تقييم الm11 من الاول للاخر

**shadymt2005** · 19-12-2014 04:48 PM

سعر الكاسح الاكصدام الامامى ال هو لونه اسود وراكب فى الاكصدام الامامى من تحت فى الام 11بكام وبيتباع فين وشكرا.

**hemaa_82** · 22-12-2014 11:23 AM

كان بيعمل 100 ل 120 و كان موجود عند الملك في الحرفيين

**hemaa_82** · 04-01-2015 10:08 AM

كل سنة وانتم جميعا بكل خير ان شاء الله

سنة جديدة مباركة و مولد نبوي شريف علينا و عليكم
"اللهم صلي و سلم و بارك علي اشرف الخلق و علي اله و صحبه و سلم تسليما كثيرا"

**towfeq** · 04-01-2015 04:37 PM

السلام عليكم
كل عام و انتم جميعا بخير و صحة و ربنا يرزقنا شفاعه النبي عليه الصلاة و السلام
و كل سنه و انت طيب يا هيما و يا رب يكفينا و يكفيك شر الطريق و شر اي حاجة

كنت صحيح عايز اسئلك على فلتر البنزين و البوجيهات و الكلام ده.بيتغير كل اد ايه..اصل بصراحه العربيه ما شاء الله مفيش ولا اي مشاكل والله العظيم بس انا مش متعود على كده..عايز اطمن و اطلع منها اعلي اداء..هي زي ما انت عارف انا اشتريبتها و كانت عامله 12 الف تقريبا و كان معمول لها صيانه قبل ما اشتريها..دلوقتي انا عامل بها 29 الف..ايه اللي انتي شايفه مناسب اعمله..انا مبدئيا هربط العفشه عشان بقالها كتيييييير قوي و هشوف محتاجة ايه..ايه تاني بقى اعمله عشان تفضل العربيه بنت ناس معايا؟

و شكرا يا باشا

**hemaa_82** · 05-01-2015 02:46 PM

مع كل غيارين زيت 10000 غير فلتر بنزين ...
انا كدة كدة بغير الزيت علي 15000

البوجيهات بقي انت و اللي راكب ... لو البوش الروسي يبقي علي 20 الف غير ...

لو نضيف اكتر "ان جي كيه " مثلا متغيرش علي اقل من 50 60 الف طالاما الاداء غير متأثر .... و حتي البوش ممكن تعمل كدة ... طالاما مفيش تنتيش او قلة سحب او زيادة استهلاك بنزين كبر دماغك ...

طبعا لو نظفت بوابة تعمل حسابك انك هتغير بوجيهات وقتي علشان هباب حرق المنظف بيتراكم عليها

**towfeq** · 05-01-2015 07:40 PM

السلام عليكم
هي عموما العربيه ماشاء الله مفيش تنتيش ولا تقطيع و السحب الحمد لله كويس جدا
فلتر البنزين هو اللي عايز اغيره عشان القرف اللي بقى بيتحط في البنزين

بس هي العربيه فيها بوابه؟؟
فين دي..
معلش يا حج اعذرني.بس هي فين البوابه دي..وشكلها زي بوابات العربيات العاديه..مانيوفولد و كده و الجر ده و لا شكلها عامل ايه دي

تسلم يا كبير

**hemaa_82** · 06-01-2015 08:40 AM

وانت قدام العربية بتلاقي فلتر الهوا علي اليمين.. طالع منه ماسورة كبيرة داخلة علي المتور من قدامك في النص ... داخلة علي البوابة علي طول

هية دي البوابة .. بوابة الهوا اللي دواسة البنزين بتفتحها وعلي اساس فتحتها يتم سحب بنزين وحرقة حسب الضغط علي دواسة البنزين

**towfeq** · 06-01-2015 07:29 PM

ما شاء الله
العلم نور بردو يا ولاد و اهل مكه ادري بشعابها

الا دي تتنضف ازاي دي يا سي حسونه..

اشرح لينا يا كبير الله يباركلك

اشرح كمان عايزين نتوب

و قولنا كمان ايه اللي ممكن نعمله تاني بنفسنا كده عشان ننضف اي حاجة في العربيه..ادينا دروس كده و نورنا

**shadymt2005** · 06-01-2015 09:06 PM

العربية عندى فيها نتشة او برجلة الصبح فى الدوارة كانت عملتها من شهر ورحت لمحمد رشاد والجهاز كان قارى عيب حرق عند البوجيه رقم واحد غيرت البوجيهات وفلتر الهواء وفلتر بنزين المهم بعدها ساعات تنتش بصيت اول الدوارة وبعدها تمام امبارح فضلت مبرجلة لحد مابطلت حولت ادورها تانى مرتين مفيش فايدة وتالت مرة دارت وتمام من سعتها السبب ايه وشكرا.

**hemaa_82** · 08-01-2015 02:00 PM

لو انت حوالين ال 50 الف كيلو يبقي غير بلف اسايكون ....

الاعراض.... العربية تدور بس مبرجلة "كأنها شغالة ناقصة بوجيه او اكتر كمان:
دخنة سودا من الشكمان و ريحة بنزين ني مع الكبس و هية مبرجلة الصبح " او مع اي دوارة مبرجلة:
تنتيش و هيه ماشية ساعات\
البوجيه رقم 1 من ناحية الموبينة دايما بيطلع مهبب بستين نيلة حتي لو غيرته

الموضوع: تقييم الm11 من الاول للاخر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ما هى اخبار الm11

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

اوبل فكترا من الاول للاخر

الكلمات الدلالية لهذا الموضوع

المفضلات

المفضلات

ضوابط المشاركة