الموضوع: ازاى اعرف ان الرشاشات شغالة تمام

المشاركة الأصلية كتبت بواسطة MMamdouh

مشكلة التسييل هى مشكلة عدم احكام غلق الرشاش و بالتالى ضغط البنزين بيتسرب من الرشاش لما تبطل العربية... معنى كدة ان الرشاش لو سالك و الفونية مش مسدودة حيرش كمية البنزين المطلوبة بالضبط و بالتالى زمن فتح الرشاش على السكانر حيبقى مضبوط

لاحظ كمان ان الناس اللى بتركب رشاشات بى ام او هيونداى بيبقى زمن فتح الرشاشات عندهم مختلف عن الزمن الطبيعى (حوالى 1.8 مللى ثانية) و بالرغم من كدة الرشاشات شغالة تمام التمام و دة بيرجع لفروق نسب التدفق بين الرشاشات و بعضها مش بسبب خلل معين فى الرشاشات نفسها

MMamdouh

ايوة ايوة كدة فهمت الفولة
معنى كدة ان الاسكانر يشوف زمن فتح الرشاش مظبوط ولا لأ بس ملهوش علاقة بتسييل او اى حاجة تانية ممكن الرشاشات تعملها
اوك شكرا للمعلومة دى اكيد هتفيدنى كتيييير

طيب فى حاجة عايز اسئل حضرتكم عاليها
دلوقتى انا عندى مقياس الزيت من اخر مرة غيرت فيها زيت وفلتر مع بعض فوق الماكس يجى تقريبا قد نص المسافة بين ال min , max وكنت بكشف على المياة والزيت فابلصدفة شوفت واحد جارى سلمت عالية واتكلمنا وانا بشوف قياس الميا والزيت
لقيتة قالى انت الزيت عندك كتير فى المكنة مفروض ميعديش مستوى الماكس او يبقى اقل شوية

هل الكلام دة مظبوط ولا اية انا اخر مرة غيرت زيت وفلتر مع بعض صبى الميكانيكى حطلى الجركن كلة متبقاش منة حاجة وقالى حطيتة كلة عشان الفلتر
ولوفعلا كدة صح اية اللى اعملة وهل كدة الزيت لو كان فية زيادة كان بيطلع على هيئة عادم ولا بيروح فين

شكرا استاذ سمير للتوضيح
طيب المقياس الصحيح اية اللى اظبط عالية بعد كدة عشان انا تعبت من صبيان الميكانيكية يعنى يا باش هندس سمير الدخنة اللى كانت بتظهر عندى اول ما العربية تسخن وعداد الحرارة يثبت دة زيت فايض

حضرتك لو قريت الموضوع من الاول هتلاقينى كنت بشتكى من دخنة كدة وكان الجكمان بيعرق عادى يعنى الكبس مظبوط وقايس الكبس لما حطيت العربية على الاسكانر
طمنى ربنا يطمنك والله ياجماعة الواحد من غيركم مكنش عارف هيعمل اية

والله ياهندسة الواحد من غيركم مكنش عارف هيعمل اية
انا قولت اروح اغير الزيت عند الميكانيكى احسن من البنزينة على اساس هو فاهم الوضع عن عامل حد فهمة يعمل اية وخلاص
بس كدة مش محصلة بعضها بقى

الحمد لله انا كدة اطمنت على حالة العربية دة انا الدخنة دى كانت مدوخانى ومكنش حد قادر يطلع فى العربية مبرر للدخنة وروحت لكذا مكان مخصصين للدايو كلهم قالولى المكنة زى الفل ودة بخار مياة مع رواسب العادم فابيتهيئلك الدخنة ومستريحتش غير لما حطيت العربية على الاسكانر وقمت بقياس كبس المتور ومش لاقى مبرر وبدأت اتعايش ان الموضوع بخار ميا ورواسب جكمان وكانت الدخنة كل شوية بتقل نسبيا عن الاول لحد مابقت حاجة لاتزكر اوى
واللى كان هيجننى ان الدخنة كانت مش بتطلع مع كبس المكنة عند التزويد لأ دى كانت بتطلع كأن حد بيدخن وطالع منة الدخان من غير ماينفخ ولما كنت ازود كانت تفضل تروح لحد الاختفاء
والمفروض ان المكنة المفوتة الزيت بيخرج على شكل عادم وانت بتكبس بنزين كل ما تكبس اكتر كل ما الدخنة بتزيد ودة عكس اللى عندى تماما

بس الموضوع دة لية اى اثر سلبى على دورة الاحتراق او على البساتم والشنابر اكيد العربية كانت بتسخن اكتر من الطبيعى
وتفتكروا بردو حكاية ااكويلات اللى كانت بتضرب بغض النظر انها كانت مضروبة لانها مكنتش بتكمل اسبوعين وحتى لو مضروبة وفاشلة كانت هتقعد مدة اطول بردو وبالتالى البوجيهات والسلوك وكدة عشان لو كدة فى تصرف تانى مع الباشا اللى عمل كدة وسببلى كل الخسائر دية تكون بسببها