الموضوع: محتاج مساعدة ضروري

المشاركة الأصلية كتبت بواسطة MMamdouh

فرامل الفكترا الخلفية الطبلة هى هى بتاعت اللانوس

vectra A at least when cross refferenced with lanos parts on remsa ...site

الضعف فى فرامل اللانوس من الطنابير الامامية الصغيرة مع صغر حجم السيرفو... حط على دة كلة فرامل خلفية طبلة بتحتاج رجلاش دورى... اكيد الدنيا حتبقى مش تمام

على فكرة قصة فرامل ورا دى من الحاجات اللى مبتبانش الا بعد مدة كبيرة من الاستخدام... غالبا بسبب بدء تاكل الطنبورة الخلفية و سرعة استهلاك التيل الخلفى و باتلاى الحاجة للرجلاش فى فترات متقاربة

MMamdouh

انا مجربتش الفكترا A
بالنسبة للفكترا B اعتقد ممكن يبقى المقاس مختلف مقارنتش بين الاتنين بصراحة بس فرامل الفكترا كاداء ومتابعة وصيانة مختلفة تماما عن اللانوس حتى بالطبلة (كل شوية محتاجة متابعة وكلها شوية وتبتدى ترجع زى الاول)
انا مش بقارن بين الاتنين لأن كل واحدة ليها نظامها بس عموما فرامل اللانوس من اسوأ الفرامل اللى جربتها
بحس كمان ان مسافة التوقف بتاعتها كبيرة , دوس فرامل العجل يزحف على الارض ويشيط ويدخن والعربية ملهاش دعوة مكملة طريقها (طبعا ضعف الفرامل الخلفية ليها دور فى الموضوع) مرة لبست حفرة بسببها ومرة كنت هدخل تحت عربية نقل دة غير الحاجات الخفيفة .. احيانا باتضر اشد فرامل اليد لو فرامل العربية مش ملاحقة

الغريب ان العربية ليها توكيل هنا وتجميع مصرى وبالرغم من طول فترة تصنيعها (داخلة على 12 سنة بتتجمع فى مصر واكتر منهم فى كوريا) وتغيير الوكيل والعلامة (يعنى اكيد فى feedback بالعيب دة) وتعديل العربية فى سنة 2000 اللا ان موضوع الفرامل دة ولا حد جة ناحيتة بالرغم من ان الموضوع مش مكلف ولا فية اختراع اقصى مافيها هيركب فرامل لانوس 1.6 !!.. ولا هو نظام على قد فلوسهم!!!