الموتور قفش!

**Scuderia.M** · 21-10-2009 12:24 AM

أنا معايا corsa 99 1.0L
والموتور بتاعها قفش :'(
أنا عايز اغير الموتور واركب ال1400
في هل ده ممكن يعمل مشاكل؟
وياريت لو حد يعرف هو تمنه كام وأجيبه منين ؟
مستني ردودكم

**tananybasha** · 21-10-2009 12:28 AM

ركب 1200 مشاكله اقل و قطع غياره موجوده
و استنى رأى احمد علاوى

**Scuderia.M** · 21-10-2009 07:46 AM

لأ واللهِ كنت بـشييك عال مية وال زيت على طول, مش عارف إيه اللي حصل
أنا كنت ماشي بـال عربية عادي وبعدين العربية طفت وأنا ماشي بيها
ولما حاولت ادورها كان الموتور بيعمل أصوات غريبة .
لما جبت حد يشوف فيها إيه, قال لي إن الزيت مش بيطلع للموتور. شكل هو ده اللي خاله يقفش
بس قبل العربية متوقف بيا كانت ماشية عدي وبتجري وملهاش صوت خالص!

**Scuderia.M** · 21-10-2009 07:59 AM

@ tananya basha
شكرا يا باشا عالنصيحة, بس هو el-1400 برده في sensors وكده زي ال1000
؟
وإيه المشاكل اللي ممكن يعملها؟
أنا كنت عايز اركب موتور أقوى عشان el-1000 وال 1200 دول ضعاف أوي

**Ahmad Allawy** · 21-10-2009 08:21 AM

شوف يا باشا..
هو ممكن يكون سبب قفش الموتور ان طلمبة الزيت باظت.. و هي اللي عملت كده.. ما لينا.. قدر الله وما شاء فعل.. فداك..

المواتير ال1.4 في منها 1 كامة و 2 كامة.. ودول بتوع التيجرا الكامة الواحدة طبعا ابسط و اريح.. زي ال1.2 بالظبط.. بس مع الفارق.. انه تقريبا 70 حصان ولا حاجة.. بس خلي بالك من حاجة مهمة جدا..انه نادرا ما هتلاقي ليه اي قطع غيار جديدة.. كله هيبقي استيراد..ودي في نظري حاجة مش ظريفة.. شوف انت بقي يناسبك الموضوع ده ولا لأ..

سعره بصراحة مش عارفه..بس هتقول يعمل حوالي 3.5-4 الاف جنيه..
افضل واحد تجيب منه طبعا هاني العايدي في الحرفيين..

**Scuderia.M** · 21-10-2009 09:03 AM

ألف شكر يا باشا
بس معلش أنا عندي سؤال تاني...
لو ركبت ال1400 هاحتاج اغير ال Gearbox ولا لأ؟
وأهم حاجة عندي, ال1400 في sensors ولا لأ عشان كانوا قارفني في اك موتور القديم

**N.a.j.d** · 21-10-2009 11:13 AM

على ما اعتقد ممكن تحتاج جير والله ااعلم

**hanykd** · 21-10-2009 03:13 PM

السلام عليكم ورحمة الله وبركاته

قدر الله وماشاء فعل والحمد لله إنها جت على كدة
المهم أنا أتفق مع علاوى فى موضوع الموتور ال 1200 ودة لسببين:
أولاً إن الموتور ال 1200مريح ومعروف للصنايعية هنا على عكس ال 1400
وثانياً قطع الغيار بتاعة ال 1400 حتكون كلها إستعمال يعنى إنت وبختك إنما ال 1200 قطع غياره حتكون جديدة يعنى تركب وتنسى وماتشغلشى بالك.
ولعلمك الموتور ال 1200 أغلى من ال 1400 بيعمل فى حدود من 4000-5000 علماً بإن ال 1400 مش حيزيد عن 4000 جنيه
إن شاء الله بالتوفيق وربنا يعوض عليك.

**omdaz_5538** · 21-10-2009 06:39 PM

انا رأيى من رأى علاوى وهانى

المواتير ال1.4 نادرا ما هتلاقي ليه اي قطع غيار جديدة.. كله هيبقي استيراد..ودي في نظري حاجة مش ظريفة

قطع الغيار بتاعة ال 1400 حتكون كلها إستعمال يعنى إنت وبختك إنما ال 1200 قطع غياره حتكون جديدة يعنى تركب وتنسى وماتشغلشى بالك

و اكيد الاقفش ده حصل نتيجه طلمبه الزيت (احتمال كبير) او اعتقد حصل حاجه فى سير الكتينه
كان فى موضوع هنا كان علاوى قال قبل كده فيه ان المواتير ال1200فى الكورسا اريح من ال1000 فى الصيانه وقطع الغيار و مشاكل الناتجه عن السينسورز و خصوصا ان ال1000 سىسى السينسورز اكتر من ال1200

-

الموضوع: الموتور قفش!

LinkBack

أدوات الموضوع

عرض

-

-

-

-

المواضيع المتشابهه

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

تفصيص الموتور او فتح الموتور - استفسار للمتأكدين فقط -

الكلمات الدلالية لهذا الموضوع

المفضلات

المفضلات

ضوابط المشاركة