الموضوع: ركوبه وعفشه الشاهين ولا الجين

انا بعتبر الاستفسار ده هام جدا لصاحب الموضوع
ومن حقه يستفسر والى معاه الاثنين يقول رايه للافادة
انا ركبت الشاهين بتاعت زميلى سنتين مايميزها
الشاهين انها مرتفعة جدا عن الارض وانسيابية على المطبات الى حد ما
وعفشة اقدر اقولك عليها حديد
اما الركوبة فكرسى الشاهين وقعدته عجب حبتين
اما لما ركبنا بعديها البرسونا
فعفشة قوية جدا ناشفة قليلا لكن ثبات راقى على السرعات والمناورات
اقل ارتفاعا عن الارض من الشاهين
((انا بتكلم على خلوص العربية))
اما الركوبة فكرسى البرسونا مجهز بعناية لجلوس باتزان وقدرة على التحكم فى طارة السيارة

انا حبيت اقارن لحضرتك العفشة والثبات بس
وطبعا مفيش مقارنة من ناحية الرفهيات والسحب وخلافه البرسونا او الجين تتفوق بمراحل
وربنا يوفقك لما فيه الخير

أيه يا شباب .... فيها أيه لما نقارن شاهين أو 128 ......... بالجين 2

زي ما الناس وضحت ...... المقارنة جائزة لتوضيح أو أظهار الفروق ما بين شيئين و هما موضع المقارنة .

يعني مثلا لو بنقارنة الشاهين بالجين 2 من ناحية رخص قطع الغيار ........ الشاهين تكسب و بالثلث كمان .... أهي نقطة تفوق للشاهين ظهرت أهيا ...

أما باقي نواحي المقارنة الجين 2 تكسب ......


إنما المقارنة جائزة طبعا و مفيش مشكلة أني أقارنها بأي عربية ....خصوصا لما يكونوا في فئة حجمية واحدة أو متقاربة .

و بالنسبة لصاحب الموضوع ( الأستاذ أيمن ) و أستفساره
بُص هما العفشتين ناشفين ............ و لكن مختلفين في طريقة التعامل مع المطبات و ثبات العربية .
و طبعا علشان تقدر تحكم صح ............ لازم تركب الجين 2 علشان تقدر تطلع برأي سديد و ربنا ييسر الحال و ترسى على حل مناسب لك

المشاركة الأصلية كتبت بواسطة mnabil1980

المقارنة بين أى سيارتين سليمة حتى لو الفرق كبير من كل النواحى. لهذا وجدت المقارنات.. لتوضيح الفروق بين الأشياء.

المشاركة الأصلية كتبت بواسطة hamadamdph

الله يبارك لك متفق معاك قلبا وقالبا
الناس كانت حتاكل الراجل كأنه غلط في الإمام البخاري
بالراحة يا جماعة على الراجل

بالمناسبة انا اول ما قريت العنوان ضحكت جدا
لسبب بسيط انك ممكن في الجين تو تعيب على كل حاجه إلا العفشة (انا بفترض ان فيها عيوب لأن الكمال لله)

وبعد كده ضحكت اكتر بعد ماقريت ان الناس ممكن يحصل لها حاجه من الكلام ده

لكن عايز اوضح نقطة
الواحد لما بيجرب اي حاجه ويعرفها بتكون هي دي نقطة المقارنة لما يجرب حاجه جديدة
بتبقى يعني عنده standard unit اللي بيتقاس عليها

يا سيدي الجين تو احسن من الشاهين الف مرة
ماشي بس ما هي برضه مقارنة (وحدة القياس فيها الشاهين و الجين عملت 1000 مرة)

انا فاكر لما كان معايا ال 128 وكنت بجيب اللانسر
قلت لهم هي قعدتها مريحة اد ايه عن ال 128
الناس كانت حتاكلني واللي يبص لي ويسيبني ويمشي
بس انا كنت اعمل ايه مكنتش سقت غير ال 128 ولو كانوا روا عليا مثلا وقالوا هي اقل راحة 9 مرات من المرسيدس, انا كنت حستفيد ايه ؟ مانا مركبتش مرسيدس !!!!!

