الموضوع: انطباعك ايه عن الاعضاء.خش وقلنا

الموضوع ده جاااااامد وخطييير جدا
جامده الفكره يا كابوس
والله هو فعلا المنتدى ده من اكتر المنتديات اللى عاجبنى فيها جدا ان الناس كلها محترمه فعلا و كله بيحب يساعد لمجرد انه حابب يساعد مش اكتر ,, كمان الأداره بتاعته و الساده المشرفين حقيقى عاملين شغل فوق الوصف و اهتمام غير عادى بالمنتدى و اللى فيه
انا بقى كنت بادخل كتير اتابعكم من بعيد لبعيد الحقيقه ومكنتش بشارك كتير ,, ومع الوقت لقيت ان اعضاء كتير جدا بقو معللمين فى دماغى و سابولى انطباعات عنهم هقولها حالا
ابدأ بكابوس الليل : لذيذ و طيب و بحس انه شقى كده بس ليه مواضيع جامده جدا ( ده اولهم )
ماجيفر : ده حبيبى وابن بلدى ,, راجل جدا وجدع لأبعدالحدود و من الناس اللى مبسوط بمعرفتهم فعلا
لورد عادل : حبيبى الراجل ده و هو جدع جداااااااااا و متأخرش عنى لما احتجته بصراحه زى ميكون اخويا و اكتر
success cr8or : دقهلاوى جدع تحس فيه بانه نفسه البلد دى تبقى احسن باى شكل .. اراء كتير ليه بحس انه بيقول الكلام اللى هقوله يمكن بنفس الألفاظ !
drift lover : ابو يوسف انسان بحترمه احترام غير عادى و بحترم ردوده و اراءه و فعلا تحسه انسان عنده بصيره ,, ربنا يخليله يوسف قولو اّمـــــــين
eng.octoo : بحس انه صاحبى رغم اننا متكلمناش غير مره فى الموضوع بتاع الخواطر بتاعته ومش عارف اتأثرت جدا بكلامه ليه كده ( مش بقولكو حاسه صاحبى :) لا بجد واحد بسيط و مش متكلف كده
امريكو : لسه عارف اسمه " عمرو " من يومين فى الرابطه .. انسان لذيذ جدا وافيهاته تدحكك فعلا قلبك و تحس برده انه خدوم اوى .. ربنا يسهل فى موضوع المقابله ده بقى :)
موتورايزر: بيحب الحياه و اجتماعى و ردوده ظريفه جدا جدا ,, و بيحب مايكل جاكسون اوى:)
نابستر : مشاركاته محترمه و طالعه من دماغ فاهمه الدنيا و الناس ,, بقدره بصراحه
احمد نوح : حد فاااااااهم جدا ماشاء الله فى العربيات ,, بيجيب المفيد دايما
خالد ايمن : تحسه ظريف وجدع ,, ربنا يوفقه فى موضوع الموبيل :)
احمد كمال : الراجل ده بحس انه فاهم فى كل حاجه ماشاء الله ,, واضحه جدا خبرته فى الدنيا ,, و ليه اسلوب ساخر ملوش حل فيه
aif : الحاج احمد من الناس اللى تحب جدا تقرا مواضيعهم و اسلوبه يجذبك جدا انك لازم تكمل كلامه للاخر
محمد ممدوح : الراجل ده فاااااااهم اوى يا جماعه ماشاء الله عليه خبير تعديلات و فعلا احد اعمده المنتدى اللى بيرتكز عليها بشده
سبعاوى : مهما اتكلمت مش هعرف اوصف الراجل ده ,, محترم ومتواضع لأبعدالحدود و فعلا من الناس اللى كل كلمه بيقولها لازم تاخد بالك منها لأنك هتستفيد منها من غير نقاش ,, ده غير اسلوبه و هو بيتريق على حاجه ! فعلا انسان مميز جدا
سمير عياد : الباشمهندس سمير من الناس اللى مواضيعهم منوره القسم التعليمى بشروحاته و اضافاته ,, فعلا ربنا يقدره لأنه ساعد ناس كتير بجد
rentless_myhem :مش متأكد اوى من الأسم بس هو بحب فيه غيرته على بلده الصراحه
human : عقلانى جدا و ردوده يبان فيها الخبره العاليه فى الحياه
كريم منير : انسان محترم جدا و مش بيبخل على المنتدى بوقت او بمجهود ,, ده غير مساعداته للناس و تشجيعه ليهم ,, بصراحه انسان بمعنى الكلمه ,, ربنا يباركله
ابوالوليد المصرى : راجل محترم جدا و زوق و خدوم و اى مشاركه ليه فعلا لو دورت وراه هتلاقيها هادفه ووراها حاجه
انا كده طووووولت اوى بس الصراحه انا فعلا بحب الناس اللى هنا كلهم وبحس انهم على طبيعتهم غير ناس تانيه فى منتديات تانيه ,, تحس انك فى بيتك بجد
و بجد تسلم دماغك يا كابوس على الفكره الجامده دى ;)
انا خايف البوست مايتبعتش عشان طويل :s