الموضوع: السخونه وجوان وش السلندر

المشاركة الأصلية كتبت بواسطة tananybasha

بص يا باشا اكيد مش جوان وش سلندر
نبدأ الأول و نقول بعض الأعراض المهمة اللى تعرف منها ان جوان وش السلندر فقع و باظ
1. سخونه مفرطه
2. تكون مقرونه بخروج بخار ماء كثيف من الشكمان ( الشكمان بيدخن ابيض )
3. نقص الماء بمعدلات رهيبة جداً تصل ان ال100 متر بجركن 4 لتر
4. و اكثر الأعراض ظهوراً و سهوله فى المعرفه ما يسمى تطحين الزيت يعنى الميه داخله على الزيت و عماله طحينه و دى الكشف عليها سهل عشان فى جزئين ممكن واحد يطحن و التانى لأ
----- مقاس الزيت و تشوف شكل الزيت عامل ايه
---- غطا وش التاكيهات ( الغطا اللى بتملى منه زيت العربية ) لو التطحين رامى لفوق
5. ريحة عاملة زى ريحة المجارى تطلع من غطا الزيت
دى الأعراض الأكثر شهرة و لازم حاجات تجتمع مع بعضها زى مثلاً سخونه مع نقص مع تبخير ممكن الزيت ميطحنش او تطحين و فى الحالة دى هتظهر الأعراض كلها
اللى عند حضرتك العربية مجارى الماية الداخلية فيها سدد او الردياتير او طرمبة الماية تعبانه موت
و العيب البعيد ان التاكيهات ( الكستبانات ) مخرفه من غير صوت و ده نتيجة تغيير كاتينة بطريقة خاطئة مما يؤدى الى سخونه
[gdwl] [/gdwl][gdwl]
احتمال تانى المروحة ضعيفه
احتمال اخر ترومستات و كتاوت مخرفين
[/gdwl]
مليون سبب و نفس النتيجة
و بلاش تمشى ورا الدكاترة بتوعنا لحسن تبيع العربية

المشاركة الأصلية كتبت بواسطة danash

انا اخذت من كلام طنانى باشا ان غطا القربة من احد عوامل المشكلة فى الحرارة ملاحظ عندى ان المية بتقل فى القربة يومين وتقل جيت فى يوم قبل ما تبرد خالص يعنى كانت دافية وهويت الغطاء لقيت المية اترفعت فى القربة متهيألى كده سوستة الغطاء بتحم زيادة وما بطلعش الضغط الزيادة ولا ايه رأيك يا باشا

فك الغطا و انقعه فى مية بخل و سيبه شوية و هتلاقيه اشتغل احسن من الأول

المشاركة الأصلية كتبت بواسطة ibhassan

عايز أقولكم اخر الأخبار
أنا رحت للكهربائى وقلتله على مشكلة السخونه عمل تست على سرعات المروحه لقاها الحمد لله شغاله تمام لقيته فك الفيشه اللى ماشيه فوق المروحه وعمل كوبرى بين اتنين جوه الفيشه بس متهيألى دى داخله على مروحه السربنتينه بتاعت التكييف المهم جربنا لقينا السرعه الأولى مش شغاله يعنى بتوصل ل 98 وتفضل شغاله السرعه التانيه لحد ماتفصل عند 91
قاللى الترموستات عايز يتغير المهم رحت عند الوطنيه بس ملاقيتش الأصلى ولا الألمانى ولقيت نوع بتصنعه الشركه المصنعه للأصلى أعتقد lath وهو 90-95 100-105 وسعره 125 جنيه بس مرضيتش أجيبه قلقت منه
عايز أعرف رأى العصابه هو كده فعلا ممكن يكون ترموستات ولا حاجه تانيه ولا أروح لكهربائى تانى إحتياطى بدل ماتعور فى ترموستات ويطلع سليم
وعايز أعرف أجيب نوع إيه ومن التوكيل ولا ومنين

انا قلتلك الترموستات البنى من الأول و المروحه مش شغاله صح انا عارف لأن عاصرت القصه دى
و الله شكلى بافهم