الموضوع: كيفية أستنزاف الهواء من دايرة الباور الهيدروليكى

المشاركة الأصلية كتبت بواسطة samirayad

دعنى أسألك الأول سؤالا
لنفسى أولا
وطبعا كلام حضرتك لا غبار عليه فى تأثر الطلمبات ذات الطرد المركزى بظاهرة التكهف مع وجود two phase flow

فهل التكهف لا يحدث ألا فى الطلمبات ذات الطرد المركزى
وماسبب حدوثه
أليس تكون فقاعات من الهواء مختلطه مع الوسط العامل(المائع الذى تضخه الطلمبه ) على مدخل الطلمبات وأنخفاض ضغط السحب السالب على مدخل الطلمبه ومن هنا يحدث كهف من فقاعات الهواء داخل غلاف الطلمبه
ولهذا سميت الظاهره بالتكهف cavetation

وبماذا تفسر وجود زنه داخل غلاف طلمبه (ليست من النوع الطارد المركزى ) مثل طلمبة الباور كمثال

للاسف على حد علمى و دراستى ظاهرة التكهف درستها بالتفصيل بالنسبة للطلمبات الطاردة المركزية فقط!!!
اما بخصوص الاسباب التى تؤدى لحدوث التكهف فكلام حضرتك مظبوط:
1- انخفاض ضغط السحب عند المدخل و ده بيسمى suction cavitation
2- فقاعات الهواء التى للاسف لا تذوب داخل الماء (السائل الذى تتعامل معه المضخة) و لكن يحدث لها entrainment يعنى خنق او سحب داخل السائل و بما ان الهواء ده عباره عن اكسجين فوصوله للريش بيسبب اكسدة لها و بالتالى نحر (pitting) و erosion و تلفها
3- فى اسباب اخرى كتيره جداااااااااااا لحدوث التكهف زى:
ارتفاع درجة حرارة السائل
ارتفاع المضخة عن منسوب بئر السحب
فى سبب مهم جداااااا و هو اساس اختيار المضخة بيسمى "الارتفاع الصافى للسحب الايجابى" أى Net Positive Suction Head ..NPSH..
و دى مش هعرف افسرها اوى بدون رسومات و معادلات
انما اثناء اختيار المضخة لازم تتأكد من ان Net Positive Suction Head Available اكبر من Net Positive Suction Head Required فى الحالة دى تقدر تركب الطلمبة و انت مطمئن ان مفيش مشاكل من حدوث التكهف و الارقام دى بتتعرف عن طريق رقم بيحدده المصنع و موجود بالكاتالوج و الرقم الاخر حضرتك بتحسبه بالنسبة للموقع اللى هتحط فيه المضخة

بالتالى ظاهرة التكهف لا تقتصر فقط على الهواء و انما اشياء كتيره جدااااا جداااااااا
زى بالظبط ظاهرة الصفع فى محركات الاحتراق الداخلى

اما بخصوص وجود زنه داخل غلاف طلمبه (ليست من النوع الطارد المركزى)؟؟؟
فأنا معرفش نوع طلمبة الباور ايه؟؟؟ لو حضرتك ممكن تفيدنى او انا هحعمل بحث و اشوف علشان اقدر احدد

بس عموما وجود الهواء زى ما قلت لحضرتك بيعمل نحر فى الريش النحر ده عن طريق وصول فقاعة الهواء لسطح الريشة و انفجارها و بالتالى بيحصل صوت مميز يتم من خلاله معرفة التكهف
بردوا زى الصوت المميز للصفع فى محركات الاحتراق الداخلى

تحياتى..

أنا زيك برضه درست التكهف ومشروع تخرجى فى التكهف يابشمهندس
وكان فى طلمبات الطرد المركزى
بس أحنا متفقين أن الزنه دى فى أى طلمبه بتكون بسبب فقاعات الهواء
المختلطه بالمائع الذى يتم تناوله بالطلمبه
وبما أنا الغلاف casing يتأثر فى طلمبات الطرد المركزى
فلماذا لانتوقع حدوثه فى الطلمبات الموجبه الدواره مثل
positive displacement pumps like vane pumps

انا عربيتي مش باوار ومش هركبلها باوار بس لقيت حضرتك اللي كاتب الموضوع مقدرتش مدخلش اقراه واشوف شرح حضرتك الجميل ربنا يخليك لينا ياباشمهندس

الله يخليك يادكتور
أحنا بنفكر مع بعضنا
بصفة أننا فى منتدى
ونتعلم مع بعضنا
لأن أستمرارية العلام لن تتوقف
حتى ممات الأنسان منا
مش بيقولوا
يموت المعلم .....ولا يتعلم
ههههههههههه

المشاركة الأصلية كتبت بواسطة samirayad

الله يخليك يادكتور
أحنا بنفكر مع بعضنا
بصفة أننا فى منتدى
ونتعلم مع بعضنا
لأن أستمرارية العلام لن تتوقف
حتى ممات الأنسان منا
مش بيقولوا
يموت المعلم .....ولا يتعلم
ههههههههههه

ههههههه ايوة طبعا يامعلم شكل حضرتك مش بس شاطر في العربيات لا كمان الامثال انا شوفت لحضرتك في موضوع من شوية برضه مثالين وفي واحد منهم حلو اوي بتاع اللي كان عالحيطة دة ههههه ربنا يزيد من معلوماتك وامثالك الجميلة ياباشمهندس

بشمهندس سمير عياد
انا ليا طلب عندك واتمنى انى الاقى حل ليها
أولا ... انا عملت الطريقه اللى قولت عليها بس لاحظت انا ما فيه زياده فى الزيت او نقص لما احرك الدريكسيون ... مع العلم انى اتاكدت من شد سير الباور وتركيب الترمبة فى مكانها الصحيح وتغيير زيت الباور واخيرا التاكد من عدم وجود هواء فى دوره الزيت ... وبردو الدريكسيون تقيل ... اتمنى انى اجد حل لهذه المشكله