الموضوع: انطباعك ايه عن الاعضاء.خش وقلنا

هو اشمعنى كابوس دايما كل شويه يتوقف بسبب حاجات هايفه وبدون تحذيرات !!!!!!!!!!
يعنى ايه قال لنور انتى رخمه !! عادى ياما بنقولها لبعض ومابتقفش عليها اظن ان الوقف يبقى من حقه فى حال ان نور هى اللى تشتكى للأداره بأنها حست بأهانه من كلامه ياريت توضيح بس من الادراه او المشرف


برجاء مراعاة عدم مخالفة القاعدة رقم 8

يمنع منعاً باتاً تعليق أي من الأعضاء على التنبيهات الواردة باللون الأحمر من المشرفين أو على القرارات الادارية بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات لجميع الأعضاء المتضررين دون تفرقة .

مشرف الاجتماعي

أقول أية ولا أية والله أعضاء نايل موتورز ناس محترمين جداا
أنا هبدأ بــ حبيب قلبى
Relentless_mayhem (سيف)
طبعا هو أول واحد أقابلة فى المنتدى وهو جارى كمان وديما بنتقابل وبصراحة شخصية محترمة جدااا وأنا وهو أكتر من أخوات
بعد كدة أجى لـ samo_evil ودا بومبو حبيبى تانى واحد قابلة من المنتدى لما روحتلة أسكندرية ولينا مغامرات فى بيانكى هناك ههههههه طبعا هو فاهم قصدى
magyver دا بقا مشكلة بس زى العسل ومن أقرب الناس ليا هنا فى المنتدى
evoo طبعا قريب أن شاء الله أنا وهو هنعمل أحلى دوتو

(eng.octooo) بقا دا حاجة تانية خالص بجد من الشخصيات المحترمة جداا على المنتدى
(Mohmed ezzat)بجد أنا بعتبرة أخويا الكبير بما كل فى الكلمة من معنى أنا مشوفتش حد زيو والله العظيم
(yasserit) راجل محترم جدا وبعتبرو زى أخويا الكبير
كفايا كدة ومحدش يزعل منى لو نسيتو بس والله الناس ألى هنا كلهم ناس محترمين
تحياتى

ههههههه بما ان احمد bm جاب سرتي ..
انا مليش علاقة قوية اوي باعضاء المنتدي . بس معرفش ليه ؟ يعني انا اعرف اعضاء بس مليش علاقة بيهم ..
يعني احمد bm هو اكتر الاعضاء قربا ليا .. وبلا فخر احب اقولكم انه امهر سواق بيتش بجي في العالم .. لدرجة ان اول مرة يركبه الصيف دا .. وكييف بيانكي .. وليه شارع معين بيحب يرحوا اوي :d وعنده ثقافه عاليه جدا مع الجنس الاخر (شب مخلص يعني).. بس هو بامانة جدع.. بس لو يبطل يقلس علي ايوووه بتاعتي و الاسكندرنية


الاستاذ شنوري : دا بحس انه حد ليه معزة خاصة جدا جدا جدا عندي رغم ان عمرنا متقبلنا
الاستاذ tam... بحب اشوفوا في المنتدي علي طول بس مش عارف هو فين

الاستاذ احمد كفراوي .. ربنا يكرمه .. كل يوم يصحيني الفجر .. ربنا يجعله في ميزان حسناته

نور القمر .. بصراحة كان مفروض تطلع معدة في برنامج او مزيعة


ننم شوية بقي :
كابوس الليل نفسه اللي كاتب الموضوع .. والله انا معرفهوش شخصيا بس واضح انه شخصية لذيذة
في عضو بس انا مش بحب النم .. بس هو عضو اوبلاوي متعصب .. مبيغظنيش اد تعصبه واستفزاوه للي قدامه .. بجد ملوش حل .. وفي الغالب انتو عرفتوه

تحية طيبة للجميع وباقة ورد عطرة لكم مني مع فائق احترامي

أنا طبعا لسة جديدة وبستمتع بمشاركات الجميع والروح الجميلة

اللى بينهم بحسهم إخوات وأصحاب بجد وقلبهم على بعض وفيه

بينهم ثقة متبادلة وده بجد جذبني أكتر للمنتدى وبيخلينى أرتاح

نفسيا وأنا معاكم جدا وإن شاء الله بمرور الوقت هكون

عرفت كتير بالاسم وكمان كونت رأى وانطباع عن الناس اللى

بعرفهم من خلال ردودهم .....

لكن برضه فيه ناس عرفتها وبقيت بتابع مواضيعهم أو ردودهم

الصديق الصدوق ...نابستر

الساااااااااخر والذي فعلا استمتع بردوده ... شنوري

العاقلة ....نور القمر

الرقيقة .... بسكوتة

الجدعة .... نور العمر

الغامضة .... آآآآيس

الأخ المحترم .... كريم منير

بحسه بجد بيراعى ربنا فى كل صغيرة وكبيرة هنا وبيعمل كتير عشان المنتدى وأعضاؤه

والاخوة الافاضل ... أكيد لكل انسان سمة وصفة بتميزه عن غيره ولكن العذر منكم لاننى مازلت جديدة بينكم

واتمنى ان استفيد وأن تلق خواطري استحسانكم وان اكون عند حسن ظن الجميع

خااااااااااااااااااااالص ودى لكم وأريج وردي وفائق احترامي

المشاركة الأصلية كتبت بواسطة totaa

الغامضة .... آآآآيس

فعلا بجد معظم مشاركاتها بحس انها بتتكلم من خلف الاسوار وومكن تقول كلمه بعشر جمل وفى الاخر مش بفهم منها حاجه