الموضوع: السخونه وجوان وش السلندر

المشاركة الأصلية كتبت بواسطة ibhassan

مساء الفل على أحلى شباب
أنا عندى مشكلة سخونه دايما الحراره بتكون 98 وتنزل ل 95 ولما رحت سألت الميكانيكى قاللى الحراره كده عاليه قوى والموتورعايز جوان وش سلندر وإحتمال الوش يتخرط لو إحتاجنا لكده (وهتبقى تلاجه) دى كلمته بس بصراحه أنا مش مقتنع لأنى أعتقد إنها مش هتخرج بره حاجه من إتنين يإما فى تنفيس فى أى ماسوره أو سرعات المروحه مش مظبوطه
والثرموستات بيشتغل على 95-98 (هو كده طبيعى؟) وعلى فكره أنا جربت أسحب هوا عن طريق القربه أكتر من مره أول ماتشتغل المروحه وفعلا كانت بتتظبط بس كانت بترجع تانى فهل كده فى تنفيس فعلا؟؟
ملحوظه: أنا باستخدم ميه خضرا والميه مابتنقصش
عايز رأى العصابه فى الموضوع ده

اولا سهل جدا انك تعرف العربية فيها وش ولا لأ والعربية باردة تماما اول لما تدور افتح قربة المية ودوس بنزين لو لقيت فقاقيع هوا (ضغط فى القربة) يبقى جوان , هتلاقى العربية مبرجلة , هتتأخر جدا فى الدوارة وممكن متدورش اصلا
بالنسبة لموضوع الخراطة دة ميقدرش يحددة غير لما يفك ويقيس
بالمناسبة 98 متجبش وش فى الاوبل العربية متقلقش منها لحد 98

- اكشف على المراوح شوف شغالة السرعتين ولا لأ
- اكشف على الثرموستات لو الموتور سخن والرادياتير بارد يبقى الثرموستات معلق
- هل فعلا بتحس ان درجة حرارة العربية مش طبيعية ولا من قراية العداد بس؟
- حتى لو فية تسريب مش هتلاقى العربية بالمنظر دة اللا لو كانت بتشر مية مش بتنفس

ممكن الترموستات الميكانيكي بيعلق