انا حسيت ان الراجل زعلان من ردودنا عليه
فياريت فعلا من رجالة الجين تو يعملوا مقارنة بجد

المشاركة الأصلية كتبت بواسطة ahmedfathy77

السلام عليكم و رحمة الله و بركاته
مفيش حاجه يا اخوانا اسمها المقارنه ما تنفعش حتي لو كان الفرق شاسع و خاصة ان الاخ الكريم بيقارن بين حاجه واحده مش عربيه بعربيه
فمن حقه علي كل اللي جرب العربيتين انه يدله و ينقل له تجربته مش يتريق
يا اخوانا بلاش العنصريه دي حتي لو كانت عنصريه لصالح جين 2 اللي ما بنحبهوش يتقال علي جين 2 ما نحبش نقوله علي اي ماركه تانيه
انا عملت موضوع زمان عن جميع مقارنات جين 2 في قسم المقارنات و لو حد قرا الموضوع فه مش هيصدق جينا دخلت في مقارنات مع ايه عربيات تفوقها في كل حاجه و عربيات زييها و اقل و مش عاوز اقول انا كنت ببقي حزين اد ايه لما حد يتكلم بعنصريه او بتريقه علي نغمة دي ماليزي او ايش جاب لجاب
زي ما بنحب نقارن جينا بما هو اكبر و اغلي و اقيم لازم نتقبل المثل
سلامي للجميع

المشاركة الأصلية كتبت بواسطة amecath

انا بعتبر الاستفسار ده هام جدا لصاحب الموضوع
ومن حقه يستفسر والى معاه الاثنين يقول رايه للافادة
انا ركبت الشاهين بتاعت زميلى سنتين مايميزها
الشاهين انها مرتفعة جدا عن الارض وانسيابية على المطبات الى حد ما
وعفشة اقدر اقولك عليها حديد
اما الركوبة فكرسى الشاهين وقعدته عجب حبتين
اما لما ركبنا بعديها البرسونا
فعفشة قوية جدا ناشفة قليلا لكن ثبات راقى على السرعات والمناورات
اقل ارتفاعا عن الارض من الشاهين
((انا بتكلم على خلوص العربية))
اما الركوبة فكرسى البرسونا مجهز بعناية لجلوس باتزان وقدرة على التحكم فى طارة السيارة

انا حبيت اقارن لحضرتك العفشة والثبات بس
وطبعا مفيش مقارنة من ناحية الرفهيات والسحب وخلافه البرسونا او الجين تتفوق بمراحل
وربنا يوفقك لما فيه الخير

+111111111111111111111111111111111

معلش ياجماعة واضح ان فى حالة لبس وسوء تفاهم

الاستاذ ايمن زى ماوضح انه بيقارن بين الاثنين لانه معاه شاهين ، والاخوة أخدو الموضوع على انه مقارنة ظالمة بين الاثنين ، بس زى ما بعض الاخوة برده قالو...ان من حق أى حد يقارن بين اى حاجة والا تبقى ايه لازمة المقارانات...وده رأى سليم

بعتذر للاستاذ ايمن لو كان ردى ضايقه بأى شكل

وزى ماقال الاخوة..الشاهين ...خدمة شاقة ، عفشة حديد تستحمل بهدله البلد والمطبات ، قطع غيار أرخص بمراحل .....الجين تو ثبات أكبر بكتير ، أكثر راحة ، أكثر تكلفة وأكثر تعقيد بالتأكيد

وتقبل تحياتى....ومتزعلش من حد...محدش يقصد أى شئ

شكرا للاعضاء اللي ردت وافادوني جدا بصراحه بس فعلا انا حاسس ان في ناس زعلت من المقارنه دي بس عايز اوضح حاجه لو انا كنت قارنتها ب bmw مثلا كنتو هتفرحو عشان ده يعتبر مدح في العربيه بس انتو تخيلتو اني لما بقارنها بحاجه اقل يبقئ كده بقلل من قيمتها
طبعا لا انا عارف الفرق الشاسع بينهم بس انا قارنتها بحاجه وحده بس العفشه وزي ما الاستاذا مصطفي قال لو قارنتها بقطع الغيار الشاهين تكسب فايه المانع اني اقارن عفشتها وانا قارنتها عشان اعرف الفرق مش عشان التريقه وانا لو كنت سقتها مكنتش سالتكم بس انتو اللي سقتوها عشان كده سالتكم وعلي فكره لو كنتو قلتولي الجين عفشتها انشف برضه هجيبها ان شاء الله لاني مش بسمع لكلام الناس
وعلي فكره الاخ محمد سليمان كلاكس التوك اعلي مش عشان توتك يبقئ واطي لا ده اعلي بكتير
وياسيدي انت لو من اسكندريه انت ممكن تيجيلي تشرب حاجه اغديك كده وشكرا لعرضك عن تجربه العربيه يابرنس ربنا يخليك زيخلي باقئ الاعضاء

محدش يغلط فالشاهين يا جدعااااااااااااااان