الموضوع: ازاى اعرف ان الرشاشات شغالة تمام

طبعا ياهنسة بلاشك شك جميع الاعضاء اللى بتتعاون وبتطرح مشاكلها وحلولها وتجاربها اللى مرت بيها بتكون ليها فوائد كبيييرة لو حد فينا عندة مشكلة ممكن يلاقى تفسير لمشكلة او واحد وجهتة نفس المشكلة يقوم يعمل زى اخوة اللى كانت عندة نفس المشكلة هيا العملية قايمة على التعاون وكلا بنفكر مع بعض واكيد اختلاف الخبرة لية عامل كبير

بس للأسف ياهندسة البلد دى كل واحد فيها ماشى بمزاجة وعاملة نظام مع نفسة مش عايز ولا حد يعدل عالية او يكلمة فى حاجة ولا كأنة خبير اوانة وزمانة
ما هو اللى عجبنى فى المنتدى الجميل دة روح التعاون اللى بين الاعضاء ومحدش بيبخل على حد بكلمة عارفها

لا هيا العملية مش مرتبطة بالتموين ولا حاجة انا قصدى المدة ما بين تبطيل العربية وتدويرها لما تكون مش كبيرة اوى بتأخر ولو بتطلت وتدورت تقريبا بنفس معدل الوقت اللى بمون بية ممكن اقل او اكتر شوية هنا بتواجهنى عملية التأخير
بس مجرد ما بحمل على المارش العربية بدور بسرعة ودة الوضع بعد تغيير الموبينا والبوجيهات والسلوك

ان شاء الله مع غيار الزيت هعمل اختبار التسييل وهقولكم على النتيجة
بس حضرتك فكرتنى بموضوع مهم اوى بالنسبة للمارش
من فترة كدة ايام ماكانت العربية ملخبطة بسبب الموبينات المضروبة اللى كنت لابسها كانت العربية بتبطل منى كتير غصب عنى جت مرة بطلت وحلفت ما تدور بس المارش صثوتة مكنش طالع اساسا بالصدفى لقيت كهربائى فالشارع جيبتة شاف الوضع قالى دة المارش مش بيلقط معاك قولتلة طب واية الحل قالى هفورة ونكشف عالية محتاج تغيير ولا ممكن يتصلح طبعا معجبنيش الكلام لأنى عندى كهربائى متعود عالية ومريحنى بالصدفى بدور العربية دارت قولتلة ماهى دارت .... قالى طول ما المارش شخن مش هيقوم معاك فالما برد دارت عادى
اية رأيك فى الكلام دة مش وضح العملية شوية

كدة عندى مهمة اعملها مع غيار الزيت اكشف على كفائة الرشاشات بالطريقة اللى حضرتك شرحتها
لو شغالة تمام يبقى التوقع التانى اللى مكنش فى بالى وناسية ومن فضل حضرتك انك فكرتنى بية
المارش فية حاجة فى الحالة دى تفتكر حضرتك اغير المارش بواحد استيراد نظيف بدل التصليح ولا عملية التصليح مش مستهلة
اصل اخوك مش بيحب الحاجة ملعوب فيها وكدة انا الحاجة اللى بتقصر عندى وممكن تتصلح بفضل انى اوقع حاجة استيراد حالتها نظيفة بدل التصليح وكدة اللى عمرة ما هيكون زى شغل الخواجة
عشان كدة انا ضد عمل عمرة المواتير وديما بقول بدال المكنة عدت مرحلة الشنبر وهتدخل فى خراطة وخلافة يبقى الافضل اننا نجيب مكنة استيراد افضل حتى لو رسيت على تغيير البلوك بالبساتم بتوعة لو وش الماتور سليم والعيب من البلوك وكدة

شكرا ياهندسة على زوق حضرتك صدقت بقى ان مشاركة حضرتك مفيدة بقى وانى كنت مفتقدها
ولما اروح للميكانيكى اطلب منة يعمل اية او اقولة اية عشان اعمل موضوع الرشاشات دة

شكرا ياهندسة ان شاء الله هعمل الخطوات دى وربنا يقدم اللى فية الخير ان شاء الله