تخبيط مستمر

شباب مفيش حد قابل المشكلة دي خالص انا متابع يا مالكي m11
هيما / تعتقد من ايه بجد انا مضايق من الصوت ده لسه مركبلها دي في دي جي بي اس اندرويد جبتهولها مخصوص من الصين وكنت هبعت علي زراير المالتي فنكشن :)

**hemaa_82** · 18-01-2016 12:30 PM

روح لابانوب ... يسقطلك فتيس من عنده تجرب .... راحت يبقي فتيس او اكسسواراته "بلية اسطوانة او ديسك"

فضلت تبقي حاجة برة و ضمنت فتيسك ...

لما تروحلوا قولو انك تبع هيما الام 11 الرمادي اللي كوبلنها اكسه طق و هيعرفني .... هوا مش محتاج توصية بس علشان يشهلك

**mega 2003** · 18-01-2016 10:05 PM

المشاركة الأصلية كتبت بواسطة alnashar

جلب المقصات الخلفية ؟ ارجو الرد للاهمية , و هل ده طقم كامل ولا ايه ؟

ايوة طقم كامل بتاع السيارة الاوبترا وهو وتقولة انا عايز بتاع التوكيل الاصلى وهما عبارة عن جلبتين فى كيس مغلف ومكتوب على الكيس جى ام
نصيحة لوجهة الله محدش يشترى المقصات m11 جلبها تعبانة جدا جدا انا مجربتش بتاعة التوكيل صراحة انا بتكلم عن المقصات الموجودة فى محلات قطع الغيارة انا اشتريت مقصين ما الشيخ طة
بعد بحث طويل من محلات قطع الغيار وكان شكلهم نظيف جدا ومحملين بس مع الاسف الجلب هى المشكلة مقعدوش عندى 4 شهور على بعض علاوة ان الجلب دى الموجودة فى المقصات ضعيفة جدا بتخلى السيارة مش مظبوطة فى المطبات

**ateftop777** · 19-01-2016 07:26 PM

المشاركة الأصلية كتبت بواسطة hemaa_82

روح لابانوب ... يسقطلك فتيس من عنده تجرب .... راحت يبقي فتيس او اكسسواراته "بلية اسطوانة او ديسك"

فضلت تبقي حاجة برة و ضمنت فتيسك ...

لما تروحلوا قولو انك تبع هيما الام 11 الرمادي اللي كوبلنها اكسه طق و هيعرفني .... هوا مش محتاج توصية بس علشان يشهلك

تسلم يا هيما بأذن الله هحاول اصلح المشكلة هنا لان انا من محافظة قنا ولو مقدرتش هنزلو مخصوص القاهرة ودلوقتي ظهرت مشكلة بعد مغيرت الحاجات دي العربية بترعش اول متلقط الغيار بس رعشة مش من البنزين اظاهر من الفتيس رحت للراجل اللي غيرلي الاسطوانة والبلية والدسك بيقولي دي الاسطوانة بطبع علي الدسك بس حاسه بيشتغلني

**hemaa_82** · 20-01-2016 09:36 AM

لو الديسك في ريشة معوجة ممكن يعمل الرعشة دي ....

كدة كدة هيطبع علي الاسطوانة و هتروح .... لو زي ما انا متخيل من كلامك ....

ايا كان مش محتاجة تعمل حاجة ...طنش

**MUHAMMAD AWWAD** · 03-02-2016 10:02 AM

السلام عليكم انا كنت اتمنى حد يقولي انا بعاني من عيب ان العربيه في يوم الاقيها بتسحب معايا كويس ودوسة البنزين حلوه وتاني يوم مباشرة الاقيها تقيله كده علاوه على اني لسه مغير بوجيهات ... ممكن حد ينصحني اعمل ايه