الموضوع: استهلاك البنزين هيجنني

مهتم بالموضوع .. ومتابع له

المشاركة الأصلية كتبت بواسطة weeja

السلام عليكم
أرجو المساعدة من البروتوناوية القدام
انا يا جماعة جبت جين 2 موديل 2007 اوتوماتيك مستعملة بس ماشية 24000 كم وحالتها ممتازة الحمد لله
بس من ساعة ما جبتها و سحب العربية ضعيف اوي و بتاكل بنزين بغباء
جوه البلد ومن غير تكييف الصفيحة 20 لتر بتعملها 120 كم
رحت التوكيل في القاهرة قالولي ده فلتر بنزين عايز يتغير غيروه المهم بعد كده مشيت صراحة الاستهلاك قل بقت الصفيحة بتعمل 180 كم من غير تكييف بس السحب فضل وحش برضو وعلى فكرة انا سقت كزا جين تو عشان ماحدش يقولي العربية سحبها مش قد كده في الاول فانا عارف سحبها عامل ازاي فالمهم بعد كده انا اشتريت بوجيهات من واحد في القاهرة بيبيع قطع غيارها وقعد يحلفلي انه بيدي البوجيهات دي للتوكيل هي فرنساوي اخدتها منه
بس بعد كده استهلاك البنزين زاد تاني وبقى اكتر من الاول بقت الصفيحة والله بتعمل 100 كم من غير تكييف جوه البلد
فانا مش عارف حاسس انه من البوجيهات دي
لو حد يعرف اجيب بوجيهات نوعها ايه ؟؟
الميكانيكي قالي هات ngk الياباني شعلتين بيقولي كل الجديد شعلتين وناس تانية تقولي لا اللانسر مثلا لحد دلوقتي شعلة واحدة
وبعدين في ngk شعلة واحدة ب 40 جنيه
وفي ngk برضو شعلة واحدة و ب 100 جنيه
والاتنين محفور عليهم japan فهل في اصلي و تقليد
ارجوكم حد يفيدني

هات بوجيهات NGK ايرديوم سن واحد بس .... من عند الوكيل التوفيق فى المعادى الجديده جنب توكيل كيا القديم هاتضبط مع الجين تمام عن تجربه وتمنهم كان 150 جنيه وبيقعدوا على كلامهم 100000 ك ممتازين فى السحب قوى
ربنا يوفق

المشاركة الأصلية كتبت بواسطة weeja

متشكر يا باشا على ردك
هو يا باشا في واحد عندنا هنا في المنصورة عنده الأصلي السن الواحد ده ب 100 جنيه
هو فيهم حاجة مميزة اعرف بيها انهم اصلي ولا لأ ؟؟؟؟
ويعني ايه ايرديوم ؟؟؟؟
وهم سن رفيع زي بتاع اللانسر ولا تخين ؟؟؟
واستهلاك البنزين عامل ازاي معاهم ؟؟؟

متهيالى انهم مش الى قصدى عليهم او مش اصلى الله اعلم لانى جايبهم من الوكيل اسمه التوفيق ( توكيل ngk فى مصر ) من سنتين ب 150 جنيه
سن الاشعال شكله هرمى ومعدنى زى البلاتين كده
فى البنزين معايا ممتازين والسحب كمان
مش عارف اذا كان زى الانسر ولا لا ... كان عندهم كتالوج وطلع لى السن المناسب للتركيب فى الماتور وركبتهم فى التوكيل
ربنا يوفق