عاوز اوطي السلانسيه

**jojowork1** · 04-11-2009 10:44 PM

ميرسي ليكم كتير انا بكره هاروح اكشف علي طرمبه المياه وهحاول ادور علي حد كويس اعم عنده اسكنر
انا نفسي اجيب الكابل ده واريح دماخي من الحورات ديه

**jojowork1** · 04-11-2009 10:46 PM

فعلا يا باش مهندس صح اللي حضرتك حاطط صوره ده هو فعلا ده قصدي انا كنت متخيل اني ممكن اضحك علي العربيه واشيل الحساس ده اصلا واركب مكانه مفتاح بنفس السعه ديه بس مجرتهاش بصراحه

**samirayad** · 04-11-2009 10:56 PM

انا كنت متخيل اني ممكن اضحك علي العربيه واشيل الحساس ده اصلا واركب مكانه مفتاح بنفس السعه ديه بس مجربتهاش بصراحه

مينفعش تعمل حاجه زى كده ياهندسه
أصل ده تصميم مختلف برضه عن المفتاح
وليه سيستم تحكم برضه وعلى علاقه بوحدة التحكم
وفيشه كهربيه خاصه بأطراف محدده
أما أحنا متفقين أن نظريته فى عمل البوتنشيومتر الموجود بداخله تشابه الى حد كبير مفتاح الفوليوم ( مع الفارق فى الأستخدام طبعا )

**jojowork1** · 04-11-2009 11:52 PM

انا مش قصدي اني اسبته مكانه انا قصدي علي سبيل التجريب لتحديد المشكله مش اكتر انا فاهم ان قوه ده وتحمله مش هاتنفع مكان ده
الواحد لو بيعلي ويوطي الكاسيت زي ما بيدوس علي البنزين كان باظ من زمان مش هايستحمل شغل يوم واحد

**jojowork1** · 04-11-2009 11:54 PM

بخصوص طرمبه المياه انا في حاجه كده فكرت فيها انا سحبت انهردا بالعربيه علي 120 ومشيت بيها فتره العربيه زي الفل مفهاش غلطه ولا سخونه وده ولا حتي المراوح اشتغلت اصلا بس بمجرد اني اقف بيها شويه علي السلانسيه تتعفرت مش عارف اه اللي بيحصل
فهل ممكن تكون الطرمبه بس علي السرعات العليه مش فارقه مع العلم اني مش بقصد صوت عالي انا اقصد المتور عالي كانك مزود بنزين

**محمود نجيب** · 06-11-2009 10:29 PM

متابع باهتمام
لأني معايا لانوس شيفورلية و صوتها عالي عن الطبيعي و rpm بيعلي مع أول دوران ويوطي بعد 10 ثوان و صوتها في السلانسيه عالي

**jojowork1** · 06-11-2009 11:48 PM

ممكن يكون ده طبيعي عشان اي عربيه في اول التدوير بدور عاليه لغايه ما تسخن وبعدين تهدي
شوفها لما تكون عامل بيها مشاور وبعدين شوفها علي السلانسيه

**ah5000** · 07-11-2009 10:02 AM

صباح الفل ياباشمهندس /سمير --دايما تعبينك كدة معانا العربية وهى واخدة الغيار الاول بتمشى بدون الضغط على اى دواسة مجرد ما ارفع رجلى من على الدبرياجبحس ان فى اندفاع بسرعة والسرعة فى العداد على 20
دة صح ولا زيادة----------- نفس الكلام فى المرشيدير------
سبحانك اللهم وبحمدك ، أشهد أن لا إله إلا أنت أستغفرك وأتوب إليك