الموضوع: تعديل الفرامل الامامية اللانوس

خلاص خرج يا رجاااااااااااااالة

شغل ممتاز
كنت لسه باخد المقاسات عندى اول امبارح علشان اعمل نفس الشغلانه
بس مش فى لانوس
لسه هنبتدى مشوار اللف و الدوران :(

الموضوع اكبر شويه مما تتخيل

نفسى اسال سؤال....شركة دايو ليه ما بتحاولش تحل المشاكل المتكررة من اكتر من مستخدم للعربية وتسهل الامور ع الناس ولا هو الموضوع على قد فلوسكو وده اللى عندنا واللى عايز يخترع يخترع والله حرام عليها ده موضوع الفرامل فى ارواح ناسوعلى العموم ربنا يوفقك يا محمد ويسترها معاك

المشاركة الأصلية كتبت بواسطة hossam_hassan

الحمد لله امبارح عملت تعديل الفرامل و المكونات كانت كالأتى:

1 - طنابير بريمبو بتاعة اوبل فيكترا (300 جنيه)
2 - ماستر عمومى نوبيرا (270 جنيه)
3 - تيل نوبيرا (65 جنيه)
4 - كالبرات لانوس 1600 استيراد من الحرفيين (محل الروضة) (200 جنيه)
5 - علبتين زيت باكم (30 جنيه)

[gdwl]
، بس احب انبه لحاجة مهمة، انا كنت اشتريت جنوط نوبيرا اسبور الأصلى

[/gdwl]


لما ركبنا كل حاجة اتضح ان مفيش مسافة بين الجنط و الكاليبر، راح الأسطى عبد البنهاوى بعت خرط الدايرة الصغيرة فى الطنابير القديمة (الدايرة اللى فيها اماكن المسامير) علشان نركبهم فوق الطنابير الجديدة و ده خلانا نحتاج نطول المسمار اللى بيربط الطنبور (و ده كان سهل جبت الأتنين بجنيه) بس كمان احتجنا 8 مسامير اطول للجنوط و جبناهم بتوع مرسيدس (الواحد ب 10 جنيه)

الحمد لله تمت على خير و انطباعى عن التعديل ايجابى جدا و انا عارف ان اداء الفرامل لسه هيتحسن لما التيل يطبع، بس لو قارنا بالوضع القديم بعد تركيب التيل مثلا، يبقى التحسن بنسبة من 40% - 50 % و انا راضى جدا عنه لأنى مكنتش متضايق اوى من الفرامل القديمة، بس احساسى الدائم ان الفرامل غالبا مش هتسعفنى فى المفاجأت - و ما اكثرها فى شوارعنا - الأحساس ده كان بيخلينى متكتف فى سواقتى و سايب مسافات بينى و بين العربيات و للأسف أغلب السواقين بيعتبروها دعوة مفتوحة لأخذ غرزة من امامى او التزنيق عليا لأحتلال المساحة اللى قدامى كأنهم كسبوا مليون جنيه

من فضلك جبت الجنوط دى منين و بكام وشكلها ايه؟